3 Juan 1:2 - Inkeanon

² Pinalangga ko nga amigo, kabay pa nga sa tanan nga butang hay una ka sa mayad nga kahimtangan, ag mabaskog ro imong eawas, pareho ku imong pagtuo nga malig-on man.

3 Juan 1:2 Iomraidhean Croise

Mateo 9:12

Habatian rato ni Jesus ag ginsabat nana sanda, “Ro mga mayad ro andang eawas hay owa gakinahangean it doktor kundi ro mga masakiton eang.

Mga TagaFilipos 2:27

Nagmasakit gid ma't-a matuod imaw it grabi, ag sangkiri eang ngani imaw mamatay. Pero ginkaeuy-an imaw it Dyos ag nagmayad ma't-a imaw. Bukon eang it imaw ro ginkaeuy-an it Dyos kundi pati man ako, agod indi hidugangan ro akong kalisod.

Mga TagaFilipos 2:4

Ayaw eang ninyo pagkabangti ro inyong pangabuhi kundi ro ana man ku iba, agod mabuligan ninyo sanda.

2 Tesalonica 1:3

Mga igmanghod, dapat gid-a nga magpasaeamat kami permi sa Dyos tungod kinyo. Ag tama ma't-a ron ay padayon nga nagalig-on pa gid ro inyong pagtuo kay Jesus, ag nagadinugang gihapon ro inyong paghigugma sa kada isaea.

2 Tesalonica 2:13

Mga igmanghod nga palangga it Ginuo, dapat gid-a nga magpasaeamat kami permi sa Dyos tungod kinyo. Nagapasaeamat kami tungod kato pa eagi hay ginpili eo't-a kamo it Dyos agod anang euwason, paagi sa pagpaeain kinyo it Espirito Santo nga mangin mga balaan kamo nga katawhan it Dyos, ag paagi sa inyong pagtuo sa matuod nga mensahi.

Santiago 5:12

Ag isaea pa nga importanti gid nga ihambae ko kinyo, mga igmanghod hay kon gahambae kamo hay ayaw kamo it panumpa ag gamiton pa ninyo nga saksi ro eangit o ro eugta o bisan ano pa. Mas mayad pa nga maghambae eang kamo it “Huo, himuon ko” ukon “Indi ako” agod indi kamo pagpinahan it Dyos.

1 Pedro 4:8

Eabaw sa tanan, maghigugmaanan kamo it hantop sa inyong tagipusuon. Kon ginahigugma abi ninyo ro inyong isigkatawo hay mapatawad gid ninyo imaw maskin man-o it abo ro anang saea kinyo.

2 Pedro 3:18

Padayuna ninyo ro pagkabuhi nga nagapalipay sa Dyos agod masamitan pa gid ninyo ro anang pagpakamaayo ag tinguhaa ninyo nga magdaeom pa gid ro inyong pagkakilaea sa atong Ginuo ag Maneueuwas nga si Jesu-Kristo. Dapat nga dayawon imaw halin makaron hasta sa owa it katapusan. Amen.

3 Juan 1:1

Para kay Gaius nga ginapalangga ko it hantop gid sa akong tagipusuon. Ro nagasueat ngara hay tag ginakilaea nga Ro Magueang.

Pahayag 2:9

Hasayran ko nga ginapakalisdan kamo ag pobre kamo pero ro matuod hay abo ro inyong manggad sa eangit. Sayod man ako ku mga pagpakaeain kinyo ku mga *Judio nga nagaako nga mga katawhan sanda it Dyos, pero bukon ron it matuod ay mga sinakpan sanda ni Satanas.