3 Juan 1:11 - Inkeanon

¹¹ Pinalangga ko nga amigo, ayaw gid pagtueara ro maeain nga ginahimo it tawo, kundi tueara ro mayad. Ro nagahimo it mayad hay unga it Dyos, pero ro gahimo it maeain hay owa nakaeubot kon ano ro kinaiya it Dyos.

3 Juan 1:11 Iomraidhean Croise

Juan 10:27

Ro akong mga karnero hay nagapamati sa akon nga limog ag kilaea ko sanda, ag nagasunod sanda kakon.

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 3:20

Ro tanan abi nga ro buhat hay maeain hay ginakaugtan ro Iwag ag ginalikawan nanda ron agod indi mabulgar ro andang buhat.

1 Corinto 11:1

Tueara ninyo ako pareho sa akong pagtuead kay Kristo.

1 Corinto 4:16

Ngani dahil ama ninyo ako sa pagtuo, ginahinyo ko kamo nga tueara ninyo ako sa akong pamatasan.

Mga TagaEfeso 5:1

Mga palangga kamo nga mga unga it Dyos, ngani tueara ninyo ro inyong Ama.

Mga TagaFilipos 3:17

Mga igmanghod, magsambilog kamo sa pagtuead kakon sa akong pagsunod kay Jesus. Tan-awa ninyo ag tuearon ro mga nagatuead eon inha kakon, ay ginatuead eon nanda ro halimbawa nga ginpakita namon kinyo.

1 Tesalonica 1:6

Ag inyo gid-a nga ginbaton ro among mensahi nga may kalipay halin sa Espirito Santo bisan grabi ro paghingabot kinyo. Sa inyong pagtiniis it mga paghingabot ngaron hay ginatuead ninyo kami, pati ro Ginuo.

1 Tesalonica 2:14

Hasayran namon ra tungod nagpadayon kamo sa inyong pagtuo bisan pa ginhingabot kamo ku inyong mga kasimanwa. Mga igmanghod, pareho ro inyong haagyan ag ro haagyan man ku mga grupo it mga tumueuo sa probinsya it Judea nga may maeueot nga kaangtanan kay Kristo Jesus. Ginbatas man nanda ro mga paghingabot ku andang mga kasimanwa nga mga *Judio.

2 Timoteo 3:10

Pero ikaw 't-a, Timoteo hay hasayran mo gid ro akong ginaturo, ro akong batasan, ro akong gustong obrahon sa akong kabuhi, ro kalig-on ku akong pagtuo, ro akong pasensya, kon paalin ako maghigugma ag kon paalin ako magtiis.

Mga Hebreo 6:12

Gusto ko nga makaruyon ro inyong pagkasigurado agod indi kamo madueaan it gana sa inyong pagsunod sa Dyos, kundi tuearon ninyo ro mga tawo nga paagi sa andang malig-on nga pagtuo ag pagkamatiniison hay nagabaton ku mga ginpromisa it Dyos.

1 Pedro 3:11

Dapat man imaw nga magtalikod sa mga maeain nga buhat ag maghimo dapat imaw it mayad. Dapat man nga obrahon nana ro tanan nanang ikasarang, agod may anang paghidait sa anang isigkapareho.

1 Pedro 3:13

Sin-o baea ro magahalit kinyo kon ginapahaegahan ninyo permi ro paghimo it mayad?

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 3:10

Ngani makilaea gid naton kon sin-o ro unga it Dyos ag kon sin-o ro unga ni Satanas paagi dikara: ro owa nagahimo it matarong ag ro owa nagahigugma sa anang igmanghod sa pagtuo hay bukon it unga it Dyos.

1 Juan 4:1

Mga pinalangga, ayaw kamo magpati sa tanan nga mga nagahambae nga ro andang ginaturo hay halin sa Espirito Santo, kundi testingi kon ro andang mga ginaturo hay halin matuod sa Dyos. Abo eo't-a abi nga mga nagapakuno-kuno nga mga propeta nga nagaeapnaag bisan siin nga parti it kalibutan.