2 Juan 1:4 - Inkeanon

⁴ Nalipay gid ako it duro pagkasayod ko parti sa imong mga unga nga nagatuman sa matuod nga mensahi it Dyos nga Ama, suno sa anang sugo katon.

2 Juan 1:4 Iomraidhean Croise

1 Corinto 13:6

Owa nana ginakalipay ro buhat nga bukon it matarong kundi nagapangibabaw ro kamatuuran.

Mga TagaGalacia 2:14

Sayod ako nga ro andang ginaobra hay owa gakasinanto sa matuod nga ginaturo it Mayad nga Balita, ngani pagtilipon namon nga mga tumueuo hay akon nga ginbuslahan si Pedro sa atubang ku tanan nga idto. Hambae nakon kana, “Bisan Judio ka hay matsa bukon ka man it Judio tungod owa ka eon gatuman sa mga kasuguan it relihiyon naton nga mga Judio. Owa ka ngani nagatuman karon hay ham-an it imong ginapilit ro mga bukon it Judio nga magtuman nga matsa mga Judio man sanda?

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

Mga TagaEfeso 5:8

Kato anay hay pareho man kamo kanda nga nagakabuhi sa kadueom it saea, pero makaron hay sa kahayag eon kamo dahil mga katawhan eon kamo it Ginuo. Ngani magpangabuhi kamo nga ro inyong batasan hay kat ana it mga tawo nga sa kahayag eon,

Mga TagaFilipos 4:10

Kon parti ma't-a sa bulig nga inyong ginpadaea hay nalipay gid ako ag nagapasaeamat sa Ginuo nga pagkatapos it maeawig nga tyempo hay ginapakita eon man ninyo ro inyong pagkabaeaka kakon. Sayod ko nga owa gid ma't-ang ninyo halipati ku ratong tyempo ugaling hay owa kamo kato it kahigayunan nga makabulig kakon.

1 Juan 2:6

Ro bisan sin-o nga nagahambae nga imaw hay nagapadayon sa anang maeueot nga kaangtanan sa Dyos hay dapat nga magpangabuhi it matarong, pareho kay Jesu-Kristo.