2 Juan 1:2 - Inkeanon

² Ginahigugma namon kamo bangod ku matuod nga mensahi it Dyos nga nakatanom gid sa atong paino-ino, ag magapabilin ron hasta sa owa it katapusan.

2 Juan 1:2 Iomraidhean Croise

Juan 14:16

Ag pangabayon ko ro akong Ama nga padaehan kamo it magabueos kakon nga Manogbulig agod ibhan nana kamo hasta sa owa it katapusan, ag obrahon ron it akong Ama.

Juan 15:7

Pero kon nagapadayon kamo sa inyong maeueot nga kaangtanan kakon ag padayon nga nakatanom sa inyong paino-ino ro akong hambae, pangayo kamo sa Ama it bisan ano nga inyong gusto, ag itao ron nana kinyo.

1 Corinto 9:23

Ginahimo ko ra tanan agod abo pa gid ro magapati sa Mayad nga Balita ag agod makaambit ako sa mga pagpakamaayo nga ginatao it Dyos sa mga nagapati karon.

2 Corinto 4:5

Owa namon ginawali ro among kaugalingon nga matsa importanti kami kundi ginawali namon si Jesu-Kristo. Ginawali namon nga imaw ro Ginuo ag kami hay nagaserbi kinyo dahil kana.

Mga TagaColosas 3:16

Itanom gid ninyo sa inyong paino-ino ro Mayad nga Balita parti kay Kristo. Gamita ro kaaeam nga gintao kinyo sa pagturo ag sa pageaygay sa kada isaea. Magkanta kamo it mga salmo ag mga sari-saring mga kaeantahon sa pagdayaw sa Dyos nga may hantop nga pagpasaeamat sa inyong tagipusuon.

2 Timoteo 1:5

Ag indi ko man malipatan ro imong minatuod nga pagtuo, ag kumbinsido ako nga pareho ron sa pagtuo ku imong lola nga si Lois ag ku imong ina nga si Eunice, nga mga hauna nga nagtuo kaysa kimo.

2 Pedro 1:12

Ngani bisan sayod eon ninyo ro akong mga ginahambae ngara, ag malig-on eon ro inyong pagtuo sa kamatuuran nga ginturo kinyo hay padumdumon ko gihapon kamo permi parti kara.

1 Juan 1:8

Kon maghambae kita nga owa kita it saea hay ginaluko eang naton ro atong kaugalingon, tungod owa gid nakatanom sa atong paino-ino ro kamatuuran nga ginpahayag it Dyos parti sa saea.

1 Juan 2:14

Akon nga umanon ro akong ginhambae. Mga palangga nakon nga mga unga sa pagtuo, nagasueat ako kinyo tungod nakakilaea gid kamo sa Dyos nga atong Ama. Mga magueang, nagasueat ako kinyo ay nakakilaea gid kamo kana nga una eon bago pa gintuga ro bisan ano. Mga pamatan-on, nagasueat man ako kinyo tungod mga malig-on kamo sa inyong pagtuo, ag ro mensahi it Dyos hay nakatanom gid sa inyong paino-ino, ag haperdi ninyo ro ginahalinan it kaeainan.

1 Juan 2:17

Ro kalibutan ag ro tanan nga maeain nga ginakaigban it tawo iya sa kalibutan hay nagataliwan, pero ro nagatuman sa pagbuot it Dyos hay magakabuhi hasta sa owa it katapusan.