2 Juan 1:12 - Inkeanon

¹² Abo pa't-a kunta ro akong gustong ihambae kinyo, ugaling hay indi ko eon lang igpaagi sa sueat. Ngani kabay pa nga makaadto ako inha, agod magkilita kita ag magkaistorya it personal, agod mangin tueos gid ro aton nga kalipay.

2 Juan 1:12 Iomraidhean Croise

Juan 15:11

Ginasugid ko kinyo rondaya nga mga butang agod ro minatuod nga kalipay nga iya kakon hay mangin una man kinyo ag agod mangin tueos gid ro inyong kalipay ngaron.

Juan 16:12

“Abo pa kunta ro akong igasugid kinyo, ugaling hay bukon pa kamo it haom magbaton karon.

Juan 16:24

Hasta makaron hay owa pa kamo it hapangayo sa Ama nga ginagamit ro akong ngaean. Pangayo kamo ag taw-an kamo agod mangin tueos ro inyong kalipay.”

Juan 17:13

“Madali lang ako magbalik inha kimo, ngani ginahambae ko kimo ro mga butang ngara sa atubang ku akong mga sumueunod bago ko aywan ro kalibutan, agod mangin tueos man ro andang kalipay pareho sa akong kalipay.

Juan 3:29

Kon sa kasae pa ron, ro nagapakasae sa nobya hay ro nobyo, bukon it ro abay it nobyo. Pero kon sa seremonya eon hay nalipay it duro ro abay nga nagatindog sa kilid it nobyo, ag nagapamati samtang ginadayaw ku nobyo ro anang nobya. Makaruyon man ako, nalipay ako it duro ay iya eon ro nobyo, ag nagapaeapit kana ro anang nobya.

Mga TagaRoma 15:24

May plano ako nga magpaEspanya ag kon madayon ako hay kabay pa nga makahapit ako inha kinyo. Bisan indi ako katenir it mabuhay inha hay gakasadya ako sa atong pag-ililiba, ag kon puydi hay mabuligan ninyo ako sa akong mga kinahangean kon magdiritso eon ako sa Espanya.

2 Timoteo 1:4

Indi ko malipatan ro imong pagtangis ku pagbueag naton, ngani nagahandom gid ako nga hikita ta it uman agod mas pa gid ro akong kalipay.

Filemon 1:22

Ag may sambilog pa gali ako nga ginapangabay kimo. Pahaumi abi ako it daeayunan, ay nagasalig gid ako nga sabton it Dyos ro inyong pangamuyo ag paguwaon ako agod makabisita ako inha kinyo.

Mga Hebreo 13:19

Ag mas kapin pa gid nga nagapangabay ako nga pangamuyuan ninyo nga bue-on it Dyos ro nagaabang agod makabalik ako inha it mas madali.

Mga Hebreo 13:23

Gusto ko nga ipasayod kinyo nga ro aton nga igmanghod nga si Timoteo hay ginbuhian eon. Ngani kon mag-abot eagi imaw iya hay maadto rayon kami inha kinyo.

1 Juan 1:4

Ginasueatan man namon kamo kara agod mangin tueos ro aton nga kalipay.

3 Juan 1:10

Ngani kon mag-adto ako inha hay akon nga ihathat kinyo nga mga tumueuo ro mga maeain ag pinuril nga mga ginapanghambae nana parti kamon. Ag owa pa imaw makuntento sa anang gin-obra ngaron. Owa man nana ginapasakaa sa anang baeay ro atong mga igmanghod nga gaadto inha kinyo. Ginabawaean man nana ro mga tumueuo inha nga magpasaka kanda, ag ana nga ginasuboe sa grupo it mga tumueuo ro gusto nga magpasaka kanda.