2 Juan 1:11 - Inkeanon

¹¹ tungod kon abi-abihon ninyo hay hidaeahig kamo sa anang maeain nga ginaobra.

2 Juan 1:11 Iomraidhean Croise

Mga TagaEfeso 5:11

Ayaw kamo mag-intra sa mga owa't pueos nga ginaobra ku mga tawo nga nagakabuhi sa kadueom kundi pakitaan kanda paagi sa inyong matarong nga pagkabuhi nga saea ro andang ginahimo.

1 Timoteo 5:22

Ayaw magpadaso-daso it pagpili ag pagbutang it sangka manogdumaea it mga tumueuo kundi siguraduha anay nga owa imaw nagapakasaea, ay basi madaeahig ka karon. Magpangabuhi ka nga permi nga malimpyo sa mata it Dyos.

Mga Hebreo 5:13

Ro tumueuo nga matsa eapsag nga ginagatas pa hay owa it haeubtan ku mensahi parti sa pagkamatarong.

Judas 1:23

Ro mga nagapati eo't-a sa saea nga ginaturo hay paathagi ninyo kon ham-an it saea ro turo ngaron, agod hieuwas ninyo sanda sa maeain nga dangatan karon. Ag ro mga nagtalikod eo't-a sa tama nga ginaturo ag nagbalik eon sa dating makasasaea nga kabuhi hay kaeuy-i ninyo. Ugaling dapat man kamo mahadlok ay basi hitentar kamo nga mag-intra man sa andang saea, nga pareho it higko nga nagamantsa ag nagasamad sa eambong. Ngani kaugti ninyo ro andang makangingil-ad nga saea agod indi kamo hitapnan karon.

Pahayag 18:4

May habatian pa gid dayon ako nga limog nga halin sa eangit. Hambae nana, “Akon nga mga katawhan, halin kamo una. Paeagiw kamo agod indi kamo makaintra sa saea nga ginahinimo ku anang mga pumueuyo, ag agod indi man kamo hidaeahig sa mga kaeaeat-an nga maabot bilang pina kana.