1 Juan 5:9 - Inkeanon

⁹ Hay kon aton ngani nga ginapatihan ro pamatuod it mga tawo, mas pa't-a nga dapat naton patihan ro pamatuod it Dyos parti sa anang Unga, tungod masaligan sa tanan ro ginahambae it Dyos.

1 Juan 5:9 Iomraidhean Croise

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Juan 10:38

Pero dahil nagaobra't-a ako ku mga bagay ngaron, maskin indi kamo magpati sa akong ginahambae, patihi lang ninyo ro mga makangawa-ngawa nakong ginaobra. Ag paagi karon hay masayran ninyo ag maeubtan nga ako ag ro akong Ama hay may maeueot gid nga kaangtanan nga matsa sambilog eang kami.”

Juan 5:39

Sige ro inyong tinuon ku Sagrado nga Kasueatan ay gaeaom kamo nga paagi sa inyong pagtinuon ngaron hay makabaton kamo it kabuhi nga owa it katapusan. Pero ro Kasueatan ngaron hay nagapatungod kakon

Mga Binuhatan 17:31

tungod may gintaeana eon eagi imaw nga adlaw, nga anang hukman it matarong ro mga tawo sa bilog nga kalibutan. May ginbutang eon eagi imaw nga sangka tawo nga magaobra karon. Ginpamatud-an it Dyos sa tanan, nga rayang tawo gid ro anang ginbutang, paagi sa pagbanhaw kana.”

Mga Binuhatan 5:32

Ginsugo kami nga magpamatuod parti kay Jesus. Ag ro Espirito Santo nga gintao it Dyos sa tanan nga nagatuman kana hay nagapamatuod man nga matuod ro mga butang ngara.”

Mga Hebreo 2:4

Ag ro Dyos mismo hay nagpamatuod man nga matuod ro mensahi parti sa kaeuwasan ngara paagi sa mga makangawa-ngawa ag milagroso nga pamatuod nga anang ginpahimo kanda ag paagi man sa sari-saring abilidad nga gintao it Espirito Santo suno sa kabubut-on it Dyos.

Mga Hebreo 6:18

Ro promisa ag ro sumpa ngaron hay indi gid magbag-o ay imposible gid nga magpinuril ro Dyos. Ngani paagi sa daywa ngara, kita nga nagdangop kana agod anang proteksyunan hay may grabi nga kabaskog it buot nga magpati it malig-on nga aton nga mabaton sa ulihi ro ginpromisa it Dyos.

1 Juan 5:10

Ro nagapati nga si Jesu-Kristo hay Unga it Dyos hay makasiguro sa ana mismong kaugalingon nga ro anang ginapatihan hay matuod. Pero ro owa nagapati sa pamatuod nga ginahambae it Dyos nga Ama parti sa anang Unga hay ginaobra nana nga purilon ro Dyos.

1 Juan 5:8

ro Espirito, ro tubi, ag ro dugo, ag ro tatlo ngara hay nagakasinanto.