1 Juan 5:8 - Inkeanon

⁸ ro Espirito, ro tubi, ag ro dugo, ag ro tatlo ngara hay nagakasinanto.

1 Juan 5:8 Iomraidhean Croise

Mateo 28:19

Ngani, panaw kamo ag tur-an ro tanan nga rasa it tawo kon paalin sanda magsunod kakon bilang akong mga sumueunod. Bawtismuhi sanda sa ngaean it Ama, Unga ag Espirito Santo.

Marcos 14:56

Owa gid sanda it magamit dahil bisan abo ro nagtestigo it pinuril kuntra kay Jesus, ro andang mga sugid hay owa nagsilinanto.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 19:34

Pero may sangka soldado nga ana nga hinandos it bangkaw ro kilid ni Jesus ag insigida hay bumusawak ro dugo ag tubi.

Mga Binuhatan 15:15

Nagakasinanto gid-a ra sa ginhambae it mga propeta pareho ku nasueat nga:

Mga TagaRoma 8:16

Ro Espirito Santo hay nagapamatuod kaibahan ro atong espirito, nga mga unga kita it Dyos.

2 Corinto 1:22

Imaw man ro nagtao katon ku anang Espirito bilang tanda nga kita hay ana. Ro anang Espirito nga iya katon ro garantiya nga tumanon nana ro tanan nanang ginpromisa katon.

Mga Hebreo 13:12

Ngani si Jesus man, nga imaw ro ginasimbolo ku mga sapat nga ginasakripisyo kato hay gindaea sa guwa it syudad it Jerusalem ag nag-antos agod paagi sa anang dugo nga nag-agay hay malimpyuhan nana ro mga tawo sa andang mga saea.

Mga Hebreo 6:4

Ginahambae ko ra dahil ro mga magtalikod sa andang pagtuo kay Kristo hay imposible eon nga kumbinsihon nga maghinuesoe ag magtalikod it uman sa andang mga saea. Kon nahayagan eon it Dyos ro andang paino-ino, kon hasamitan eon nanda ro mayad nga pagpakamaayo it Dyos, kon habaton nanda ro Espirito Santo pareho ku iba, kon hasamitan eon nanda ro kamayad ku hambae it Dyos ag kon hasamitan eon nanda ro gahom it Dyos nga ana man nga ipakita sa paeaabuton nga mga inadlaw, ag kon talikdan 't-a nanda ron tanan hay imposible eon nga mapahinuesoe ag mapatalikod pa sanda it uman sa andang mga saea. Matuod ron ay matsa anda man mismo nga ginaeansang sa krus ro Unga it Dyos ag ginapakahuy-an sa atubang it abong tawo.

1 Pedro 3:21

Rato hay nagasimbolo ku pagbawtismo sa makaron nga tyempo tungod tag ginabawtismuhan kamo, ruyon ro kahalimbawa kon paalin kamo ginaeuwas it Dyos sa pina it saea dahil sa pagkabanhaw ni Kristo. Ro pagbawtismo hay owa kinyo gaeuwas paagi sa paglimpyo it higko sa inyong eawas kundi paagi sa inyong pagpangamuyo sa Dyos nga patawaron na ro inyong kasae-anan.

1 Juan 5:9

Hay kon aton ngani nga ginapatihan ro pamatuod it mga tawo, mas pa't-a nga dapat naton patihan ro pamatuod it Dyos parti sa anang Unga, tungod masaligan sa tanan ro ginahambae it Dyos.