1 Juan 5:7 - Inkeanon

⁷ Ngani, may tatlo nga nagapamatuod parti kay Jesus,

1 Juan 5:7 Iomraidhean Croise

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Mateo 18:16

Pero kon indi imaw mag-ako sa anang saea, adtuni imaw it uman ag magdaea ka it sambilog o daywang ka mga tumueuo agod may saksi nga gapamatuod kon ano ro inyong gin-istoryahan.

Mateo 28:19

Ngani, panaw kamo ag tur-an ro tanan nga rasa it tawo kon paalin sanda magsunod kakon bilang akong mga sumueunod. Bawtismuhi sanda sa ngaean it Ama, Unga ag Espirito Santo.

Juan 1:1

Bago pa gintuga ro bisan ano hay una eo't-a ro ginatawag nga ro Mensahi. Ro Mensahi hay kaibahan eon it Dyos ag ro Mensahi hay Dyos.

Juan 10:30

Ako ag ro Dyos Ama hay sambilog eang.”

Juan 12:28

Tapos, naghambae si Jesus sa Ama, “Ama, pakitaan nga daeayawon ka nga Dyos.” May naghambae dayon halin sa eangit, “Ginpakita ko eon don ag ipakita ko ron it uman.”

Juan 14:17

Imaw hay ro Espirito Santo nga manogpahayag it kamatuuran halin sa Dyos. Ro mga owa nagatuo kakon hay indi makabaton ku Espirito Santo ay owa ma't-a nanda imaw hakita ag hakilaea. Pero kamo't-a hay nakakilaea kana ay gin-inibhan eon nana kamo ag sa indi magbuhay hay magapabilin imaw sa inyong tagipusuon.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 5:26

Mahimo ko ron tungod kon paalin nga may gahom ro akong Ama nga magtao it kabuhi hay makaruyon man ako. Gintugot nana nga ako man hay may gahom nga magtao it kabuhi.

Juan 8:18

Ako ro isaea sa nagapamatuod parti sa akong kaugalingon ag ro sambilog pa nga nagapamatuod karon hay ro akon nga Ama nga nagpadaea iya kakon.”

Juan 8:54

Nagsabat si Jesus, “Kon dayawon ko ro akong kaugalingon, owa ron it pueos. Ro akon nga Ama nga ginahambae ninyo nga inyong Dyos hay imaw ro nagadayaw kakon.

Mga Binuhatan 2:33

Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon.

Mga Binuhatan 5:32

Ginsugo kami nga magpamatuod parti kay Jesus. Ag ro Espirito Santo nga gintao it Dyos sa tanan nga nagatuman kana hay nagapamatuod man nga matuod ro mga butang ngara.”

1 Juan 1:1

Sa raya nga sueat hay amon nga ginasugid kinyo ro parti kay Jesus nga ginatawag nga Mensahi, nga nagatao it kabuhi nga owa it katapusan. Imaw hay una eo't-a bago pa gintuga ro bisan ano. Nagpakatawo imaw ag nag-istar iya sa kalibutan. Amon imaw nga nabatian maghambae, amon imaw nga hakita mismo ku amon nga mga mata ag hapamusturahan, ag habuytan ku amon nga mga alima.

1 Juan 5:6

Ro Unga ngara it Dyos hay si Jesu-Kristo, ro Maneueuwas nga ginpadaea iya it Dyos. Nag-adto imaw iya sa kalibutan, ginbawtismuhan sa tubi, ag nag-uea ku anang dugo tag gineansang imaw sa krus. Owa eang imaw ginbawtismuhi kundi nag-uea man imaw ku ana nga dugo. Ro Espirito Santo mismo ro nagapamatuod kara, ag ro Espirito hay nagasugid permi it matuod.

1 Juan 5:8

ro Espirito, ro tubi, ag ro dugo, ag ro tatlo ngara hay nagakasinanto.

Pahayag 19:13

Ro anang eambong hay gintusmaw sa dugo. ag ginatawag imaw nga Ro Mensahi it Dyos.