1 Juan 5:6 - Inkeanon

⁶ Ro Unga ngara it Dyos hay si Jesu-Kristo, ro Maneueuwas nga ginpadaea iya it Dyos. Nag-adto imaw iya sa kalibutan, ginbawtismuhan sa tubi, ag nag-uea ku anang dugo tag gineansang imaw sa krus. Owa eang imaw ginbawtismuhi kundi nag-uea man imaw ku ana nga dugo. Ro Espirito Santo mismo ro nagapamatuod kara, ag ro Espirito hay nagasugid permi it matuod.

1 Juan 5:6 Iomraidhean Croise

Mateo 26:28

Raya ro akon nga dugo nga gapalig-on ku bag-o nga kasugtanan nga gintao it Dyos sa tawo. Igauea ra para sa kapatawaran it mga saea ku abo nga mga tawo.

Mateo 3:16

Pagkabawtismo kay Jesus hay nagbutwa imaw. Pagkabutwa nana hay nagbukas dayon ro eangit ag nakita nana ro Dyos Espirito Santo nga nagapanaog nga kaitsura it salampati ag naghapon kana.

Marcos 14:24

Naghambae imaw, “Raya ro akon nga dugo nga gapalig-on ku bag-o nga kasugtanan nga gintao it Dyos sa tawo. Igauea ra por dahil sa abo nga mga tawo.”

Lucas 22:20

Pagkakaon nanda, nagbuoe eon man imaw it kopa nga may bino ag naghambae, “Ro sueod ku rayang kopa hay nagasimbolo ku bag-o nga kasugtanan nga gintao it Dyos sa tawo, ag ro akon nga dugo nga igauea por dahil kinyo hay gapalig-on ku kasugtanan ngara.

Juan 14:17

Imaw hay ro Espirito Santo nga manogpahayag it kamatuuran halin sa Dyos. Ro mga owa nagatuo kakon hay indi makabaton ku Espirito Santo ay owa ma't-a nanda imaw hakita ag hakilaea. Pero kamo't-a hay nakakilaea kana ay gin-inibhan eon nana kamo ag sa indi magbuhay hay magapabilin imaw sa inyong tagipusuon.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 16:13

Pero kon mag-abot eon ro Espirito Santo nga manogpahayag it kamatuuran halin sa Dyos hay ipaeubot nana kinyo ro tanan nga kamatuuran ngaron. Ro anang isugid kinyo hay bukon it ana-ana eang, kundi kon ano ro anang habatian halin sa Dyos. Isugid man nana kinyo kon ano ro matabo sa ulihi.

Juan 3:5

Nagsabat si Jesus, “Matuod gid rang ginahambae kimo nga kon ro tawo hay indi matawo paagi sa tubi ag paagi sa Espirito Santo hay indi imaw hitapoe sa mga sinakpan it Dyos.

Juan 4:10

Nagsabat si Jesus, “Kon hasayran mo eang kunta kon mauno ro regalo nga gustong itao kimo it Dyos, ag kon sayod ka kunta kon sin-o ako nga nagapangayo kimo it tubi hay ikaw 't-a ro mangayo kakon ag ro akong itao kimo hay tubi nga nagatao it kabuhi nga owa't katapusan.”

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 6:55

tungod ro akong eawas ro minatuod nga pagkaon ag ro akong dugo ro minatuod nga ilimnon.

Mga Binuhatan 8:36

Sa andang pagbiyahe ngato, nakaabot sanda sa sangka lugar nga may tubi. Naghambae ro opisyal, “Hato, may tubi. Puydi eon baea ako nga bawtismuhan?”

Mga TagaRoma 3:25

Imaw ro ginhaead it Dyos bilang sakripisyo agod paagi sa anang kamatayon hay mapatawad kita sa atong mga saea kon magtuo kita kana. Ginhaead it Dyos si Jesus bilang sakripisyo agod ipakita nga matarong 't-a imaw bisan matsa ginpataliwan nana ro mga saea ku mga tawo kato anay.

Mga TagaEfeso 1:7

Tungod paagi sa dugo ni Jesu-Kristo hay gintubos kita sa pina it saea nga ro buot hambaeon hay ginpatawad eon nana ro atong mga pageapas. Ginpatawad nana kita dahil sa anang sobrang kabuot

Mga TagaColosas 1:4

tungod habalitaan namon nga nagatuo eon kamo kay Kristo Jesus ag ginahigugma ninyo ro tanan nga mga katawhan it Dyos.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Tito 3:5

hay gineuwas nana kita. Gineuwas nana kita dahil sa anang kaeuoy katon, bukon it dahil may mga matarong kita nga buhat. Gineuwas kita it Dyos paagi sa anang paghugas katon sa atong kasae-anan tag natawo kita it uman, ag gintaw-an it bag-o nga kabuhi paagi sa Espirito Santo

Mga Hebreo 10:29

Kon makaruyon ngani kato hay mauno man ro mat nagaeusak sa Unga it Dyos ay ginabaliwala nana ro dugo nga ana karang gin-uea, bisan nga sa bag-o nga kasugtanan nga gintao it Dyos, ro dugo ngaron ro naglimpyo kana sa anang mga kasae-anan? Ro nagahimo karon hay nagainsulto man sa Espirito Santo nga nagapakita katon ku sobrang kabuot it Dyos. Ro makaruyong klasing tawo hay bagay eang nga pinahan it mas mabug-at pa kaysa sa mga nagbaliwala ngato ku kasuguan ni Moises kato anay.

Mga Hebreo 12:24

Nagdangop man kita kay Jesus, nga imaw ro manogpatunga katon ag sa Dyos sa bag-o nga kasugtanan. Ag matsa ginwisikan kita it anang dugo nga nag-agay pagpatay kana, ag paagi karon hay ginpatawad eon ro atong kasae-anan. Ngani ro dugo ni Jesus hay mas pa kaysa sa dugo ni Abel nga matsa nagapangayo eang it hustisya.

Mga Hebreo 13:20

Kabay pa nga ro Dyos nga ginahalinan it katawhayan hay magatao kinyo ku tanan ninyong kinahangeanon, agod matuman ninyo permi ro anang kabubut-on. Kabay pa nga paagi kay Jesu-Kristo hay himuon na sa atong kabuhi kon ano ro makapalipay gid kana. Ro Dyos ro nagbanhaw sa aton nga Ginuo nga si Jesus. Ginhimo nana ra dahil sa dugo ni Jesus nga anang ginpatueo tag ginsakripisyo imaw sa krus agod matuman ro bag-o nga kasugtanan nga owa it katapusan nga gintao it Dyos. Dahil sa anang sakripisyo ngato hay nangin owa it katupong imaw nga manogbantay naton nga pareho it anang mga karnero. Dayawon ta imaw hasta sa owa it katapusan.

Mga Hebreo 9:14

Kon makalimpyo kanda ro dugo it sapat hay mas kapin pa gid ro dugo ni Kristo dahil paagi karon hay malimpyuhan ro konsensya it tawo sa andang mga maeain nga buhat nga magadaea kanda sa kamatayon. Ag dahil limpyo eon ro andang konsensya hay makaserbi eon sanda sa buhi nga Dyos. Owa gid abi si Kristo it saea ag paagi sa gahom it Espirito Santo nga nagakabuhi hasta sa owa it katapusan hay ana nga ginhaead ro anang kaugalingon sa Dyos para katon.

Mga Hebreo 9:7

Pero sa pangaywa nga kwarto, ro pinakapinuno nga saserdote eang ro makasueod idto ag ginahimo nana ra it sang beses eang sa sang dag-on. Ag indi puydi nga makasueod imaw idto kon owa imaw nagadaea it dugo it sapat nga ginsakripisyo. Ana rato nga ginahaead sa Dyos para sa ana nga mga saea ag imaw man sa mga saea nga bukon it hungod nga nahaobra ku mga tawo.

1 Pedro 1:2

Sayod ro Dyos nga Ama ku tanan parti kinyo kato pa't-a ag gintao nana kinyo ro Espirito Santo agod buligan kamo nga magkabuhi it balaan. Ro anang tuyo hay agod nga magtinguha kamo nga magmatinumanon kay Jesu-Kristo ag agod limpyuhan kamo permi sa inyong kasae-anan paagi sa anang dugo nga nag-agay tag namatay imaw sa krus. Kabay pa nga masamitan pa gid ninyo ro mga pagpakamaayo ag katawhayan nga halin sa Dyos.

1 Pedro 3:21

Rato hay nagasimbolo ku pagbawtismo sa makaron nga tyempo tungod tag ginabawtismuhan kamo, ruyon ro kahalimbawa kon paalin kamo ginaeuwas it Dyos sa pina it saea dahil sa pagkabanhaw ni Kristo. Ro pagbawtismo hay owa kinyo gaeuwas paagi sa paglimpyo it higko sa inyong eawas kundi paagi sa inyong pagpangamuyo sa Dyos nga patawaron na ro inyong kasae-anan.

1 Juan 1:7

Pero kon kita hay nagakabuhi sa kahayag, kapareho ku Dyos nga una sa kahayag hay may atong mayad nga pag-ililiba sa atong mga kaigmanghuran, ag ro pag-uea ku dugo ni Jesus kat gineansang imaw sa krus ro nagalimpyo sa tanan-tanan naton nga mga saea.

1 Juan 4:10

Ro matuod nga kahueugan it gugma hay bukon it tag makita sa atong paghigugma sa Dyos kundi sa anang paghigugma katon, tag ginpaadto na riya ro anang unga agod paagi sa ana ngara nga unga hay mapatawad ro atong mga saea.

Pahayag 5:9

Nagkanta dayon sanda it bag-o nga kanta: “Ikaw eang ro takos nga magbuoe ku binaeueon nga sueueatan ag magsamad ku anang mga selyo. Takos ka dahil ginpatay ka ag paagi sa imong dugo nga nag-agay hay may gintubos ka nga mga tawo nga myembro it kada rasa, kada linahi, kada tribo ag ro andang mga linggwahe hay ro tanan nga linggwahe iya sa kalibutan.

Pahayag 7:14

Nagsabat ako, “Tao ngani, Sir, owa ako kasayod. Ikaw 't-a ro nakasayod karon.” Nagsabat imaw, “Daya ro mga nakaagi it grabi nga kalisdanan pero nakalibre. Gineabhan ag ginpaputi nanda ro andang mga eambong sa dugo it Tiyo it Karnero.