1 Juan 5:3 - Inkeanon

³ Ro aton abi nga paghigugma sa Dyos hay makita paagi sa aton nga pagtuman sa anang kasuguan. Ro anang kasuguan hay bukon eon it pareho ku mabug-at nga daeaehon nga haeos indi naton madaea,

1 Juan 5:3 Iomraidhean Croise

Mateo 23:4

Ginapapas-an nanda ro mga tawo it sobrang kabug-at ag kalisod tumanon nga mga kasuguan, pero owa gid sanda naila magbulig bisan sangkurot.

Juan 14:15

Naghambae pa gid si Jesus, “Kon ginahigugma ninyo ako, pagatumanon gid ninyo ro akong mga sugo.

Juan 15:14

Kamo hay akong mga amigo kon ginatuman ninyo ro akong mga sugo kinyo.

Mga TagaRoma 7:12

Ngani owa it ikasaway ro Kasuguan ay halin ra sa Dyos ag ro kada sugo nana hay matarong ag mayad.

Mga TagaRoma 7:22

Kon sa akong kinaiya nga ginbag-o it Dyos hay nalipay gid ako sa anang Kasuguan.

Mga Hebreo 8:10

Makaron, ako nga Ginuong Dyos ro nagahambae nga sa ulihing mga inadlaw ro kasugtanan nga itao ko sa mga inapo ni Israel hay daya: Ibutang ko sa andang paino-ino ro akon nga kasuguan. Matsa isueat ko ron sa andang tagipusuon agod maila gid sanda magtuman karon. Ako hay mangin andang Dyos, ag sanda hay mangin akong mga katawhan.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

2 Juan 1:6

Ro nagapakita nga ginahigugma matuod naton ro Dyos hay ro aton nga pagtuman sa anang mga sugo. Daya ro pinakapunto ku anang mga sugo: nga maghigugmaanan kita. Umpisa pa ku inyong pagtuo hay habatian eon ninyo nga dapat ninyo ra nga tumanon.