1 Juan 5:21 - Inkeanon

²¹ Akon nga mga unga sa pagtuo, ayaw ninyo pagpakadyosa ro anoman sa inyong kabuhi.

1 Juan 5:21 Iomraidhean Croise

Mateo 6:13

Ayaw kami pagpabay-i nga matentar kundi euwasa kami kay Satanas, ro ginahalinan it kaeainan.’

1 Corinto 10:14

Ngani, mga hinigugma, magpaeagiw kamo sa pagsimba sa mga diyos-diyos.

1 Corinto 10:7

Indi man dapat kamo magsimba sa diyos-diyos pareho ku ginhimo ku iba kanda. May nasueat abi sa Sagrado nga Kasueatan parti kara nga, “Nagkinaon ag nag-ininom ro mga tawo sa pagsimba sa anang diyos-diyos ag pagkatapos hay nagminaoy.”

1 Tesalonica 1:9

Sanda mismo ro nagasugid kon mauno ro inyong pagbaton kamon ag kon paalin ninyo gintalikdan ro inyong mga diyos-diyos agod magserbi sa matuod ag buhi nga Dyos.

1 Juan 2:1

Mga unga nakon sa pagtuo, ginasueat ko kinyo ro mga bagay ngara agod indi kamo magkasaea. Pero kon may una gid man kinyo nga magkasaea hay may magabulig katon nga magapangabay sa Dyos nga Ama nga patawaron kita, ag ruyon hay si Jesu-Kristo, nga imaw ro matarong.

Pahayag 14:11

Ro aso ku kaeayo nga nagapasakit kanda hasta sa owa it katapusan hay padayon man nga nagatinub-ok. Indi gid kapahuway sa kasakit adlaw-gabii rato nga mga nagsimba sa sapat ag sa anang rebulto ag ginmarkahan ku anang ngaean.”

Pahayag 9:20

Pero ro mga tawo nga habilin nga owa namatay sa mga kaeaeat-an ngato hay owa man gihapon maghinuesoe ag magtalikod sa kaeainan nandang ginaobra. Nagasinimba man gihapon sanda sa mga demonyo, sa mga rebulto nga human sa bueawan, pilak, saway, bato ag kahoy bisan ro mga ruyon ngaron hay indi makakita o makabati o makatikang.