1 Juan 5:18 - Inkeanon

¹⁸ Sayod naton nga ro tanan nga gintaw-an it Dyos it bag-o nga kabuhi hay owa eon nagapadayon sa pagpakasaea, tungod ginabantayan imaw ku Unga it Dyos nga si Jesus, ag indi imaw hihalitan ni Satanas, ro ginahalinan it kaeainan.

1 Juan 5:18 Iomraidhean Croise

Mateo 5:37

Mas mayad pa nga maghambae eang kamo it ‘Huo, himuon ko’ ukon ‘Indi ako’, ay kon dugangan pa ninyo ro inyong ihambae hay halin eon ron kay Satanas, ro ginahalinan it kaeainan.”

Mateo 6:13

Ayaw kami pagpabay-i nga matentar kundi euwasa kami kay Satanas, ro ginahalinan it kaeainan.’

Juan 1:13

Owa sanda nangin mga unga it Dyos bangod nangin bunga sanda it paghulid it mag-asawa pareho sa kinaandan nga pagkatawo, o bangod sa kagustuhan eang it tawo, kundi paagi sa gahom it Dyos.

Juan 14:30

Indi eon ako makaistorya pa kinyo it maeawig tungod si Satanas nga manogdumaea it mga owa nagatuo sa Dyos hay gaabot eon. Owa ako it nahimo nga saea nga magamit nana agod magamhan ako.

Juan 15:4

Padayon sa inyong maeueot nga kaangtanan kakon ag makaruyon man ro akong kaangtanan kinyo. Ro sanga hay indi makapamunga nga imaw eang kundi dapat hay padayon imaw nga nakaangot sa puno. Makaruyon man kamo. Indi kamo makapamunga kon indi kamo magpadayon sa inyong maeueot nga kaangtanan kakon.

Juan 15:7

Pero kon nagapadayon kamo sa inyong maeueot nga kaangtanan kakon ag padayon nga nakatanom sa inyong paino-ino ro akong hambae, pangayo kamo sa Ama it bisan ano nga inyong gusto, ag itao ron nana kinyo.

Juan 15:9

“Ginahigugma ko kamo pareho ku paghigugma kakon ku akon nga Ama, ngani padayuna ninyo ro pagtuman sa akong mga sugo. Kon himuon ninyo ron, permi ninyo nga mabatyagan ro akon nga padayon nga paghigugma kinyo. Pareho man kakon, tungod ginatuman ko permi ro mga sugo ku akon nga Ama ngani permi ko nga habatyagan ro anang padayon nga paghigugma kakon.

Mga Binuhatan 11:23

Pag-abot idto ni Barnabas hay nalipay gid-a imaw ay hakita nana nga ginpakamaayo gid sanda it Dyos. Ana dayon nga ginpabaskog ro andang buot nga magpadayon sa andang pagtuo sa Ginuo it hantop sa andang tagipusuon.

Santiago 1:18

Suno sa anang plano kato pa eagi hay ana kita nga gintaw-an it bag-o nga kabuhi paagi sa atong pagpati sa matuod nga mensahi nga ginsugid katon. Ana ra nga ginhimo agod halin sa tanan nga tawo iya sa kalibutan, kita nga mga tumueuo hay ana nga ipaeain nga mangin anang mga katawhan. Nangin pareho kita it primerong ani nga ginapaeain agod ihaead sa Dyos.

Santiago 1:27

Ro pagkarelihiyoso nga limpyo ag owa it ikasaway sa mata it Dyos nga Ama hay makaraya: nagabulig sa mga ilo ag sa mga baeo nga nagakalisod ag nagaandam man nga indi matapnan it mga maeain nga batasan sa kalibutan.

1 Pedro 1:23

tungod may inyo eon nga bag-ong kabuhi. Ag ro binhi nga ginhalinan ku inyong bag-o nga kabuhi hay bukon it pareho sa ibang binhi nga nagakamatay kundi raya hay ro buhi ag owa it katapusan nga hambae it Dyos.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 3:12

Indi naton pagtuearon si Cain nga nagpagahom kay Satanas, ro ginahalinan it kaeainan, tag anang ginpatay nga owa't kueukaeuoy ro anang igmanghod nga si Abel. Ham-an it ginpatay nana? Tungod ro ana mismong mga buhat hay maeain, ag ana nga ginakaugtan ro matarong nga buhat ku anang igmanghod nga si Abel.

1 Juan 3:3

Ngani ro tanan nga nagapaabot gid nga matabo ra hay nagapangabuhi it malimpyo sa mata it Dyos, pareho kay Kristo nga owa gid it bisan ano nga saea.

1 Juan 3:9

Ngani owa eon nagapadayon sa pagpakasaea ro tawo kon matuod imaw nga unga it Dyos, tungod una kana ro kinaiya it Dyos. Ro Dyos eon ro anang ama ngani owa eon imaw nagapadayon sa pagpakasaea.

1 Juan 4:6

Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

1 Juan 5:15

Ag tungod nga sayod kita nga ginapamatian nana ro tanan natong ginapangayo, ngani sigurado man kita nga mabaton gid naton ro atong ginapangayo kana.

1 Juan 5:19

Sayod man naton nga kita hay mga unga it Dyos, pero ro tanan nga owa nagatuo kay Kristo hay una sa gahom it ginahalinan it kaeainan.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

1 Juan 5:21

Akon nga mga unga sa pagtuo, ayaw ninyo pagpakadyosa ro anoman sa inyong kabuhi.

1 Juan 5:4

dahil ro tanan nga gintaw-an ku Dyos it bag-ong kabuhi hay makaperdi sa kaeainan iya sa kalibutan. Ag ro makatao katon it kadaeag-an hay ro atong pagtuo kay Jesu-Kristo.

Judas 1:24

Ngani makaron, dayawon ta ro Dyos nga makasarang magbantay kinyo agod indi kamo matentar nga magkasaea, ag makasarang man imaw nga paatubangon kamo kana sa ulihi nga mga owa eon it ikasaway. Ag grabi gid ro inyong kalipay sa inyong pag-atubang kana nga owa it katupong sa pagkadaeayawon.

Pahayag 2:13

Sayod ako nga ro inyong lugar hay sentro it paghari ni Satanas. Pero malig-on gihapon ro inyong pagtuo kakon, ag owa ninyo ginpanghiwaea ron bisan grabi ro paghingabot kinyo sa tyempo nga ginpatay ro inyong kasimanwa nga si Antipas, nga matutom sa ana nga pagpamatuod parti kakon inha sa ginaistaran ni Satanas.