1 Juan 5:13 - Inkeanon

¹³ Ginasueatan ko kamo kara nga nagatuo it hantop gid sa Unga it Dyos, ro dungganon nga Maneueuwas, agod makasiguro kamo nga may inyo nga kabuhi nga owa it katapusan,

1 Juan 5:13 Iomraidhean Croise

Juan 1:12

Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 2:23

Tag idto si Jesus sa Jerusalem ku ratong Pagtililipon sa Pagdumdum ku *Pagtaliwan, abo ro nagpati kana dahil sa andang mga nakita nga mga milagrosong pamatuod nga anang ginahimo.

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 21:24

Ako ro sumueunod ngato nga ginaistoryahan nanda, ag ako man ro nagapamatuod ku akong mga nasaksihan, ag ako man ro nagsueat ku tanan ngara iya sa rayang sueat. Ag sayod kami nga ro akong ginsueat hay matuod.

Juan 3:18

Ngani ro tanan nga nagatuo kana hay indi eon gid pagsintinsyahan nga pinahan, pero ro mga owa nagatuo hay ginsintinsyahan eo't-a nga pinahan dahil owa sanda magtuo sa Unga it Dyos nga Owa't Kapareho.

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Mga Binuhatan 3:16

Paagi sa gahom ni Jesus hay nagbaskog ro mga siki ku rayang tawo nga inyong hakita ag hasayran nga dati anay nga eupog. Nagsalig imaw kay Jesus pareho kamon ngani nagmayad gid imaw ag hara, kita man ron ninyo tanan.

Mga Binuhatan 4:12

Owa eon kita it iba pang maagyan agod maeuwas kundi si Jesus eang, ay imaw eang sa bilog nga kalibutan ro gintao it Dyos nga dapat naton nga tuuhan agod maeuwas.”

2 Corinto 5:1

Ro sangka halimbawa kara hay ro atong eawas ay sayod eon naton nga bisan mamatay kita hay taw-an kita it Dyos it bag-o nga eawas idto sa eangit. Ro eawas nga itao katon hay bukon it halin sa tawo kundi sa Dyos mismo ag magakabuhi rato hasta sa owa it katapusan.

Mga TagaGalacia 4:6

Ngani tungod mga unga nana kita, ginpadaea it Dyos ro Espirito Santo nga ginpromisa ni Jesus iya sa aton nga tagipusuon. Paagi sa Espirito Santo hay makatawag eon kita sa Dyos it, “Palangga ko nga Ama.”

1 Pedro 5:12

Gin-obra ko raya ngara nga matag-od nga sueat sa bulig ni Silvanus nga ginabilang nakon nga masaligan nga igmanghod sa pagtuo. Nagsueat ako kinyo kara agod mapabaskog ko ro inyong buot ag agod pamatud-an ko dikara kinyo ro matuod nga sobrang kabuot it Dyos. Ayaw gid ninyo pagbaliwalaa ro anang sobrang kabuot ngara kundi paagi kara hay magpalig-on kamo permi sa inyong pagtuo kana.

1 Juan 1:4

Ginasueatan man namon kamo kara agod mangin tueos ro aton nga kalipay.

1 Juan 2:1

Mga unga nakon sa pagtuo, ginasueat ko kinyo ro mga bagay ngara agod indi kamo magkasaea. Pero kon may una gid man kinyo nga magkasaea hay may magabulig katon nga magapangabay sa Dyos nga Ama nga patawaron kita, ag ruyon hay si Jesu-Kristo, nga imaw ro matarong.

1 Juan 2:21

Ngani nagasueat ako kinyo, bukon it dahil nga owa kamo nakasayod ku matuod nga mensahi kundi dahil nga hasayran ron ninyo, ag tungod sayod man kamo nga owa it kapurilan nga gahalin sa matuod nga mensahi.

1 Juan 2:25

Ag taw-an nana kita it kabuhi nga owa it katapusan, ay ruyon gid ma't-a ro ana nga ginpromisa katon.

1 Juan 2:26

Ginasueatan ko kamo kara agod paandaman kamo parti sa mga tawo nga nagatinguha nga pataeangon kamo sa andang saea nga ginaturo.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.

1 Juan 4:9

Makaraya ro pagpakita it Dyos ku anang gugma katon: ana nga ginpadaea riya sa kalibutan ro anang unga nga owa't kapareho, agod paagi kana hay magakabuhi kita hasta sa owa it katapusan.

1 Juan 5:10

Ro nagapati nga si Jesu-Kristo hay Unga it Dyos hay makasiguro sa ana mismong kaugalingon nga ro anang ginapatihan hay matuod. Pero ro owa nagapati sa pamatuod nga ginahambae it Dyos nga Ama parti sa anang Unga hay ginaobra nana nga purilon ro Dyos.

1 Juan 5:11

Ro pamatuod it Dyos hay raya: gintaw-an nana kita it kabuhi nga owa it katapusan, ag mabaton ron naton paagi sa pagtuo sa anang unga.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.