Biblia Todo Logo
Bìoball air-loidhne

- Sanasan -




1 Juan 5:11 - Inkeanon

11 Ro pamatuod it Dyos hay raya: gintaw-an nana kita it kabuhi nga owa it katapusan, ag mabaton ron naton paagi sa pagtuo sa anang unga.

Faic an caibideil Dèan lethbhreac




1 Juan 5:11
37 Iomraidhean Croise  

“Ngani ratong mga bukon it matarong hay pahalinon sa akon nga atubang ag pinahan hasta sa owa it katapusan, pero ro mga matarong hay makabaton it kabuhi nga owa it katapusan.”


Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”


Una kana ro minatuod nga kabuhi nga pareho it iwag nga nagahayag sa paino-ino it mga tawo.


Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.


Sayod ako nga ro mensahi nga ginapahambae kakon ku akon nga Ama hay nagatao it kabuhi nga owa it katapusan, ngani kon ano ro anang ginapahambae kakon hay ruyon man ro akong ginahambae.”


Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.


Ako nga nakasaksi ku tanan ngato nga natabo ro nagasugid kinyo karon, agod kamo hay magatuo kay Jesus. Matuod ro akong ginasugid ag sigurado ako sa akon ngarang ginahambae.


Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.


Ro nagaani kanda hay ginabaeusan it Dyos, ag sanda nga ginaani hay taw-an it kabuhi nga owa it katapusan. Ngani ro nagtanom ku mensahi it Dyos ag ro nagaani hay magkaibahan nga magakalipay.


Sa andang pagpamanawon pabalik hay sayod ni Jesus nga importanti't-a nga mag-agi sanda sa probinsya it Samaria.


Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.


Mahimo ko ron tungod kon paalin nga may gahom ro akong Ama nga magtao it kabuhi hay makaruyon man ako. Gintugot nana nga ako man hay may gahom nga magtao it kabuhi.


Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”


Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.


Nagsabat si Simon Pedro, “Ginuo, kanyo pa abi kami maadto? Ikaw eang ro nagaturo it mensahi nga nagatao it kabuhi nga owa it katapusan.


Kato, ro saea hay matsa hari nga dapat gid nga tumanon ag kamatayon karon ro anang daea. Pero makaron ro sobrang kabuot it Dyos eo't-a ro nagapangibabaw. Natabo ron paagi sa anang pagbilang nga matarong sa mga tawo dahil sa ginhimo ni Jesu-Kristo nga atong Ginuo. Ag ro bunga karon hay may andang kabuhi nga owa't katapusan.


Sa kabilugan, ro nagapadayon sa pagpakasaea hay baeusan it kamatayon nga owa it katapusan nga pina pero ro mga may maeueot nga kaangtanan kay Kristo Jesus nga atong Ginuo hay regaluhan it Dyos it kabuhi nga owa't katapusan.


Pero duyon ro rason nga ginkaeuy-an ako it Dyos agod paagi karon hay ikapakita ni Kristo Jesus nga grabi ro anang pagkamapinasensyahon. Ag kabay pa nga kon hieubtan ra it mga tawo hay magatuo man sanda kana, ag makabaton sanda it kabuhi nga owa it katapusan.


Ginahimo ko ra agod makasigurado ro mga tawo nga may anda nga kabuhi nga owa it katapusan, kaibahan it Dyos sa ulihi. Ginpromisa it Dyos ronduyon nga kabuhi bago pa gintuga ro kalibutan, ag owa gid imaw nagapinuril.


Ag taw-an nana kita it kabuhi nga owa it katapusan, ay ruyon gid ma't-a ro ana nga ginpromisa katon.


Ro matuod nga kahueugan it gugma hay bukon it tag makita sa atong paghigugma sa Dyos kundi sa anang paghigugma katon, tag ginpaadto na riya ro anang unga agod paagi sa ana ngara nga unga hay mapatawad ro atong mga saea.


Makaraya ro pagpakita it Dyos ku anang gugma katon: ana nga ginpadaea riya sa kalibutan ro anang unga nga owa't kapareho, agod paagi kana hay magakabuhi kita hasta sa owa it katapusan.


Ro nagapati nga si Jesu-Kristo hay Unga it Dyos hay makasiguro sa ana mismong kaugalingon nga ro anang ginapatihan hay matuod. Pero ro owa nagapati sa pamatuod nga ginahambae it Dyos nga Ama parti sa anang Unga hay ginaobra nana nga purilon ro Dyos.


Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.


Ngani, may tatlo nga nagapamatuod parti kay Jesus,


Si Demetrius ma't-a hay ginahambae ku tanan nga nakakilaea kana nga mayad imaw nga tawo. Makita gid ro anang kamayad sa anang pagtuman sa matuod nga mensahi. Kami mismo riya hay makapamatuod ku anang kamayad, ag sayod ka man nga matuod ro amon nga ginahambae.


Ngani ginsueat nana ro mga ginpahayag ag ginpakita kana ag raya hay anang pamatuod parti sa mga ginpahayag ngato it Dyos, nga ginpamatud-an man ni Jesu-Kristo.


Ginpakita man dayon kakon it anghel ro suba nga ro anang tubi hay nagatao it kabuhi. Matin-aw gid ro tubi pareho it kristal ag nagahalin rato sa trono it Dyos ag ku Tiyo it Karnero,


Lean sinn:

Sanasan


Sanasan