1 Juan 5:1 - Inkeanon

¹ Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

1 Juan 5:1 Iomraidhean Croise

Mateo 16:16

Nagsabat si Simon Pedro, “Ikaw ro Maneueuwas nga ginpromisa it Dyos. Ikaw ro Unga ku buhi nga Dyos.”

Lucas 7:5

Palangga abi nana ro atong rasa ag ginpatindugan pa ngani nana kami it sinagoga.”

Juan 1:3

Paagi kana hay gintuga it Dyos ro tanan-tanan. Owa gid it bisan ano nga natuga kon bukon it paagi kana.

Juan 15:23

Ro naugot kakon hay naugot man sa Ama.

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Juan 6:69

Ag kami't-a hay nagtuo kimo ag sigurado gid kami nga ikaw ro Balaan nga ginpadaea iya it Dyos.”

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

Mga Binuhatan 8:36

Sa andang pagbiyahe ngato, nakaabot sanda sa sangka lugar nga may tubi. Naghambae ro opisyal, “Hato, may tubi. Puydi eon baea ako nga bawtismuhan?”

Mga Binuhatan 8:37

[Nagsabat si Felipe, “Kon nagatuo ka it hugot sa imong tagipusuon, puydi ka mabawtismuhan.” Nagsabat ro opisyal, “Nagatuo ako nga si Jesu-Kristo hay Unga it Dyos.”]

Santiago 1:18

Suno sa anang plano kato pa eagi hay ana kita nga gintaw-an it bag-o nga kabuhi paagi sa atong pagpati sa matuod nga mensahi nga ginsugid katon. Ana ra nga ginhimo agod halin sa tanan nga tawo iya sa kalibutan, kita nga mga tumueuo hay ana nga ipaeain nga mangin anang mga katawhan. Nangin pareho kita it primerong ani nga ginapaeain agod ihaead sa Dyos.

1 Pedro 1:3

Dayawon ta ro Dyos ag Ama ku atong Ginuong Jesu-Kristo. Tungod sa anang mabahoe nga kaeuoy hay gintaw-an nana kita it bag-o nga kabuhi paagi sa pagkabanhaw ni Jesu-Kristo. Mawron nga sigurado gid kita nga mabaton naton sa ulihi ro ginpromisa it Dyos katon.

1 Juan 2:10

Ro nagahigugma sa anang igmanghod hay nagakabuhi sa kahayag, ngani owa eon it makatueod kana nga magpakasaea.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 3:14

Tungod ginahigugma naton ro atong igmanghod sa pagtuo hay nakasiguro kita nga bukon eon kita it matsa mga patay nga owa nahakat parti sa Dyos, kundi gintaw-an kita it Dyos it bag-o nga kabuhi. Pero ro owa nagahigugma sa anang igmanghod hay matsa patay gihapon, nga owa nahakat parti sa Dyos.

1 Juan 3:17

Halimbawa abi nga may sangka tawo nga bugana sa tanan nga pagkabutang iya sa kalibutan ag hakita nana nga ro anang igmanghod sa pagtuo hay ginakueang, pero owa man nana ginakaeuy-i ag ginabuligi. Paalin naton mahambae nga anang ginapakita ro gugma nga halin sa Dyos?

1 Juan 3:9

Ngani owa eon nagapadayon sa pagpakasaea ro tawo kon matuod imaw nga unga it Dyos, tungod una kana ro kinaiya it Dyos. Ro Dyos eon ro anang ama ngani owa eon imaw nagapadayon sa pagpakasaea.

1 Juan 4:2

Makasiguro kamo nga ro ginaturo it tawo hay halin sa Espirito it Dyos kon nagapamatuod sanda nga ro Maneueuwas nga si Jesus hay nangin matuod nga tawo pag-adto iya sa kalibutan.

1 Juan 4:20

Pero kon may maghambae nga ginahigugma nana ro Dyos, pero ginakaugtan nana ro anang igmanghod sa pagtuo hay nagapinuril. Kon indi nana mahigugma ro anang igmanghod nga anang makita, mas kapin pa gid nga indi nana mahigugma ro Dyos nga indi nana makita.

1 Juan 4:7

Mga pinalangga, maghigugmaanan kita tungod ro Dyos ro ginahalinan it gugma. Ro nagahigugma sa anang isigkatawo hay unga it Dyos, ag maeapit sa Dyos.

1 Juan 5:18

Sayod naton nga ro tanan nga gintaw-an it Dyos it bag-o nga kabuhi hay owa eon nagapadayon sa pagpakasaea, tungod ginabantayan imaw ku Unga it Dyos nga si Jesus, ag indi imaw hihalitan ni Satanas, ro ginahalinan it kaeainan.

1 Juan 5:4

dahil ro tanan nga gintaw-an ku Dyos it bag-ong kabuhi hay makaperdi sa kaeainan iya sa kalibutan. Ag ro makatao katon it kadaeag-an hay ro atong pagtuo kay Jesu-Kristo.

1 Juan 5:5

Sin-o eang abi ro makaperdi sa kaeainan iya sa kalibutan? Owa it iba kundi ro nagatuo nga si Jesus hay Unga it Dyos.