1 Juan 4:8 - Inkeanon

⁸ Pero ro owa nagahigugma sa anang isigkatawo hay bukon it maeapit sa Dyos, dahil ro pagkamahigugmaon hay ana gid nga kinaiya it Dyos.

1 Juan 4:8 Iomraidhean Croise

2 Corinto 13:11

Raya ro katapusan ko nga mga bilin kinyo, mga igmanghod. Magkalipay kamo ag kaadyana eon ninyo ro inyong batasan hasta nga owa eon it ikasaway kinyo. Pabaskuga ro inyong buot. Magkaeasugot kamo ag magkabuhi it may paghidait sa kada isaea. Kon makaruyon kamo hay ibhan kamo ku Dyos nga ginahalinan it gugma ag katawhayan.

Mga TagaEfeso 2:4

Pero maeueuy-on gid ro Dyos ag mabahoe gid ro anang paghigugma katon.

Mga Hebreo 12:29

Dapat nga tahuron gid naton imaw dahil ro aton nga Dyos kon magpina it saea hay matsa kaeayo nga nagadaba-daba nga nagapangtugbang.

1 Juan 1:5

Rondaya ro mensahi nga among habatian halin kay Jesu-Kristo ag daya man ro amon nga ginasugid kinyo: ro Dyos hay pareho it kahayag ag owa gid it bisan ano nga kadueom ukon kasae-anan kana.

1 Juan 2:4

Ngani ro bisan sin-o nga nagahambae nga nakakilaea gid imaw sa Dyos, pero owa man nagatuman sa anang mga kasuguan hay purilon, ag ro makaruyon nga tawo hay owa gid nakatanom sa anang paino-ino ro kamatuuran nga ginpahayag it Dyos.

1 Juan 2:9

Ro nagahambae nga nahayagan eon imaw pero ginakaugtan nana ro anang igmanghod sa pagtuo hay nagakabuhi pa gihapon sa kadueom.

1 Juan 3:10

Ngani makilaea gid naton kon sin-o ro unga it Dyos ag kon sin-o ro unga ni Satanas paagi dikara: ro owa nagahimo it matarong ag ro owa nagahigugma sa anang igmanghod sa pagtuo hay bukon it unga it Dyos.

1 Juan 3:6

Ngani ro nagapadayon sa anang maeueot nga kaangtanan kay Kristo hay owa eon nagapadayon sa pagpakasaea. Pero ro nagapakasaea gihapon hay owa pa't-a nakaeubot ku kinaiya ni Kristo, o nakakilaea man kon sin-o gid imaw.

1 Juan 4:16

Hasayran naton ag ginapatihan nga ginahigugma gid kita it Dyos. Ro ana gid nga kinaiya it Dyos hay ro pagkamahigugmaon, ag ro tawo nga mahigugmaon sa Dyos ag sa anang isigkatawo hay may padayon nga maeueot nga kaangtanan sa Dyos, ag ro Dyos hay padayon man nga maeueot kana.

1 Juan 4:7

Mga pinalangga, maghigugmaanan kita tungod ro Dyos ro ginahalinan it gugma. Ro nagahigugma sa anang isigkatawo hay unga it Dyos, ag maeapit sa Dyos.