1 Juan 4:7 - Inkeanon

⁷ Mga pinalangga, maghigugmaanan kita tungod ro Dyos ro ginahalinan it gugma. Ro nagahigugma sa anang isigkatawo hay unga it Dyos, ag maeapit sa Dyos.

1 Juan 4:7 Iomraidhean Croise

Juan 13:34

“Makaron hay may bag-o nga sugo nga akong ginabilin kinyo: maghigugmaanan kamo. Kon mauno ro akong paghigugma kinyo hay dapat makaruyon man ro inyong paghigugma sa kada isaea.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

1 Corinto 8:3

Pero ro may paghigugma hay ruyon 't-a ro ginakilaea it Dyos nga may matuod nga hasayran.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

Mga TagaGalacia 4:9

Pero makaron hay kilaea eon ninyo ro Dyos ag ro mas manami pa gid hay ginkilaea eon kamo it Dyos. Ngani ham-an it gusto eon man ninyo nga magbalik sa mga owa it pueos ngaron nga mga sueundanon nga indi makabulig kinyo? Gusto baea ninyo nga mangin ulipon it uman ku mga sueundanon ngaron?

Mga TagaGalacia 5:22

Pero kon ginagiyahan kita ku Espirito Santo, makaraya ro bunga karon sa atong kabuhi: kita hay mahigugmaon, malipayon, may katawhayan, mapinasensyahon, mabuot, mayad magtratar sa isigkatawo, masaligan,

2 Timoteo 1:7

Obraha ra tungod ro Espirito Santo nga gintao katon it Dyos hay owa katon gatao it kataeaw kundi nagatao katon it anang gahom, gugma ag pagpugong sa atong kaugalingon.

1 Pedro 1:22

Paagi sa inyong pagtinuman sa kamatuuran hay inyong ginalimpyuhan ro inyong maeain nga batasan, ngani may sinsiro kamo nga paghigugma sa inyong kaigmanghuran sa pagtuo. Maghigugmaanan kamo it hantop sa tagipusuon

1 Juan 2:10

Ro nagahigugma sa anang igmanghod hay nagakabuhi sa kahayag, ngani owa eon it makatueod kana nga magpakasaea.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

1 Juan 2:4

Ngani ro bisan sin-o nga nagahambae nga nakakilaea gid imaw sa Dyos, pero owa man nagatuman sa anang mga kasuguan hay purilon, ag ro makaruyon nga tawo hay owa gid nakatanom sa anang paino-ino ro kamatuuran nga ginpahayag it Dyos.

1 Juan 2:7

Akon nga mga pinalangga, bukon it bag-o nga sugo ro akon nga ginasueat ngara kinyo. Umpisa pa ku inyong pagtuo kay Jesu-Kristo hay habatian eon ninyo ro sugo ngara sa mensahi it Dyos, nga dapat hay maghigugmaanan kita.

1 Juan 3:9

Ngani owa eon nagapadayon sa pagpakasaea ro tawo kon matuod imaw nga unga it Dyos, tungod una kana ro kinaiya it Dyos. Ro Dyos eon ro anang ama ngani owa eon imaw nagapadayon sa pagpakasaea.

1 Juan 4:11

Mga pinalangga, kon makara ro paghigugma it Dyos katon hay dapat man nga maghigugmaanan kita.

1 Juan 4:12

Owa it nakakita sa Dyos pero kon nagahigugmaanan kita hay nagapadayon imaw nga maeueot katon, ag makita imaw katon dahil karon. Ag ro aton nga paghigugma sa iba hay ro pinakabunga ku paghigugma katon it Dyos.

1 Juan 4:16

Hasayran naton ag ginapatihan nga ginahigugma gid kita it Dyos. Ro ana gid nga kinaiya it Dyos hay ro pagkamahigugmaon, ag ro tawo nga mahigugmaon sa Dyos ag sa anang isigkatawo hay may padayon nga maeueot nga kaangtanan sa Dyos, ag ro Dyos hay padayon man nga maeueot kana.

1 Juan 4:20

Pero kon may maghambae nga ginahigugma nana ro Dyos, pero ginakaugtan nana ro anang igmanghod sa pagtuo hay nagapinuril. Kon indi nana mahigugma ro anang igmanghod nga anang makita, mas kapin pa gid nga indi nana mahigugma ro Dyos nga indi nana makita.

1 Juan 4:8

Pero ro owa nagahigugma sa anang isigkatawo hay bukon it maeapit sa Dyos, dahil ro pagkamahigugmaon hay ana gid nga kinaiya it Dyos.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

2 Juan 1:5

Pero makaron, haeangdon nga bayi, ginapadumdum ko ikaw nga dapat nga maghigugmaanan kita. Bukon it bag-o nga sugo ro akon ngara nga ginasueat kimo, tungod hasayran eon naton ra umpisa pa ku pagtuo naton kay Jesus.