1 Juan 4:6 - Inkeanon

⁶ Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.

1 Juan 4:6 Iomraidhean Croise

Lucas 10:22

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 10:16

Ag may akon nga ibang mga karnero nga owa pa hatapoe sa rondayang iya eon sa panong. Dapat nga tawgon ko man sanda ag magapamati sanda sa akong limog, ag magatuo kakon. Itapoe dayon sanda sa dati nga panong ag mangin sang panong eon lang sanda tanan ag sambilog eang ro andang manogbantay.

Juan 10:27

Ro akong mga karnero hay nagapamati sa akon nga limog ag kilaea ko sanda, ag nagasunod sanda kakon.

Juan 10:3

Ginabuksan imaw it gabantay sa pwertahan. Ginatawag nana ro ana mismong mga karnero sa andang ngaean ag nagapamati sanda sa anang limog ag gasunod kana paguwa sa toril.

Juan 13:20

Matuod gid rang ginahambae kinyo nga ro nagabaton sa bisan sin-o nga akong ipadaea hay sa minatuod, ako't-a ro andang ginabaton. Ag ro nagabaton kakon hay sa minatuod, ro nagpadaea't-a iya kakon ro andang ginabaton.”

Juan 14:17

Imaw hay ro Espirito Santo nga manogpahayag it kamatuuran halin sa Dyos. Ro mga owa nagatuo kakon hay indi makabaton ku Espirito Santo ay owa ma't-a nanda imaw hakita ag hakilaea. Pero kamo't-a hay nakakilaea kana ay gin-inibhan eon nana kamo ag sa indi magbuhay hay magapabilin imaw sa inyong tagipusuon.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 16:13

Pero kon mag-abot eon ro Espirito Santo nga manogpahayag it kamatuuran halin sa Dyos hay ipaeubot nana kinyo ro tanan nga kamatuuran ngaron. Ro anang isugid kinyo hay bukon it ana-ana eang, kundi kon ano ro anang habatian halin sa Dyos. Isugid man nana kinyo kon ano ro matabo sa ulihi.

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 20:21

Naghambae it uman si Jesus kanda, “Patawhaya ro inyong paino-ino. Ipadaea ko kamo agod ituro ro mensahi it Dyos pareho ku pagpadaea kakon iya ku Ama.”

Juan 8:19

Ginpangutana dayon nanda si Jesus, “Hay siin ro imong ginahambae ngaron nga Ama?” Nagsabat si Jesus, “Owa kamo kakilaea it mayad kakon ag owa man kamo kakilaea it mayad sa akon nga Ama. Kon kilaea ninyo ako it mayad hay kilaea man ninyo it mayad ro akong Ama.”

Juan 8:23

Naghambae si Jesus, “Ro inyong paino-ino hay ana gid it mga tawo iya sa kalibutan nga nagakuntra sa Dyos. Ro akon ma't-a nga paino-ino ag ginaturo hay eangitnon. Tagaiya kamo sa kalibutan pero ako't-a hay bukon.

Mga TagaRoma 1:1

Raya nga sueat hay halin kakon nga si Pablo nga ulipon ni Kristo Jesus ag gintawag it Dyos nga mangin *apostol ag ginpaeain agod magwali ku Mayad nga Balita nga halin kana.

Mga TagaRoma 11:8

Pareho sa nasueat sa Sagrado nga Kasueatan, “Gintaw-an sanda it Dyos it paino-ino nga matsa ana it lipong, mga mata nga indi makakita ag dueunggan nga indi makabati hasta makaron.”

1 Corinto 14:37

Kon may nagaeaom nga manogsugid imaw ku ginpahayag kana it Dyos nga gusto nanang ipaabot sa kadagayaan o nagaeaom nga una matuod kana ro Espirito Santo hay dapat nga batunon nana nga ro akon ngarang ginasueat kinyo hay sugo't-a ra it Ginuo.

2 Corinto 10:7

Tan-awa ninyo kon ano ro una eon nga klaro sa inyong atubang. Kon may una nga nagahambae nga sanda ro gintaw-an ni Kristo it otoridad nga magturo parti kana hay dapat nga paino-inohon nanda ra it mayad ag batunon nga kami man hay gintaw-an nana it otoridad nga magturo parti kana.

2 Tesalonica 1:8

Kon magpakita eon ro atong Ginuo nga si Jesus hay may galibot kana nga nagadaba-daba nga kaeayo. Ana nga pinahan ro mga indi magkilaea sa Dyos, ag indi magpati sa Mayad nga Balita parti kana.

1 Timoteo 4:1

Ginapaathag gid it Espirito Santo nga sa ulihing mga inadlaw hay magatalikod ro iba sa matuod nga mensahi parti kay Jesus. Magapati gid sanda sa mga pinuril nga ginaturo it mga manogpataeang nga espirito, nga owa it iba kundi mga demonyo.

2 Pedro 3:2

Gusto ko nga dumdumon ninyo ro mga ginhambae kato anay ku mga balaan nga propeta ag pati man ro mga sugo ku atong Ginuo ag Maneueuwas nga ginturo kinyo ku mga apostoles.

1 Juan 4:1

Mga pinalangga, ayaw kamo magpati sa tanan nga mga nagahambae nga ro andang ginaturo hay halin sa Espirito Santo, kundi testingi kon ro andang mga ginaturo hay halin matuod sa Dyos. Abo eo't-a abi nga mga nagapakuno-kuno nga mga propeta nga nagaeapnaag bisan siin nga parti it kalibutan.

1 Juan 4:4

Mga unga nakon sa pagtuo, kamo hay mga katawhan it Dyos ngani haperdi eon ninyo ro mga nagapakuno-kuno nga mga propeta, ay owa ninyo sanda pagpatihi. Owa ninyo sanda pagpatihi ay ro Espirito Santo nga una kinyo hay mas gamhanan kaysa kay Satanas nga nagagahom sa mga tawo iya sa kalibutan nga owa nagakilaea sa Dyos.

1 Juan 4:8

Pero ro owa nagahigugma sa anang isigkatawo hay bukon it maeapit sa Dyos, dahil ro pagkamahigugmaon hay ana gid nga kinaiya it Dyos.

1 Juan 5:19

Sayod man naton nga kita hay mga unga it Dyos, pero ro tanan nga owa nagatuo kay Kristo hay una sa gahom it ginahalinan it kaeainan.

Judas 1:17

Pero kamo't-a, mga hinigugma, dumduma ninyo ro mga ginhambae kato kinyo ku mga *apostoles it atong Ginuo nga si Jesu-Kristo.