1 Juan 4:3 - Inkeanon

³ Pero ro tanan nga owa nagapati ku raya ngara parti kay Jesus hay gapakilaea nga ro andang ginaturo hay bukon it halin sa Espirito it Dyos, ag ro andang paino-ino hay pareho sa paino-ino it Manogkuntra kay Kristo. Ginsugid eon kinyo nga magaabot imaw iya, ag abo eon ngani iya sa kalibutan nga pareho kana it paino-ino.

1 Juan 4:3 Iomraidhean Croise

Mateo 24:5

ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag abo gid ro andang pataeangon.

1 Juan 2:18

Mga unga nakon sa pagtuo, makaron eon ro ulihing mga inadlaw. Ginsugid eon kinyo nga maabot anay ro Manogkuntra kay Kristo ag hara eon, nagainabo eon makaron ro nagakuntra kana, mawron nga sayod eon naton nga nag-abot eon ro ulihing mga inadlaw.

1 Juan 2:22

Hay sin-o ro pinakapurilon sa tanan? Ro pinakapurilon hay ro nagahambae nga si Jesus hay bukon it ro Maneueuwas nga ginpromisa it Dyos. Ro tawo nga makaraya ro anang ginahambae hay may paino-ino pareho ku Manogkuntra kay Kristo, ag owa nagabaton sa Dyos nga Ama ag sa anang Unga.

2 Juan 1:7

Abo eon nga mga manogpataeang nga nagaeapnaag sa bisan siin nga parti it kalibutan, nga nagaturo nga si Jesu-Kristo hay owa nangin matuod nga tawo sa anang pag-adto iya sa kalibutan. Ro mga nagaturo it makaruyon hay may paino-ino pareho ku Manogpataeang ag Manogkuntra kay Kristo.