1 Juan 4:2 - Inkeanon

² Makasiguro kamo nga ro ginaturo it tawo hay halin sa Espirito it Dyos kon nagapamatuod sanda nga ro Maneueuwas nga si Jesus hay nangin matuod nga tawo pag-adto iya sa kalibutan.

1 Juan 4:2 Iomraidhean Croise

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

1 Corinto 12:3

Ngani ginapasayod ko gid kinyo nga kon may tawo nga nagapaabot it mensahi nga halin kuno sa Espirito Santo, ag kon maghambae imaw nga “Sumpaon ka, Jesus” hay bukon gid it ro Espirito Santo ro nagagahom kana. Ag owa man it makahambae nga “ro Ginuo't-a si Jesus,” kon owa imaw ginagamhi ku Espirito Santo.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

1 Juan 1:2

Imaw nga nagatao it kabuhi hay nag-adto gid iya sa kalibutan ngani mapamatud-an namon nga hakita gid namon imaw, ag ginasugid namon kinyo nga imaw ro ginatawag nga Kabuhi nga Owa it Katapusan. Bago imaw nag-adto iya hay kaibahan eo't-a imaw it Dyos nga Ama, ag ku ulihi hay nag-abot gid-a ngani imaw iya.

1 Juan 2:23

Tungod ro bisan sin-o nga owa nagabaton sa Unga it Dyos hay owa man it maeueot nga kaangtanan sa anang Ama, pero ro nagabaton sa Unga hay may maeueot man nga kaangtanan sa Dyos nga Ama.

1 Juan 4:15

Ro nagapahayag nga si Jesus hay Unga it Dyos hay may padayon nga maeueot nga kaangtanan sa Dyos, ag ro Dyos man hay padayon nga maeueot kanda.

1 Juan 4:3

Pero ro tanan nga owa nagapati ku raya ngara parti kay Jesus hay gapakilaea nga ro andang ginaturo hay bukon it halin sa Espirito it Dyos, ag ro andang paino-ino hay pareho sa paino-ino it Manogkuntra kay Kristo. Ginsugid eon kinyo nga magaabot imaw iya, ag abo eon ngani iya sa kalibutan nga pareho kana it paino-ino.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

2 Juan 1:7

Abo eon nga mga manogpataeang nga nagaeapnaag sa bisan siin nga parti it kalibutan, nga nagaturo nga si Jesu-Kristo hay owa nangin matuod nga tawo sa anang pag-adto iya sa kalibutan. Ro mga nagaturo it makaruyon hay may paino-ino pareho ku Manogpataeang ag Manogkuntra kay Kristo.