1 Juan 4:17 - Inkeanon

¹⁷ Paagi sa atong maeueot nga kaangtanan sa Dyos, ro atong paghigugma sa iba hay nangin himpit. Dahil karon, sigurado kita nga indi kita pagpinahan pag-abot it adlaw it paghukom, tungod samtang iya pa kita sa kalibutan hay nagakabuhi kita nga mahigugmaon pareho kay Kristo.

1 Juan 4:17 Iomraidhean Croise

Mateo 10:15

Matuod rang ginahambae kinyo nga kon mag-abot eon ro adlaw it paghukom, ro pina nga batunon ku mga indi ngato magbaton kinyo hay mas grabi pa sa pina it mga tagaSodoma ag Gomora.”

Mateo 10:25

Ngani dapat nga malipay ro sumueunod kon maltratuhon imaw pareho ku pagmaltrato sa anang manogturo. Imaw man sa ulipon. Dapat imaw malipay kon maltratuhon imaw pareho ku pagmaltrato sa anang amo. Kon ako ngani nga ueo it panimaeay hay gintawag ku mga tawo nga si Beelzebul, kamo man nga mga myembro it panimaeay hay sigurado nga pakalisdon nanda.”

Mateo 11:22

Ngani ginahambae ko eagi kinyo nga kon mag-abot ro adlaw it paghukom, ro pina nga inyong batunon hay mas grabi pa kaysa sa pina nga batunon ku mga tagaTiro ag Sidon.

Mateo 11:24

Ginahambae ko eagi kinyo nga mas pa ro inyong pina nga batunon kaysa sa pina ku mga tagaSodoma kon mag-abot eon ro adlaw it paghukom.”

Mateo 12:36

Ginahambae ko eagi kinyo nga ro kada isaea hay manabat sa kada owa it sayod nana nga ginhambae pag-abot ku adlaw it paghukom.

Juan 15:20

Dumduma ninyo ro akong ginhambae kato kinyo nga ro ulipon hay bukon it eabaw pa sa anang amo. Ngani kon ginhingabot nanda ako, hingabuton man nanda kamo. Pero kon tumanon nanda ro akong ginaturo hay tumanon man nanda ro inyong ginaturo.

Juan 17:22

Gintao ko kanda ro kadungganan nga gintao mo kakon agod maghiliugyon sanda pareho katon.

Mga TagaRoma 8:29

Matuod ra ay sanda nga mga hasayran eagi nana nga mangin anang mga katawhan hay ana man nga gindisisyunan kato pa't-a eagi nga ro andang kinaiya hay mangin pareho ku ana it anang Unga. Duyon ro ana nga desisyon agod si Jesus ro mangin dungganon nga kamagueangan ku tanan nga magmaeanghod nga mga unga it Dyos.

Mga Hebreo 9:27

Suno sa plano it Dyos kitang mga tawo hay kaisaea eang mamatay ag pagahukman man it kaisaea eang.

Santiago 2:13

Ginahambae ko ra dahil pag-abot it adlaw it paghukom hay indi pagkaeuy-an it Dyos ro tawo nga owa it kaeuoy sa anang isigkatawo kundi anang pagapinahan. Pero ro maeueuy-on hay anang kaeuy-an ag indi pagpinahan pag-abot it adlaw ngaron.

Santiago 2:22

Makita mo dikara nga ro anang pagtuo ag ro anang buhat hay nagaimaw. Dahil sa anang buhat hay nangin kompleto ro anang pagtuo sa Dyos.

2 Pedro 2:9

Raya ngara nga nagkaeatabo kato hay nagapakilaea nga antigo ro Dyos mageuwas sa mga matinumanon kana sa mga testing nga ginaagyan nanda. Nagapakilaea man rato nga antigo ro Dyos magpina sa mga bukon it matarong ag maggwardya kanda hasta sa adlaw nga ana eon sandang husgaran.

2 Pedro 3:7

Ag paagi man sa gahom it anang hambae, ro kalibutan ag kaeangitan nga makita naton makaron hay anang ginapreserbar hasta mag-abot ro adlaw nga anang gintaeana nga ana ra nga sunugon. Matabo ron sa adlaw nga sintinsyahan nana nga pinahan sa impyerno hasta sa owa it katapusan ro tanan nga owa it kahadlok kana.

1 Juan 2:28

Ngani mga unga nakon sa pagtuo, dapat padayunon naton ro atong maeueot nga kaangtanan kay Kristo, agod may atong kaisog it buot, ag makaatubang kita kana nga owa nahuya sa anang pagbalik.

1 Juan 2:5

Pero ro bisan sin-o nga nagatuman sa kasuguan it Dyos, imaw ra ro may hantop gid nga paghigugma sa Dyos. Paagi sa atong pagtuman hay masiguro naton nga may atong maeueot nga kaangtanan sa Dyos.

1 Juan 2:6

Ro bisan sin-o nga nagahambae nga imaw hay nagapadayon sa anang maeueot nga kaangtanan sa Dyos hay dapat nga magpangabuhi it matarong, pareho kay Jesu-Kristo.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

1 Juan 3:3

Ngani ro tanan nga nagapaabot gid nga matabo ra hay nagapangabuhi it malimpyo sa mata it Dyos, pareho kay Kristo nga owa gid it bisan ano nga saea.

1 Juan 3:7

Akon nga mga unga sa pagtuo, ayaw kamo magpadaea-daea. Ro nagahimo it mayad hay matarong pareho kay Kristo.

1 Juan 4:12

Owa it nakakita sa Dyos pero kon nagahigugmaanan kita hay nagapadayon imaw nga maeueot katon, ag makita imaw katon dahil karon. Ag ro aton nga paghigugma sa iba hay ro pinakabunga ku paghigugma katon it Dyos.