1 Juan 4:15 - Inkeanon

¹⁵ Ro nagapahayag nga si Jesus hay Unga it Dyos hay may padayon nga maeueot nga kaangtanan sa Dyos, ag ro Dyos man hay padayon nga maeueot kanda.

1 Juan 4:15 Iomraidhean Croise

Mateo 10:32

“Ro nagaako sa atubang it mga tawo nga nagatuo imaw kakon hay akon man nga akuon sa atubang ku akong Ama sa eangit.

Lucas 12:8

Naghambae pa gid si Jesus, “Ginahambae ko kinyo nga ro nagaako sa atubang it mga tawo nga nagatuo imaw kakon hay akuon man nakon nga Unga it Tawo sa atubang it mga anghel it Dyos.

Juan 6:56

Ngani ro magakaon ku akon nga eawas ag magainom ku akon nga dugo hay magapadayon sa anang maeueot nga kaangtanan kakon ag makaruyon man ro akong kaangtanan kana.

Mga Binuhatan 8:37

[Nagsabat si Felipe, “Kon nagatuo ka it hugot sa imong tagipusuon, puydi ka mabawtismuhan.” Nagsabat ro opisyal, “Nagatuo ako nga si Jesu-Kristo hay Unga it Dyos.”]

Mga TagaRoma 10:9

Suno sa mensahi ngaron hay kon magpamatuod ka sa katawhan nga si Jesus ro Ginuo nga eabaw sa tanan ag magtuo ka it hantop sa imong tagipusuon nga ginbanhaw imaw it Dyos hay maeuwas ka.

Mga TagaFilipos 2:11

Ag magahambae sanda tanan nga si Jesu-Kristo ro gamhanan nga Ginuo, ag mapadunggan man kara ro Dyos nga Ama.

1 Juan 2:23

Tungod ro bisan sin-o nga owa nagabaton sa Unga it Dyos hay owa man it maeueot nga kaangtanan sa anang Ama, pero ro nagabaton sa Unga hay may maeueot man nga kaangtanan sa Dyos nga Ama.

1 Juan 2:24

Itanom gid ninyo sa inyong paino-ino ro tanan nga inyong habatian parti kay Kristo, umpisa pa ku inyong pagtuo kana. Kon makaruyon ro inyong ginaobra hay magapadayon kamo sa inyong maeueot nga kaangtanan sa Dyos nga Ama, ag sa anang Unga nga si Jesus.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.

1 Juan 3:24

Ro tanan nga nagatuman sa kasuguan it Dyos hay may padayon nga maeueot nga kaangtanan kana, ag ro Dyos hay padayon nga maeueot kana. Makasiguro kita kara tungod gintao nana katon ro Espirito Santo.

1 Juan 4:12

Owa it nakakita sa Dyos pero kon nagahigugmaanan kita hay nagapadayon imaw nga maeueot katon, ag makita imaw katon dahil karon. Ag ro aton nga paghigugma sa iba hay ro pinakabunga ku paghigugma katon it Dyos.

1 Juan 4:2

Makasiguro kamo nga ro ginaturo it tawo hay halin sa Espirito it Dyos kon nagapamatuod sanda nga ro Maneueuwas nga si Jesus hay nangin matuod nga tawo pag-adto iya sa kalibutan.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

1 Juan 5:5

Sin-o eang abi ro makaperdi sa kaeainan iya sa kalibutan? Owa it iba kundi ro nagatuo nga si Jesus hay Unga it Dyos.

2 Juan 1:7

Abo eon nga mga manogpataeang nga nagaeapnaag sa bisan siin nga parti it kalibutan, nga nagaturo nga si Jesu-Kristo hay owa nangin matuod nga tawo sa anang pag-adto iya sa kalibutan. Ro mga nagaturo it makaruyon hay may paino-ino pareho ku Manogpataeang ag Manogkuntra kay Kristo.