1 Juan 4:14 - Inkeanon

¹⁴ Hakita gid namon si Jesus. Ngani ginapamatud-an man namon nga ginpaadto iya it Dyos nga Ama ro anang Unga agod mangin Maneueuwas it kalibutan.

1 Juan 4:14 Iomraidhean Croise

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 12:47

Bukon it ako ro nagasintinsya nga pinahan ro mga nakabati sa akong ginahambae pero owa man nagatuman. Nag-adto abi ako iya sa kalibutan agod euwason ro mga tawo, bukon it agod sintinsyahan sanda.

Juan 3:11

Matuod gid rang ginahambae kimo nga nasayran gid namon ag nasaksihan ro among ginasugid pero owa gid kamo gapati karon.

Juan 3:32

Ro anang hakita ag habatian idto sa eangit hay imaw ro anang ginasugid, pero sangkiri ea't-a ro nagapati kana.

Juan 3:34

tungod ro mga ginahambae mismo it Dyos ro ginasugid ku anang ginpadaea iya, ag gintaw-an imaw it Dyos it Espirito Santo nga owa it hawid-hawid.

Juan 4:42

Hambae ku mga tawo sa bayi ngato, “Gatuo eon kami makaron bukon eang it dahil sa imong ginsugid, kundi dahil habatian namon mismo ro anang hambae. Ngani sigurado eon kami nga imaw matuod ro Maneueuwas it mga tawo sa bilog nga kalibutan.”

Juan 5:39

Sige ro inyong tinuon ku Sagrado nga Kasueatan ay gaeaom kamo nga paagi sa inyong pagtinuon ngaron hay makabaton kamo it kabuhi nga owa it katapusan. Pero ro Kasueatan ngaron hay nagapatungod kakon

Mga Binuhatan 18:5

Pag-abot ni Silas ag Timoteo halin sa Macedonia hay ginbutang ni Pablo ro tanan nanang oras sa pagpaathag ag pagpamatuod sa mga Judio ku mensahi nga si Jesus ro Maneueuwas nga ginpromisa it Dyos.

1 Pedro 5:12

Gin-obra ko raya ngara nga matag-od nga sueat sa bulig ni Silvanus nga ginabilang nakon nga masaligan nga igmanghod sa pagtuo. Nagsueat ako kinyo kara agod mapabaskog ko ro inyong buot ag agod pamatud-an ko dikara kinyo ro matuod nga sobrang kabuot it Dyos. Ayaw gid ninyo pagbaliwalaa ro anang sobrang kabuot ngara kundi paagi kara hay magpalig-on kamo permi sa inyong pagtuo kana.

1 Juan 4:10

Ro matuod nga kahueugan it gugma hay bukon it tag makita sa atong paghigugma sa Dyos kundi sa anang paghigugma katon, tag ginpaadto na riya ro anang unga agod paagi sa ana ngara nga unga hay mapatawad ro atong mga saea.

1 Juan 5:9

Hay kon aton ngani nga ginapatihan ro pamatuod it mga tawo, mas pa't-a nga dapat naton patihan ro pamatuod it Dyos parti sa anang Unga, tungod masaligan sa tanan ro ginahambae it Dyos.