1 Juan 4:13 - Inkeanon

¹³ May aton nga kasiguruhan nga nagapadayon kita nga may maeueot nga kaangtanan sa Dyos, ag imaw hay padayon nga maeueot katon tungod gintao nana katon ro ana mismo nga Espirito.

1 Juan 4:13 Iomraidhean Croise

1 Corinto 2:12

Kita nga mga tumueuo hay bukon eon it pareho sa mga tawo iya sa kalibutan kon magpaino-ino ay gintaw-an eon kita it Espirito ngara it Dyos agod maeubtan naton ro mga pagpakamaayo nga gintao katon it Dyos hay dahil sa anang sobrang kabuot.

1 Corinto 6:19

Owa baea kamo kasayod nga ro inyong eawas hay templo nga ginaistaran it Espirito Santo nga gintao kinyo it Dyos? Bukon it inyo ro inyong eawas ngaron kundi ana't-a ron it Dyos

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

1 Juan 2:5

Pero ro bisan sin-o nga nagatuman sa kasuguan it Dyos, imaw ra ro may hantop gid nga paghigugma sa Dyos. Paagi sa atong pagtuman hay masiguro naton nga may atong maeueot nga kaangtanan sa Dyos.

1 Juan 3:24

Ro tanan nga nagatuman sa kasuguan it Dyos hay may padayon nga maeueot nga kaangtanan kana, ag ro Dyos hay padayon nga maeueot kana. Makasiguro kita kara tungod gintao nana katon ro Espirito Santo.