1 Juan 4:12 - Inkeanon

¹² Owa it nakakita sa Dyos pero kon nagahigugmaanan kita hay nagapadayon imaw nga maeueot katon, ag makita imaw katon dahil karon. Ag ro aton nga paghigugma sa iba hay ro pinakabunga ku paghigugma katon it Dyos.

1 Juan 4:12 Iomraidhean Croise

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

1 Corinto 13:13

Pero sa makaron pa, may tatlong ka bagay nga nagapadayon. Ro hauna hay ro atong pagtuo ag pagsalig sa Dyos nga euwason nana kita sa pina it atong kasae-anan. Ro pangaywa hay ro atong kasiguruhan parti sa mayad nga kahimtangan nga atong mabaton idto sa eangit. Ag ro ikatatlo hay ro atong gugma sa kada isaea. Pero ro pinakaeabaw sa tatlo ngara hay ro gugma.

1 Timoteo 1:17

Ngani padunggan ag dayawon naton ro Dyos hasta sa owa it katapusan. Imaw gid lang ro Dyos ag hari imaw hasta sa owa it katapusan, owa gakamatay ag indi makita. Matuod 't-a ra!

1 Timoteo 6:16

Imaw eang ro owa it kamatayon ag nagaistar sa hayag nga grabi it silaw nga indi mapaeapitan it bisan sin-o. Owa pa gid it tawo nga nakakita kana, ag indi gid ma't-a imaw makita it bisan sin-o. Daeayawon imaw ag makagagahom hasta sa owa it katapusan. Amen!

Mga Hebreo 11:27

Ngani inaywanan nana ro Egipto, bukon it dahil sa anang kahadlok sa kaakig it hari kundi dahil sa anang pagtuo sa plano it Dyos. Ag owa imaw nagkataka sa paghinueat ku katumanan karon, ay parehas eang nga hakita gid nana ro Dyos nga indi makita.

1 Juan 2:5

Pero ro bisan sin-o nga nagatuman sa kasuguan it Dyos, imaw ra ro may hantop gid nga paghigugma sa Dyos. Paagi sa atong pagtuman hay masiguro naton nga may atong maeueot nga kaangtanan sa Dyos.

1 Juan 3:24

Ro tanan nga nagatuman sa kasuguan it Dyos hay may padayon nga maeueot nga kaangtanan kana, ag ro Dyos hay padayon nga maeueot kana. Makasiguro kita kara tungod gintao nana katon ro Espirito Santo.

1 Juan 4:16

Hasayran naton ag ginapatihan nga ginahigugma gid kita it Dyos. Ro ana gid nga kinaiya it Dyos hay ro pagkamahigugmaon, ag ro tawo nga mahigugmaon sa Dyos ag sa anang isigkatawo hay may padayon nga maeueot nga kaangtanan sa Dyos, ag ro Dyos hay padayon man nga maeueot kana.

1 Juan 4:20

Pero kon may maghambae nga ginahigugma nana ro Dyos, pero ginakaugtan nana ro anang igmanghod sa pagtuo hay nagapinuril. Kon indi nana mahigugma ro anang igmanghod nga anang makita, mas kapin pa gid nga indi nana mahigugma ro Dyos nga indi nana makita.

1 Juan 4:6

Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.