1 Juan 4:1 - Inkeanon

¹ Mga pinalangga, ayaw kamo magpati sa tanan nga mga nagahambae nga ro andang ginaturo hay halin sa Espirito Santo, kundi testingi kon ro andang mga ginaturo hay halin matuod sa Dyos. Abo eo't-a abi nga mga nagapakuno-kuno nga mga propeta nga nagaeapnaag bisan siin nga parti it kalibutan.

1 Juan 4:1 Iomraidhean Croise

Marcos 13:21

“Sa ruyon man nga tyempo, kon may magahambae kinyo, ‘Hara eon ro Maneueuwas nga ginpromisa it Dyos!’ o ‘Idto imaw sa rikato nga lugar,’ ayaw gid kamo it pati.

Lucas 12:57

Kamo't-a mismo ro dapat nga magdesisyon kon ano ro tama ninyong obrahon.

Lucas 21:8

Nagsabat si Jesus, “Mag-andam gid kamo nga indi kamo hipataeang ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag mahambae man sanda nga madali eon lang ro oras. Ayaw kamo magsunod kanda.

Mga Binuhatan 17:11

Ro mga tawo idto hay mas bukas ro andang paino-ino kaysa sa mga tagaTesalonica. Naila gid sanda it duro nga magpamati sa mensahi ag adlaw-adlaw hay ginausisa nanda ro Sagrado nga Kasueatan kon matuod gid ro ginahambae ni Pablo.

Mga Binuhatan 20:29

Sayod ko nga paghalin nakon hay may maabot kinyo nga mga manogturo nga ro ginaturo hay saea gid. Kapareho sanda it mga mabangis nga sapat nga gasalakay nga owa it kaeuoy sa panong.

1 Corinto 12:10

Ro iba hay ginataw-an it abilidad nga maghimo it milagro. Ro iba ma't-a hay ginataw-an it abilidad nga magsugid ku mga ginpahayag kanda it Dyos nga gusto nanang ipaabot sa kadagayaan. May ginataw-an man it abilidad nga makasayod kon ro mensahi nga ginasugid it sangka tawo hay halin matuod sa Dyos o halin 't-a sa maeain nga espirito. May ginataw-an man it abilidad sa paghambae sa sari-saring mga linggwahe nga gintao kanda it Espirito Santo. Sa iba ma't-a hay ro abilidad sa pagpaathag kon ano ro buot hambaeon ku ginhambae ngato sa ibang linggwahe.

1 Corinto 14:29

Makaruyon man kon may mga nagasugid ku mga ginpahayag kanda it Dyos nga gusto nanang ipaabot sa kadagayaan. Pasugti nga maghambae ro daywa o tatlo bago bana-banaon ku mga nagapamati kon ro andang habatian hay halin matuod sa Dyos o sa maeain nga espirito.

1 Tesalonica 5:20

Kon may mga mensahi nga ginbutang ro Espirito Santo sa paino-ino it inyong mga kaibahan agod ipaabot kinyo hay ayaw gid ron ninyo pagbaliwalaa.

1 Tesalonica 5:21

Pero usisaa ninyo ro tanan nga ginahambae ngato kon halin gid rato sa Dyos o bukon. Batuna ag sunda kon ano ea't-a ro mayad

2 Tesalonica 2:2

nga indi eagi kamo magpanirbyos ukon magpakueba kon makabati kamo nga nag-abot eon ro Adlaw ku pagbalik it Ginuo. Ayaw kamo it basta pati bisan may nagahambae nga ginpasayod ron it Espirito Santo, o kami kuno ro naghambae o nagsueat karon.

1 Timoteo 4:1

Ginapaathag gid it Espirito Santo nga sa ulihing mga inadlaw hay magatalikod ro iba sa matuod nga mensahi parti kay Jesus. Magapati gid sanda sa mga pinuril nga ginaturo it mga manogpataeang nga espirito, nga owa it iba kundi mga demonyo.

2 Timoteo 3:13

Ag ro mga maeain nga nagapakuno-kuno nga manogturo sanda it tama hay mas gaeain pa gid. Pataeangon pa gid nanda ro mga tawo, ag sanda mismo hay mas magataeang pa gid.

2 Pedro 2:1

Pero kato anay, sa mga inapo ni *Israel hay may mga nagaako nga propeta man sanda it Dyos, pero nagapakuno-kuno man lang gali. Makaruyon man inha kinyo ay may magaako man nga manogturo sanda it mensahi it Dyos pero bukon ron it matuod. Magaturo sanda it saea nga makasamad sa pagtuo it mga tawo. Ag anda pa nga ipanghiwaea ro Ginuo nga nagtubos kanda. Ngani nagasako ma't-a sanda nga pinahan sa impyerno hasta sa owa't katapusan.

1 Juan 2:18

Mga unga nakon sa pagtuo, makaron eon ro ulihing mga inadlaw. Ginsugid eon kinyo nga maabot anay ro Manogkuntra kay Kristo ag hara eon, nagainabo eon makaron ro nagakuntra kana, mawron nga sayod eon naton nga nag-abot eon ro ulihing mga inadlaw.

1 Juan 2:7

Akon nga mga pinalangga, bukon it bag-o nga sugo ro akon nga ginasueat ngara kinyo. Umpisa pa ku inyong pagtuo kay Jesu-Kristo hay habatian eon ninyo ro sugo ngara sa mensahi it Dyos, nga dapat hay maghigugmaanan kita.

2 Juan 1:7

Abo eon nga mga manogpataeang nga nagaeapnaag sa bisan siin nga parti it kalibutan, nga nagaturo nga si Jesu-Kristo hay owa nangin matuod nga tawo sa anang pag-adto iya sa kalibutan. Ro mga nagaturo it makaruyon hay may paino-ino pareho ku Manogpataeang ag Manogkuntra kay Kristo.

3 Juan 1:11

Pinalangga ko nga amigo, ayaw gid pagtueara ro maeain nga ginahimo it tawo, kundi tueara ro mayad. Ro nagahimo it mayad hay unga it Dyos, pero ro gahimo it maeain hay owa nakaeubot kon ano ro kinaiya it Dyos.

Pahayag 2:2

Sayod ko ro inyong mga buhat, mga pagpangabudlay ag kon mauno ro inyong pag-antos it mga kalisod. Sayod man ako nga owa kamo gakonsenti sa mga ginaobra ku mga maeain nga tawo inha kinyo. Ag inyo man nga gin-usisa ro mga nagahambae nga *apostoles kuno sanda, ag hapamatud-an ninyo nga gapinuril gali sanda.