1 Juan 3:6 - Inkeanon

⁶ Ngani ro nagapadayon sa anang maeueot nga kaangtanan kay Kristo hay owa eon nagapadayon sa pagpakasaea. Pero ro nagapakasaea gihapon hay owa pa't-a nakaeubot ku kinaiya ni Kristo, o nakakilaea man kon sin-o gid imaw.

1 Juan 3:6 Iomraidhean Croise

2 Corinto 3:18

Ginbuoe eon tag nagatabon anay sa atong paino-ino ag makita eon naton ro pagkadaeayawon it Ginuo. Ag makita man sa atong kabuhi ro anang pagkadaeayawon dahil ana nga padayon nga ginabag-o ro atong pagginawi ag nagadinugang ro atong pagkamakana ag maabot ro adlaw nga mangin makana eon gid kita. Ro nagahimo kara hay ro Ginuo, paagi sa Espirito Santo.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

1 Juan 2:28

Ngani mga unga nakon sa pagtuo, dapat padayunon naton ro atong maeueot nga kaangtanan kay Kristo, agod may atong kaisog it buot, ag makaatubang kita kana nga owa nahuya sa anang pagbalik.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

1 Juan 2:4

Ngani ro bisan sin-o nga nagahambae nga nakakilaea gid imaw sa Dyos, pero owa man nagatuman sa anang mga kasuguan hay purilon, ag ro makaruyon nga tawo hay owa gid nakatanom sa anang paino-ino ro kamatuuran nga ginpahayag it Dyos.

1 Juan 3:2

Mga pinalangga, mga unga eon kita it Dyos, pero owa pa makaron ginpahayag ro tanan kon mauno kita sa ulihi. Sayod kita nga kon magbalik si Kristo hay mangin pareho kita kana, ay hikita naton kon mauno gid imaw.

1 Juan 3:9

Ngani owa eon nagapadayon sa pagpakasaea ro tawo kon matuod imaw nga unga it Dyos, tungod una kana ro kinaiya it Dyos. Ro Dyos eon ro anang ama ngani owa eon imaw nagapadayon sa pagpakasaea.

1 Juan 4:8

Pero ro owa nagahigugma sa anang isigkatawo hay bukon it maeapit sa Dyos, dahil ro pagkamahigugmaon hay ana gid nga kinaiya it Dyos.

1 Juan 5:18

Sayod naton nga ro tanan nga gintaw-an it Dyos it bag-o nga kabuhi hay owa eon nagapadayon sa pagpakasaea, tungod ginabantayan imaw ku Unga it Dyos nga si Jesus, ag indi imaw hihalitan ni Satanas, ro ginahalinan it kaeainan.

3 Juan 1:11

Pinalangga ko nga amigo, ayaw gid pagtueara ro maeain nga ginahimo it tawo, kundi tueara ro mayad. Ro nagahimo it mayad hay unga it Dyos, pero ro gahimo it maeain hay owa nakaeubot kon ano ro kinaiya it Dyos.