1 Juan 3:5 - Inkeanon

⁵ Pero hasayran eon ninyo nga nag-adto riya si Kristo agod bue-on ro kasae-anan it mga tawo, ag imaw mismo hay owa gid it saea.

1 Juan 3:5 Iomraidhean Croise

Mateo 1:21

Magaunga imaw it eaki ag pangaeanan mo ro eapsag it Jesus ay imaw ro magaeuwas ku anang mga katawhan sa pina ku andang mga saea.”

Lucas 23:41

Bagay gid ma't-a nga kitang daywa hay pinahan sa saea naton nga gin-obra pero imaw 't-a ngara hay owa it haobrang saea.”

Lucas 23:47

Pagkakita ku kapitan it mga soldado ku natabo hay gindinayaw nana ro Dyos. Hambae nana, “Matuod gid-a nga matarong ro tawo ngara!”

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 1:31

Bisan ngani ako hay owa kato kasayod nga imaw gali ro ginpromisa it Dyos, pero nagapangbawtismo ako it tubi agod makilaea imaw ku mga inapo ni *Israel kon sin-o gid imaw.”

Juan 14:30

Indi eon ako makaistorya pa kinyo it maeawig tungod si Satanas nga manogdumaea it mga owa nagatuo sa Dyos hay gaabot eon. Owa ako it nahimo nga saea nga magamit nana agod magamhan ako.

Juan 8:46

Owa it bisan sambilog kinyo nga makapamatuod nga nagapinuril ako. Kon ro kamatuuran 't-a ro akon nga ginasugid, ham-an it indi kamo magpati kakon?

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

1 Timoteo 1:15

Masaligan ro haeambaeunon ngara, ag bagay gid nga patihan: Si Kristo Jesus hay nag-adto riya sa kalibutan agod euwason ro mga makasasaea. Ag ako gid ro pinakamaeaot kanda tanan.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 1:3

Ro pagkadaeayawon ag kadungganan it Dyos hay makita man sa anang Unga. Kon mauno gid ro kinaiya it Dyos hay makaruyon gid ro anang Unga. Imaw ro nagapapadayon sa tama nga kaayusan ku tanan-tanan, ag nagakontrol ku tanan paagi sa gahom ku anang hambae. Paagi sa anang kamatayon hay ginlimpyuhan nana kita sa atong mga saea. Pagkahimo nana kato hay nagbalik imaw sa eangit ag nagpungko sa pinakadungganon nga pwesto sa tuo it eabing dungganon nga Dyos.

Mga Hebreo 4:15

Ro aton ngara nga Pinakapinuno nga Saserdote hay nakaeubot kon maeuya kita sa pagsukoe sa tentasyon ag naeuoy imaw katon. Sayod nana ron ay tag nagpakatawo imaw iya sa kalibutan hay naagyan man nana tanan ro mga tentasyon kaparehas naton, pero owa gid imaw nagkasaea.

Mga Hebreo 7:26

Si Jesus ro Pinakapinuno nga Saserdote nga insakto gid sa atong kinahangean. Balaan imaw, owa gid imaw it kasawayan ag owa gid imaw it saea nga makapahigko kana sa panueok it Dyos. Eain gid imaw katon nga mga tawo ay makasasaea't-a kita pero imaw hay bukon. Idto eon imaw sa eangit ag gintaw-an eon it kadungganan nga eabaw sa tanan nga idto.

Mga Hebreo 9:26

Kon ro anang pagsakripisyo hay pareho man lang gali sa pagsakripisyo it mga sapat nga dapat uman-umanon hay dapat man nga pauman-uman imaw mag-antos it kasakit umpisa pa ku pagtuga it kalibutan. Pero sang beses eang imaw nag-adto iya sa kalibutan sa rayang ulihing tyempo, agod paeaon ro aton nga mga saea paagi sa anang pagsakripisyo ku anang kaugalingon.

Mga Hebreo 9:28

Imaw ron nga si Kristo hay kaisaea gid lang nagsakripisyo ku anang kaugalingon agod mabuoe ro kasae-anan it mga tawo. Ag kon magbalik eon imaw iya sa kalibutan hay bukon it agod isakripisyo it uman ro anang kaugalingon agod mabuoe ro aton nga mga saea, kundi agod kumpletuhon ro kaeuwasan ku mga nagapaabot gid kana.

1 Pedro 1:18

Ayaw kamo hilipat kon ano ro ginbayad agod nga hitubos kamo it Dyos sa inyo anay nga owa it pueos nga pagpangabuhi nga inyong pinanubli sa inyong mga kalolo-lolohan. Ro gintubos kinyo hay bukon it mga bagay nga nagakaduea ro haega pareho it pilak ag bueawan

1 Pedro 1:20

Bago pa't-a gintuga ro kalibutan hay ginbutang eon it Dyos si Kristo nga mangin maneueuwas it tawo suno sa anang plano. Pero ku raya eang nga ulihing mga inadlaw imaw ginpahayag ag nakapanimpueos eon kamo sa anang ginhimo.

1 Pedro 2:22

Owa imaw magkasaea ag owa man imaw it ginhambae agod makapangluko.

1 Pedro 2:24

Imaw mismo ro nagpanabat sa atong mga kasae-anan tag namatay imaw sa krus. Ginhimo ron nana agod mamatay ro atong kaila sa pagpakasaea ag magakabuhi kita it matarong. Paagi sa anang haagyan nga grabing kasakitan, kamo hay ginmayad.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

1 Juan 1:2

Imaw nga nagatao it kabuhi hay nag-adto gid iya sa kalibutan ngani mapamatud-an namon nga hakita gid namon imaw, ag ginasugid namon kinyo nga imaw ro ginatawag nga Kabuhi nga Owa it Katapusan. Bago imaw nag-adto iya hay kaibahan eo't-a imaw it Dyos nga Ama, ag ku ulihi hay nag-abot gid-a ngani imaw iya.

1 Juan 1:7

Pero kon kita hay nagakabuhi sa kahayag, kapareho ku Dyos nga una sa kahayag hay may atong mayad nga pag-ililiba sa atong mga kaigmanghuran, ag ro pag-uea ku dugo ni Jesus kat gineansang imaw sa krus ro nagalimpyo sa tanan-tanan naton nga mga saea.

1 Juan 2:1

Mga unga nakon sa pagtuo, ginasueat ko kinyo ro mga bagay ngara agod indi kamo magkasaea. Pero kon may una gid man kinyo nga magkasaea hay may magabulig katon nga magapangabay sa Dyos nga Ama nga patawaron kita, ag ruyon hay si Jesu-Kristo, nga imaw ro matarong.

1 Juan 2:2

Ag paagi sa kamatayon ni Jesu-Kristo hay ginpatawad eon kita sa atong mga saea. Namatay imaw bukon eang it dahil sa atong mga saea kundi dahil man sa saea it tanan nga mga tawo.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.