1 Juan 3:3 - Inkeanon

³ Ngani ro tanan nga nagapaabot gid nga matabo ra hay nagapangabuhi it malimpyo sa mata it Dyos, pareho kay Kristo nga owa gid it bisan ano nga saea.

1 Juan 3:3 Iomraidhean Croise

Mateo 5:48

Ngani, kamo hay dapat nga mangin pareho ku inyo nga Ama sa eangit nga owa't kasawayan.”

Lucas 6:36

Ngani mangin maeueuy-on kamo pareho ku inyong Ama nga maeueuy-on.”

Juan 17:19

Ag akon nga ginahaead ro akong kaugalingon nga mamatay para kanda agod mangin matuod sanda nga mga balaan nga katawhan nimo.”

Mga Binuhatan 15:9

Paeareho eang ro pagkabig it Dyos kanda ag katon, ay ginlimpyuhan man nana ro andang tagipusuon dahil sa andang pagtuo.

Mga TagaRoma 15:12

Nagsueat man si Propeta Isaias it makaraya, “May matawo sa ulihi nga isaeang ka pinasahi sa inapo ni Jesse. Dumaeahan nana ro mga bukon it Judio. Dahil kana, sigurado sanda nga mayad ro andang kahimtangan sa ulihi.”

2 Corinto 7:1

Mga pinalangga ko, tungod raya ngara tanan hay ginpromisa katon it Dyos, aton eon nga talikdan ro tanan nga maeain nga buhat ag maeain nga paino-ino nga nagapahigko katon sa mata it Dyos. Ag magtinguha kita nga magpangabuhi nga ro ginahimunta hay mangin balaan gid kita dahil ginataha naton imaw.

Mga TagaColosas 1:5

Ro inyo ngaron nga pagtuo ag paghigugma hay bunga ku inyong pagkasigurado nga mabaton ninyo ro mga gintigana it Dyos para kinyo idto sa eangit. Hasayran ninyo ro parti rikara pagkabati ninyo ku matuod nga mensahi nga imaw ro Mayad nga Balita.

2 Tesalonica 2:16

Ginahigugma kita it Dyos. Dahil sa anang sobrang kabuot hay ana kita nga gintaw-an it owa it katapusan nga pagpabaskog it buot, ag kasiguruhan ku atong mayad nga kahimtangan sa ulihi. Nagapangamuyo kami nga ro atong Ginuo mismo nga si Jesu-Kristo ag ro Dyos nga atong Ama

Tito 3:7

Ag paagi sa anang sobrang kabuot hay ana eon kita nga ginabilang nga matarong, agod makasiguro kita nga mabaton naton ro kabuhi nga owa it katapusan kaibahan it Dyos sa ulihi.

Mga Hebreo 12:14

Tinguhaa ninyo nga may inyong paghidait sa tanan, ag tinguhaa man nga magpangabuhi kamo it balaan, ay ro bisan sin-o nga owa gapangabuhi it balaan hay indi makakita sa Ginuo.

Mga Hebreo 6:18

Ro promisa ag ro sumpa ngaron hay indi gid magbag-o ay imposible gid nga magpinuril ro Dyos. Ngani paagi sa daywa ngara, kita nga nagdangop kana agod anang proteksyunan hay may grabi nga kabaskog it buot nga magpati it malig-on nga aton nga mabaton sa ulihi ro ginpromisa it Dyos.

Mga Hebreo 7:26

Si Jesus ro Pinakapinuno nga Saserdote nga insakto gid sa atong kinahangean. Balaan imaw, owa gid imaw it kasawayan ag owa gid imaw it saea nga makapahigko kana sa panueok it Dyos. Eain gid imaw katon nga mga tawo ay makasasaea't-a kita pero imaw hay bukon. Idto eon imaw sa eangit ag gintaw-an eon it kadungganan nga eabaw sa tanan nga idto.

Santiago 4:8

Magpaeapit kamo sa Dyos agod mageueot ro inyong relasyon kana ag batunon gid nana kamo. Kamo nga mga makasasaea hay dapat magtalikod eon sa saea agod limpyo eon permi ro inyong buhat. Indi eon kamo mag-isaea-daywa it paino-ino ag limpyuhi ro inyong tagipusuon agod ro Dyos eang ro inyong ginahigugma.

1 Pedro 1:15

Ro Dyos nga nagtawag kinyo hay balaan, ngani dapat man kamo nga magpakabalaan sa tanan ninyong ginaobra.

1 Pedro 1:3

Dayawon ta ro Dyos ag Ama ku atong Ginuong Jesu-Kristo. Tungod sa anang mabahoe nga kaeuoy hay gintaw-an nana kita it bag-o nga kabuhi paagi sa pagkabanhaw ni Jesu-Kristo. Mawron nga sigurado gid kita nga mabaton naton sa ulihi ro ginpromisa it Dyos katon.

2 Pedro 1:4

Tungod sa anang kadungganan ag mayad nga kinaiya ngaron hay ginpromisahan nana kita it mahaega ag grabi it nami nga mga butang, agod paagi karon hay mangin balaan ag matarong ro atong kinaiya pareho ku ana. Bukon eon kita it pareho ku mga tawo iya sa kalibutan nga indi magpasakop sa Dyos ag ro andang paino-ino ag eawas hay nasamad eon dahil andang ginapinagustuhan ro andang mga maeain nga handom.

2 Pedro 3:14

Ngani, mga hinigugma, samtang nagahueat kita nga matabo tanan ra hay magmahugod gid kita nga magpangabuhi it limpyo gid ag owa it ikasaway sa panueok it Dyos. Kon makaruyon hay may aton eon nga katawhayan sa atong tagipusuon kon mag-atubang eon kita kana.

1 Juan 2:6

Ro bisan sin-o nga nagahambae nga imaw hay nagapadayon sa anang maeueot nga kaangtanan sa Dyos hay dapat nga magpangabuhi it matarong, pareho kay Jesu-Kristo.

1 Juan 4:17

Paagi sa atong maeueot nga kaangtanan sa Dyos, ro atong paghigugma sa iba hay nangin himpit. Dahil karon, sigurado kita nga indi kita pagpinahan pag-abot it adlaw it paghukom, tungod samtang iya pa kita sa kalibutan hay nagakabuhi kita nga mahigugmaon pareho kay Kristo.