1 Juan 3:23 - Inkeanon

²³ Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.

1 Juan 3:23 Iomraidhean Croise

Mateo 22:39

Ro ikaywa nga pinakaimportanting sugo hay raya. ‘Higugmaa ro imong isigkatawo pareho ku imong paghigugma sa imong kaugalingon.’

Marcos 9:7

Gintabunan dayon ro tatlo it daeaura. Ag may limog nga naghambae halin sa daeaura, “Daya ro akong palangga nga unga. Pamati kamo kana it mayad.”

Juan 1:12

Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 13:34

“Makaron hay may bag-o nga sugo nga akong ginabilin kinyo: maghigugmaanan kamo. Kon mauno ro akong paghigugma kinyo hay dapat makaruyon man ro inyong paghigugma sa kada isaea.

Juan 14:1

Naghambae si Jesus, “Ayaw kamo it palitik kundi lig-una pa gid ro inyong pagsalig sa Dyos ag pati man kakon.

Juan 15:12

“Raya ro akon nga sugo kinyo: Maghigugmaanan kamo pareho ku akong paghigugma kinyo.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 2:23

Tag idto si Jesus sa Jerusalem ku ratong Pagtililipon sa Pagdumdum ku *Pagtaliwan, abo ro nagpati kana dahil sa andang mga nakita nga mga milagrosong pamatuod nga anang ginahimo.

Juan 3:18

Ngani ro tanan nga nagatuo kana hay indi eon gid pagsintinsyahan nga pinahan, pero ro mga owa nagatuo hay ginsintinsyahan eo't-a nga pinahan dahil owa sanda magtuo sa Unga it Dyos nga Owa't Kapareho.

Juan 6:29

Ginsabat sanda ni Jesus, “Ro ginapangayo it Dyos nga obrahon ninyo hay tuuhan ninyo ako nga anang ginpadaea iya.”

Mga Binuhatan 16:31

Nagsabat sanday Pablo, “Magtuo ka kay Ginuong Jesus ag maeuwas ka, pati ro imong panimaeay.”

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

1 Tesalonica 4:9

Pero pag-abot sa paghigugma sa inyong kaigmanghuran sa pagtuo hay owa eon it kinahangean nga sueatan ko pa kamo parti karon, ay ro Dyos mismo ro nagturo kinyo nga maghigugmaanan.

1 Timoteo 1:15

Masaligan ro haeambaeunon ngara, ag bagay gid nga patihan: Si Kristo Jesus hay nag-adto riya sa kalibutan agod euwason ro mga makasasaea. Ag ako gid ro pinakamaeaot kanda tanan.

1 Pedro 1:22

Paagi sa inyong pagtinuman sa kamatuuran hay inyong ginalimpyuhan ro inyong maeain nga batasan, ngani may sinsiro kamo nga paghigugma sa inyong kaigmanghuran sa pagtuo. Maghigugmaanan kamo it hantop sa tagipusuon

1 Pedro 4:8

Eabaw sa tanan, maghigugmaanan kamo it hantop sa inyong tagipusuon. Kon ginahigugma abi ninyo ro inyong isigkatawo hay mapatawad gid ninyo imaw maskin man-o it abo ro anang saea kinyo.

1 Juan 2:7

Akon nga mga pinalangga, bukon it bag-o nga sugo ro akon nga ginasueat ngara kinyo. Umpisa pa ku inyong pagtuo kay Jesu-Kristo hay habatian eon ninyo ro sugo ngara sa mensahi it Dyos, nga dapat hay maghigugmaanan kita.

1 Juan 3:11

Mga unga kita it Dyos ngani dapat kita hay maghigugmaanan, dahil raya ro mensahi nga inyong habatian halin pa ku pag-umpisa ninyo it pagtuo.

1 Juan 4:15

Ro nagapahayag nga si Jesus hay Unga it Dyos hay may padayon nga maeueot nga kaangtanan sa Dyos, ag ro Dyos man hay padayon nga maeueot kanda.

1 Juan 4:21

Raya ro sugo nga gintao ni Kristo katon nga ro nagahigugma sa Dyos hay dapat nga maghigugma man sa anang igmanghod sa pagtuo.

1 Juan 5:13

Ginasueatan ko kamo kara nga nagatuo it hantop gid sa Unga it Dyos, ro dungganon nga Maneueuwas, agod makasiguro kamo nga may inyo nga kabuhi nga owa it katapusan,