1 Juan 3:22 - Inkeanon

²² Ag bisan ano ro aton nga ginapangayo kana hay aton nga mabaton, tungod ginatuman naton ro anang kasuguan ag ginahimo naton ro makapalipay kana.

1 Juan 3:22 Iomraidhean Croise

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Mateo 21:22

Bisan ano ro inyong pangayuon sa Dyos kon magpangamuyo kamo hay mabaton ron ninyo basta nagasalig gid kamo kana.”

Marcos 11:24

Ngani, ginahambae ko kinyo nga kon magpangamuyo kamo ag magpangayo it bisan ano, patihi gid it hugot nga mabaton ninyo ron nga matsa habaton eo't-a ninyo, ag mabaton gid matuod ninyo ron.

Juan 14:13

Ag bisan ano ro inyong pangayuon bilang mga sumueunod nakon hay himuon ko, agod dayawon ro Ama paagi kakon nga anang Unga.

Juan 15:7

Pero kon nagapadayon kamo sa inyong maeueot nga kaangtanan kakon ag padayon nga nakatanom sa inyong paino-ino ro akong hambae, pangayo kamo sa Ama it bisan ano nga inyong gusto, ag itao ron nana kinyo.

Juan 6:29

Ginsabat sanda ni Jesus, “Ro ginapangayo it Dyos nga obrahon ninyo hay tuuhan ninyo ako nga anang ginpadaea iya.”

Juan 8:29

Ro nagpadaea iya kakon hay kaibahan ko permi, owa nana ako ginaaywani dahil ginaobra ko permi kon ano ro gapalipay kana.”

Juan 9:31

Sayod naton nga ro Dyos hay owa nagasabat sa pangamuyo it makasasaea pero ro anang ginapamatian hay ro nagasimba kana nga may pagtahod ag gatuman sa anang pagbuot.

Mga Binuhatan 17:30

Kato nga owa pa kasayod ro mga tawo parti sa Dyos hay owa nana pag-inatuha nga owa sanda kakilaea kana. Pero makaron hay ana nga ginasugo ro tanan nga mga tawo sa tanan nga lugar nga maghinuesoe ag magtalikod sa andang mga saea,

Mga Binuhatan 20:21

Pareho ro akong ginaturo sa mga Judio ag sa mga bukon it Judio, nga dapat hay magtalikod sanda sa andang mga saea ag magpasakop sa Dyos ag magtuo kay Jesus nga atong Ginuo.

Mga TagaFilipos 4:18

Habaton ko ro inyong ginpadaea kay Efaproditus ngani hasabat eon tanan ro akong kinahangean. Bastanti gid rato ag gapaeanubra pa ngani. Pareho rato it mahumot nga haead sa Dyos, ag nalipay gid imaw gabaton kato.

Mga TagaColosas 1:10

Dahil kon itugot nana ra, magakabuhi kamo nga bagay sa mga sumueunod it Ginuo ag ro tanan ninyo nga ginaobra hay makapalipay kana. Ginapangamuyo man namon nga makahimo kamo permi it tanan nga mayad nga buhat, ag makilaea pa gid ninyo it mayad ro Dyos.

Santiago 1:5

Pero mahimo eang ninyo ron paagi sa bulig it kaaeam nga halin sa Dyos. Ngani kon may una kinyo nga kueang it kaaeam ngaron hay pangayo kamo sa Dyos ag taw-an nana kamo. Ro Dyos abi hay nagatao nga owa it hawid-hawid sa tanan nga nagapangayo kana ag owa it kaibahan nga pangisog.

Santiago 4:3

Pero maskin nagapangayo kamo hay owa gihapon kamo ginataw-i dahil ro inyong katuyuan hay maeain ay inyo man lang ron nga amulitan sa pagpagusto sa maeain nga handom ku inyong eawas.

Santiago 5:16

Ngani akua ro inyong mga saea nga inyong nahimo sa kada isaea ag magpaeangamuyuan kamo agod magmayad kamo. Pwerti gid ro pangamuyo it tawo nga matarong ag mabahoe gid ro mahimo kara.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

1 Juan 5:14

ag maisog man ro atong buot nga magpangayo kana, ay sayod naton nga nagapamati imaw, ag ginatao nana ro atong ginapangayo kon ruyon hay suno sa anang pagbuot.