1 Juan 3:2 - Inkeanon

² Mga pinalangga, mga unga eon kita it Dyos, pero owa pa makaron ginpahayag ro tanan kon mauno kita sa ulihi. Sayod kita nga kon magbalik si Kristo hay mangin pareho kita kana, ay hikita naton kon mauno gid imaw.

1 Juan 3:2 Iomraidhean Croise

Mateo 5:8

Bulahan ro mga may malimpyo nga tagipusuon sa panueok it Dyos, ay sanda ro makakita kana.

Lucas 17:30

Makaruyon man nga bukon it haom ro mga tawo kon magbalik ag magpakita eon ako nga Unga it Tawo.

Lucas 20:36

Imposible eon nga mamatay pa sanda ay pareho eon sanda it mga anghel nga owa it kamatayon. Mga unga sanda it Dyos nga anang ginbanhaw.

Juan 1:12

Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 11:52

Ag ro anang kamatayon hay bukon eang it para sa mga Judio, kundi para man sa tanan nga unga it Dyos nga bukon it Judio nga idto sa sari-saring parti it kalibutan, agod mangin sangka pamilya eang sanda tanan.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Mga TagaRoma 8:16

Ro Espirito Santo hay nagapamatuod kaibahan ro atong espirito, nga mga unga kita it Dyos.

Mga TagaRoma 8:18

Kon akon nga paino-inohon ro mga kalisod nga atong ginaagyan hay owa ron sa kumaingking kon akon nga ikompara sa kanami-nami nga kahimtangan naton nga ipahayag katon sa ulihi.

Mga TagaRoma 8:19

Sobra it nami ro kahimtangan ngaron nga maagyan ku mga unga it Dyos ngani bisan ro mga butang iya sa kalibutan nga tinuga nana hay nagapaabot gid ku oras nga ipahayag eon ron nana.

Mga TagaRoma 8:29

Matuod ra ay sanda nga mga hasayran eagi nana nga mangin anang mga katawhan hay ana man nga gindisisyunan kato pa't-a eagi nga ro andang kinaiya hay mangin pareho ku ana it anang Unga. Duyon ro ana nga desisyon agod si Jesus ro mangin dungganon nga kamagueangan ku tanan nga magmaeanghod nga mga unga it Dyos.

1 Corinto 13:12

Makaron ro atong pagkaeubot parti sa Dyos hay bukon pa gid it klaro pareho it pagtan-aw sa masaeom nga espiho. Ro kapareho kara hay pagtan-aw sa litrato eang it sangka tawo imbis nga ro tawo mismo ro atong kaatubang. Pero maabot gid ro adlaw nga makaatubang gid naton ro Dyos ag mangin maathag eon ro tanan. Kueang pa makaron ro akong pagkakilaea kana pero maabot gid ro adlaw nga hikilaea ko gid imaw it husto pareho man ku anang pagkakilaea kakon.

1 Corinto 15:49

Makaron hay pareho pa kita kay Adan nga halin sa eapok pero maabot ro adlaw nga mangin pareho eon kita kay Kristo nga may eangitnon nga eawas.

1 Corinto 2:9

Pareho sa nasueat sa Sagrado nga Kasueatan, “Owa pa hakita o habatii it tawo ag owa pa haabot ku andang paino-ino ro ginpahaom it Dyos sa mga nagahigugma kana.”

2 Corinto 3:18

Ginbuoe eon tag nagatabon anay sa atong paino-ino ag makita eon naton ro pagkadaeayawon it Ginuo. Ag makita man sa atong kabuhi ro anang pagkadaeayawon dahil ana nga padayon nga ginabag-o ro atong pagginawi ag nagadinugang ro atong pagkamakana ag maabot ro adlaw nga mangin makana eon gid kita. Ro nagahimo kara hay ro Ginuo, paagi sa Espirito Santo.

2 Corinto 4:17

Ro among ginaagihan nga kalisod makaron hay owa sa kumaingking kon ikompara sa kon ano ro atong mabaton sa ulihi. Ro mga kalisod abi ngaron hay magaresulta sa sobrang kanami nga kahimtangan sa eangit nga indi matupungan ag owa it katapusan.

Mga TagaGalacia 3:26

Ngani tungod sa inyong pagtuo kay Kristo Jesus hay mga unga eon kamo tanan it Dyos.

Mga TagaGalacia 4:6

Ngani tungod mga unga nana kita, ginpadaea it Dyos ro Espirito Santo nga ginpromisa ni Jesus iya sa aton nga tagipusuon. Paagi sa Espirito Santo hay makatawag eon kita sa Dyos it, “Palangga ko nga Ama.”

Mga TagaFilipos 3:21

Pag-abot nana riya, ro aton ngara nga eawas nga kalibutanon ag nagakamatay hay anang bag-uhon nga pareho eo't-a ku anang eawas nga eangitnon ag owa nagakamatay pagkabanhaw nana. Himuon nana ron paagi sa anang gahom nga makapasakop ku tanan nga butang kana.

Mga TagaColosas 3:4

Kon si Kristo nga ginhalinan ku inyong bag-o nga kabuhi hay magabalik eon, ipakita eon dayon ro anang gahom ag pagkadaeayawon ag kamo man hay makita nga nagaambit ku anang gahom ag pagkadaeayawon ngaron.

Mga Hebreo 9:28

Imaw ron nga si Kristo hay kaisaea gid lang nagsakripisyo ku anang kaugalingon agod mabuoe ro kasae-anan it mga tawo. Ag kon magbalik eon imaw iya sa kalibutan hay bukon it agod isakripisyo it uman ro anang kaugalingon agod mabuoe ro aton nga mga saea, kundi agod kumpletuhon ro kaeuwasan ku mga nagapaabot gid kana.

2 Pedro 1:4

Tungod sa anang kadungganan ag mayad nga kinaiya ngaron hay ginpromisahan nana kita it mahaega ag grabi it nami nga mga butang, agod paagi karon hay mangin balaan ag matarong ro atong kinaiya pareho ku ana. Bukon eon kita it pareho ku mga tawo iya sa kalibutan nga indi magpasakop sa Dyos ag ro andang paino-ino ag eawas hay nasamad eon dahil andang ginapinagustuhan ro andang mga maeain nga handom.

1 Juan 2:28

Ngani mga unga nakon sa pagtuo, dapat padayunon naton ro atong maeueot nga kaangtanan kay Kristo, agod may atong kaisog it buot, ag makaatubang kita kana nga owa nahuya sa anang pagbalik.

1 Juan 2:7

Akon nga mga pinalangga, bukon it bag-o nga sugo ro akon nga ginasueat ngara kinyo. Umpisa pa ku inyong pagtuo kay Jesu-Kristo hay habatian eon ninyo ro sugo ngara sa mensahi it Dyos, nga dapat hay maghigugmaanan kita.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

1 Juan 3:10

Ngani makilaea gid naton kon sin-o ro unga it Dyos ag kon sin-o ro unga ni Satanas paagi dikara: ro owa nagahimo it matarong ag ro owa nagahigugma sa anang igmanghod sa pagtuo hay bukon it unga it Dyos.

1 Juan 3:21

Ngani mga pinalangga, kon malimpyo ro atong konsensya hay makapangamuyo kita sa Dyos nga may kaisog it buot.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

Pahayag 22:4

Permi eon nandang makita ro anang itsura ag ro anang ngaean hay nasueat sa andang dahi.