1 Juan 3:18 - Inkeanon

¹⁸ Mga unga nakon sa pagtuo, ipakita naton ro atong matuod nga paghigugma sa atong mga igmanghod paagi sa paghimo kanda it mayad. Ayaw eang kamo maghinambae nga ginahigugma ninyo sanda, kundi ipakita man sa buhat.

1 Juan 3:18 Iomraidhean Croise

Lucas 7:5

Palangga abi nana ro atong rasa ag ginpatindugan pa ngani nana kami it sinagoga.”

Juan 17:19

Ag akon nga ginahaead ro akong kaugalingon nga mamatay para kanda agod mangin matuod sanda nga mga balaan nga katawhan nimo.”

Mga TagaRoma 12:9

Dapat nga ro imong paghigugma sa iba hay sinsiro. Kaugti ro maeain pero pahaegahi ro mayad.

Mga TagaGalacia 5:13

Kamo't-a mga igmanghod hay gintawag it Dyos agod mangin hilway sa inyong pagkaulipon sa Kasuguan. Pero ayaw man kamo maghambae nga dahil ginhilway eon kamo hay pasugtan lang ninyo ro inyong makasasaea nga kinaiya. Imbis nga makaruyon hay serbihi ninyo ro kada isaea pareho it ulipon tungod sa inyong paghigugmaanan.

Mga TagaEfeso 4:15

Imbis nga makaruyon kita, dapat nga magtindog kita sa matuod nga pagturo ag isugid naton ron sa atong mga kaigmanghuran, bangod ginahigugma naton sanda. Kon obrahon naton ron, ro atong pagginawi hay padayon nga maganami hasta mangin pareho ku ay Kristo nga aton nga pinakaueo.

1 Tesalonica 1:3

Kon magpangamuyo kami para kinyo hay amon nga ginadumdum ro mga mayad nga buhat nga inyong ginahimo tungod sa inyong pagtuo. Ginadumdum man namon ro inyong pagpangabudlay sa pagbulig sa iba tungod sa inyong paghigugma kanda. Ginadumdum man namon ro inyong pagtiis sa pihak it mga paghingabot dahil sigurado kamo nga batunon kamo it Dyos nga atong Ama dahil sa inyong pagtuo sa atong Ginuong Jesu-Kristo.

1 Pedro 1:22

Paagi sa inyong pagtinuman sa kamatuuran hay inyong ginalimpyuhan ro inyong maeain nga batasan, ngani may sinsiro kamo nga paghigugma sa inyong kaigmanghuran sa pagtuo. Maghigugmaanan kamo it hantop sa tagipusuon

1 Juan 2:1

Mga unga nakon sa pagtuo, ginasueat ko kinyo ro mga bagay ngara agod indi kamo magkasaea. Pero kon may una gid man kinyo nga magkasaea hay may magabulig katon nga magapangabay sa Dyos nga Ama nga patawaron kita, ag ruyon hay si Jesu-Kristo, nga imaw ro matarong.

1 Juan 3:7

Akon nga mga unga sa pagtuo, ayaw kamo magpadaea-daea. Ro nagahimo it mayad hay matarong pareho kay Kristo.

2 Juan 1:1

Para kimo, haeangdon nga bayi nga pinili it Dyos, ag sa imo man nga mga unga. Ro nagasueat ngara kinyo hay tag ginakilaea nga Ro Magueang. Isaea ako sa mga magueang nga nagadumaea sa mga tumueuo. Hantop gid sa tagipusuon ro akong paghigugma kinyo, ag bukon eang it ako ro nagahigugma kinyo, kundi pati man ro tanan nga nakasayod ku matuod nga mensahi.

3 Juan 1:1

Para kay Gaius nga ginapalangga ko it hantop gid sa akong tagipusuon. Ro nagasueat ngara hay tag ginakilaea nga Ro Magueang.