1 Juan 3:16 - Inkeanon

¹⁶ Naintindihan naton kon ano ro kahueugan it gugma tungod hakita naton nga ginhaead ni Kristo ro anang kabuhi por dahil katon. Ngani dapat man naton nga ihaead ro atong kabuhi sa pagserbi sa atong mga igmanghod sa pagtuo, bisan ikamatay pa naton.

1 Juan 3:16 Iomraidhean Croise

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Juan 10:11

Naghambae pa gid si Jesus, “Ako ro mayad nga manogbantay nga nagadipara gid ku akong mga karnero. Ro mayad nga manogbantay hay haom magsakripisyo ku anang kabuhi para sa anang mga karnero.

Juan 10:15

Ro among pagkililaea hay pareho ku pagkililaea namon ku akong Ama. Ag haom man ako nga magsakripisyo ku akong kabuhi para sa akong mga karnero.

Juan 13:34

“Makaron hay may bag-o nga sugo nga akong ginabilin kinyo: maghigugmaanan kamo. Kon mauno ro akong paghigugma kinyo hay dapat makaruyon man ro inyong paghigugma sa kada isaea.

Juan 3:16

“Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Mga Binuhatan 20:28

Ngani haeungi gid ro inyong kaugalingon pati ro tanan nga mga tumueuo nga inyong ginadumaeahan nga matsa panong it mga karnero nga gintugyan kinyo it Espirito Santo. Bantayi sanda it mayad ay ana sanda it Dyos, ay gintubos nana sanda paagi sa dugo mismo ku ana nga Unga.

Mga TagaRoma 16:4

Sanda ron hay nagtaya ku andang kabuhi para kakon. Ginapasaeamatan ko gid sanda ag bukon eang it ako ro nagapasaeamat kanda kundi ro tanan nga mga grupo it mga tumueuo nga bukon it Judio.

Mga TagaRoma 5:8

Pero ginpakita it Dyos ro kabahoe ku anang gugma katon nga tag mga makasasaea pa kita hay namatay si Kristo por dahil katon.

2 Corinto 4:12

Ngani bisan permi eang kami nagaatubang it kamatayon, ro bunga karon hay makabaton kamo it kabuhi nga owa it katapusan.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

Mga TagaEfeso 5:25

Kamo man nga mga eaki hay dapat ninyo nga higugmaon ro inyong asawa pareho ku paghigugma ni Kristo katon tanan nga mga nagatuo kana. Ginpakita nana ron sa anang pagsakripisyo ku anang kabuhi por dahil katon.

Mga TagaFilipos 2:17

Ro inyong malig-on nga pagtuo kay Kristo bisan ginahingabot kamo hay pareho it sakripisyo nga ginahaead ninyo sa Dyos. Ag basi madali lang ako patyon dahil sa akong pagwali parti kay Kristo, ag ro akong dugo nga ipatueo hay pareho it bino nga ginahaead nga ginabu-bu sa inyong sakripisyo ngaron. Pero bisan patyon ako hay igakalipay ko gihapon ag naila man ako nga magbuylog kinyo tanan sa inyong kalipay.

Mga TagaFilipos 2:30

tungod sangkiri eang imaw mamatay dahil eang sa anang pagserbi kay Kristo. Anang ginbutang sa peligro ro anang kabuhi sa pagserbi kakon, nga indi ninyo mahimo ay maeayo kita sa kada isaea.

1 Tesalonica 2:8

Tag inha pa kami hay nalipay kami bukon eang it sa pagsugid kinyo ku Mayad nga Balita halin sa Dyos kundi haom pa gid kami nga isakripisyo ro amon mismong kabuhi para kinyo. Makaruyon kabahoe ro among paghigugma kinyo.

Tito 2:13

Makaruyon dapat ro atong batasan samtang ginapaabot naton ro malipayon ag sigurado nga pagbalik ni Jesu-Kristo. Imaw ro aton nga Makagagahom nga Dyos ag Maneueuwas ag sa pagbalik na ngato hay may anang grabi nga kasilaw nga nagapakita ku anang pagkadaeayawon.

1 Pedro 1:18

Ayaw kamo hilipat kon ano ro ginbayad agod nga hitubos kamo it Dyos sa inyo anay nga owa it pueos nga pagpangabuhi nga inyong pinanubli sa inyong mga kalolo-lolohan. Ro gintubos kinyo hay bukon it mga bagay nga nagakaduea ro haega pareho it pilak ag bueawan

1 Pedro 2:24

Imaw mismo ro nagpanabat sa atong mga kasae-anan tag namatay imaw sa krus. Ginhimo ron nana agod mamatay ro atong kaila sa pagpakasaea ag magakabuhi kita it matarong. Paagi sa anang haagyan nga grabing kasakitan, kamo hay ginmayad.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

1 Juan 2:6

Ro bisan sin-o nga nagahambae nga imaw hay nagapadayon sa anang maeueot nga kaangtanan sa Dyos hay dapat nga magpangabuhi it matarong, pareho kay Jesu-Kristo.

1 Juan 2:9

Ro nagahambae nga nahayagan eon imaw pero ginakaugtan nana ro anang igmanghod sa pagtuo hay nagakabuhi pa gihapon sa kadueom.

Pahayag 5:9

Nagkanta dayon sanda it bag-o nga kanta: “Ikaw eang ro takos nga magbuoe ku binaeueon nga sueueatan ag magsamad ku anang mga selyo. Takos ka dahil ginpatay ka ag paagi sa imong dugo nga nag-agay hay may gintubos ka nga mga tawo nga myembro it kada rasa, kada linahi, kada tribo ag ro andang mga linggwahe hay ro tanan nga linggwahe iya sa kalibutan.