1 Juan 3:15 - Inkeanon

¹⁵ Ro nagakaugot sa anang igmanghod hay pareho it manogpatay, ag sayod naton nga ro manogpatay hay owa gid it bag-o nga kabuhi nga owa it katapusan.

1 Juan 3:15 Iomraidhean Croise

Mateo 5:28

Pero ro akon 't-a nga ginahambae kinyo makaron hay ro bisan sin-o nga magtueok sa sangka bayi ag sa anang isip hay gusto nana ra nga huliran hay nagpangawatan eon sa anang isip, tungod pareho man ron nga hahuliran eon nana ro bayi ngato.

Marcos 6:19

Sa ginhambae ngara ni Juan hay gindumtan imaw ni Herodias, ag gusto nana ra nga ipapatay. Pero indi nana ra mahimo

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Mga Binuhatan 23:12

Pagkaagahon, may mga Judio nga nagkueunsabo nga patyon si Pablo. Nagpanumpa sanda nga indi gid sanda magkaon ag mag-inom hasta indi nanda hipatay si Pablo.

Mga Binuhatan 23:14

Nagpakigkita dayon sanda sa mga pinuno it mga saserdote ag sa iba pang mga manogdumaea it mga Judio. Hambae nanda, “Nagpanumpa kami mismo nga indi gid kami magkaon o bisan mag-inom hasta indi namon hipatay si Pablo.

Santiago 1:15

Ag kon ginatuman nana ro anang maeain nga handom hay ro bunga kara hay saea ag kon ro tawo hay kontrolado eon it saea, ro anang dangatan hay kamatayon nga owa it katapusan nga pina.

1 Pedro 1:23

tungod may inyo eon nga bag-ong kabuhi. Ag ro binhi nga ginhalinan ku inyong bag-o nga kabuhi hay bukon it pareho sa ibang binhi nga nagakamatay kundi raya hay ro buhi ag owa it katapusan nga hambae it Dyos.

1 Juan 2:11

Pero ro nagakaugot sa anang igmanghod hay nagakabuhi gihapon sa kadueom. Owa imaw kasayod kon ano ro tama ag mayad, pareho it tawo nga owa kasayod kon siin gapaadto ay indi imaw kakita tungod nadueman imaw.

1 Juan 2:9

Ro nagahambae nga nahayagan eon imaw pero ginakaugtan nana ro anang igmanghod sa pagtuo hay nagakabuhi pa gihapon sa kadueom.

Pahayag 21:8

Pero ro mga mataeaw nga nagtalikod sa andang pagtuo dahil sa kahadlok nga magkalisod, ro mga indi magtuo, ro mga nagahimo it makangingil-ad, ro mga manogpatay, ro mga nagahulid sa bukon nanda it asawa, ro mga nagapangbarang, ro mga nagasimba sa mga diyos-diyos ag ro tanan nga mga purilon hay itapoe sa mga pinahan sa eawod nga nagadaba-daba ay may asupre rato nga nagakaeayo. Ruyon ro ginatawag nga ikaywa nga kamatayon.”