1 Juan 3:14 - Inkeanon

¹⁴ Tungod ginahigugma naton ro atong igmanghod sa pagtuo hay nakasiguro kita nga bukon eon kita it matsa mga patay nga owa nahakat parti sa Dyos, kundi gintaw-an kita it Dyos it bag-o nga kabuhi. Pero ro owa nagahigugma sa anang igmanghod hay matsa patay gihapon, nga owa nahakat parti sa Dyos.

1 Juan 3:14 Iomraidhean Croise

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Lucas 15:24

dahil ro akong unga nga eaom ko hay patay eo't-a hay buhi't-a gali. Naduea imaw pero hakita eon.’ Gintuman ro sugo ku ama ag nag-umpisa dayon ro andang paghilinadya.

Lucas 15:32

Pero dapat kita nga magselebrar ag magkalipay ay ro imong manghod nga eaom naton nga patay eon hay buhi't-a gali. Naduea imaw pero nag-uli eon.’ ”

Lucas 7:5

Palangga abi nana ro atong rasa ag ginpatindugan pa ngani nana kami it sinagoga.”

Juan 13:35

Tungod kon makaruyon ro inyong paghigugma sa kada isaea hay dikaron masayran it tanan nga mga tawo nga sumueunod nakon kamo.”

Juan 15:12

“Raya ro akon nga sugo kinyo: Maghigugmaanan kamo pareho ku akong paghigugma kinyo.

Juan 15:17

Ginahambae ko it uman ro akong sugo kinyo, maghigugmaanan kamo.”

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

2 Corinto 5:1

Ro sangka halimbawa kara hay ro atong eawas ay sayod eon naton nga bisan mamatay kita hay taw-an kita it Dyos it bag-o nga eawas idto sa eangit. Ro eawas nga itao katon hay bukon it halin sa tawo kundi sa Dyos mismo ag magakabuhi rato hasta sa owa it katapusan.

Mga TagaGalacia 5:22

Pero kon ginagiyahan kita ku Espirito Santo, makaraya ro bunga karon sa atong kabuhi: kita hay mahigugmaon, malipayon, may katawhayan, mapinasensyahon, mabuot, mayad magtratar sa isigkatawo, masaligan,

Mga TagaEfeso 1:15

Ngani pagkasayod nakon nga nagalig-on ro inyong pagtuo kay Ginuong Jesus, ag ginahigugma gid ninyo ro tanan nga mga katawhan it Dyos,

Mga TagaEfeso 2:1

Kato anay, tag owa pa kamo nagtuo hay pareho kamo it mga patay tungod sa inyong mga pageapas ag kasae-anan. Owa pa kamo hataw-i it Dyos it bag-o nga kabuhi halin kana.

Mga TagaEfeso 2:5

Ngani bisan pareho kita it mga patay tungod sa atong mga pageapas hay ana gihapon kita nga gintaw-an it bag-o nga kabuhi, ag ginabilang nana kita nga gintapoe kay Kristo sa anang pagkabanhaw. Paagi eang matuod sa sobrang kabuot it Dyos kita hay naeuwas.

Mga TagaColosas 1:4

tungod habalitaan namon nga nagatuo eon kamo kay Kristo Jesus ag ginahigugma ninyo ro tanan nga mga katawhan it Dyos.

1 Tesalonica 4:9

Pero pag-abot sa paghigugma sa inyong kaigmanghuran sa pagtuo hay owa eon it kinahangean nga sueatan ko pa kamo parti karon, ay ro Dyos mismo ro nagturo kinyo nga maghigugmaanan.

Mga Hebreo 13:1

Padayuna ninyo ro inyong paghigugma sa inyong kaigmanghuran sa pagtuo.

1 Pedro 1:22

Paagi sa inyong pagtinuman sa kamatuuran hay inyong ginalimpyuhan ro inyong maeain nga batasan, ngani may sinsiro kamo nga paghigugma sa inyong kaigmanghuran sa pagtuo. Maghigugmaanan kamo it hantop sa tagipusuon

1 Pedro 3:8

Hara ro akong mga bilin para kinyo tanan. Magkaeasugot kamo ag mag-ueunungan. Higugmaa ro inyong kaigmanghuran sa pagtuo ag mangin maeueuy-on ag mapainubuson sa kada isaea.

2 Pedro 1:7

Ro pagkamatinumanon sa Dyos hay dugangan ninyo it pagpalangga sa mga kaigmanghuran sa pagtuo, ag ro paglangga ngaron sa mga kaigmanghuran hay dugangan pa gid ninyo it paghigugma sa tanan nga tawo.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.

1 Juan 4:12

Owa it nakakita sa Dyos pero kon nagahigugmaanan kita hay nagapadayon imaw nga maeueot katon, ag makita imaw katon dahil karon. Ag ro aton nga paghigugma sa iba hay ro pinakabunga ku paghigugma katon it Dyos.

1 Juan 5:13

Ginasueatan ko kamo kara nga nagatuo it hantop gid sa Unga it Dyos, ro dungganon nga Maneueuwas, agod makasiguro kamo nga may inyo nga kabuhi nga owa it katapusan,

1 Juan 5:2

Masayran naton nga ginahigugma naton ro mga unga it Dyos kon aton nga ginahigugma ro Dyos, ag kon ginatuman naton ro anang kasuguan.