1 Juan 3:13 - Inkeanon

¹³ Ngani, mga igmanghod, ayaw kamo mangawa nga ginakaugtan man kamo ku mga tawo nga owa nagatuo sa Dyos.

1 Juan 3:13 Iomraidhean Croise

Mateo 10:22

Kaugtan kamo it tanan nga mga tawo tungod sumueunod nakon kamo. Pero ro nagapadayon nga nagatuo kakon hasta sa kamatayon hay may kabuhi nga owa it katapusan sa eangit.

Mateo 24:9

“Sa ulihi, pagakaugtan kamo ku tanan nga mga tawo bangod mga sumueunod nakon kamo. Pagadakpon kamo ag itugyan sa mga magapasakit ag magapatay kinyo.

Marcos 13:13

Pagakaugtan kamo it tanan nga mga tawo tungod mga sumueunod nakon kamo. Pero ro nagapadayon nga nagatuo kakon hasta sa kamatayon hay maeuwas.”

Lucas 21:17

Pagakaugtan kamo it tanan nga mga tawo dahil mga sumueunod nakon kamo

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 17:14

Ginsugid ko kanda ro imong mensahi ag ginakaugtan sanda ku mga owa nagatuo kakon. Ginakaugtan ro akong mga sumueunod ay ro andang kinaiya hay pareho eon ku akon, nga eain gid kaysa sa ana ku mga owa nagatuo kakon.

Juan 3:7

Ngani ayaw hingawa nga ginhambae ko kimo nga dapat ka nga matawo it uman.

Juan 7:7

Ro mga owa gatuo sa Dyos hay owa it rason nga maugot kinyo, pero naugot 't-a ron sanda kakon ay ginabulgar ko ro andang maeain nga mga ginahimo.

Mga Binuhatan 3:12

Pagkakita kara ni Pedro hay naghambae imaw, “Mga kadugo ko nga mga inapo ni Israel, ham-an it hangawa gid kamo sa natabo ngara? Ag ham-an it makaruyon gid ro inyong tueok kamon? Eaom baea ninyo nga paagi sa among gahom o pagkamatarong hay hapatikang namon ro tawo ngara?

Mga TagaRoma 8:7

Ro tawo nga nagapaino-ino permi sa pagpinagusto ku anang makasasaea nga kinaiya hay nagakuntra sa Dyos. Indi imaw magtuman ku Kasuguan it Dyos ay indi gid nana ron mahimo.

2 Timoteo 3:12

Minatuod gid-a nga pagahingabuton man ro tanan nga may maeueot nga kaangtanan kay Kristo Jesus nga gustong magkabuhi nga matinumanon sa Dyos.

Santiago 4:4

Pareho kamo it bayi nga gapangawatan ay naila pa't-a kamo sa mga butang iya sa kalibutan! Owa baea kamo kasayod nga ginakuntra ninyo ro Dyos kon nailaan ninyo ro mga butang iya sa kalibutan nga kuntra nana? Ngani kon sin-o ro naila sa mga kalibutanon nga buhat nga kuntra it Dyos hay ginaobra nana mismo ro anang kaugalingon nga kaaway it Dyos.

Pahayag 17:7

pero ro anghel hay naghambae kakon, “Ham-an it hangawa ka gid? Isugid ko kimo kon ano ro kahueugan ku bayi ag ku sapat nga anang ginasakyan nga may pitong ka ueo ag napueong ka sungay.