1 Juan 3:12 - Inkeanon

¹² Indi naton pagtuearon si Cain nga nagpagahom kay Satanas, ro ginahalinan it kaeainan, tag anang ginpatay nga owa't kueukaeuoy ro anang igmanghod nga si Abel. Ham-an it ginpatay nana? Tungod ro ana mismong mga buhat hay maeain, ag ana nga ginakaugtan ro matarong nga buhat ku anang igmanghod nga si Abel.

1 Juan 3:12 Iomraidhean Croise

Mateo 13:19

Ro natabo sa binhi nga tumugpa sa daean hay kahalimbawa ku nagpamati sa mensahi parti sa paghari it Dyos pero owa nana rato maeubti ag nag-abot dayon si Satanas, ro ginahalinan it kaeainan, ag ginbuoe sa anang isip ratong mensahi nga anang habatian.

Mateo 13:38

Ro kahueugan ku taeamnan hay ro mga tawo iya sa kalibutan. Ro manami nga binhi hay ro mga sinakpan it Dyos ag ro mga hilamunon hay ro mga sinakpan ni Satanas, ro ginahalinan it kaeainan.

Mateo 23:35

Ngani kamo ro manabat ku kamatayon ku tanan nga mga matarong sa bilog nga kalibutan nga ginpamatay dahil sa andang pagsunod sa Dyos, umpisa kay Abel hasta sa unga ni Barakias nga si Zacarias. Si Zacarias hay ginpatay ku inyong kalolo-lolohan sa ueot ku Templo ag ku altar nga idto sa *lagwirta it Templo.

Mateo 27:23

Pinangutana eon man sanda ni Pilato, “Ham-an? Ano ro anang saea?” Pero mas kapin nga nagsininggit pa gid ro mga tawo, “Ieansang imaw sa krus!”

Mateo 5:37

Mas mayad pa nga maghambae eang kamo it ‘Huo, himuon ko’ ukon ‘Indi ako’, ay kon dugangan pa ninyo ro inyong ihambae hay halin eon ron kay Satanas, ro ginahalinan it kaeainan.”

Lucas 11:51

umpisa kay Abel hasta kay Zacarias. Ginpatay si Zacarias sa ueot ku Templo ag ku altar nga idto sa *lagwirta it Templo. Ginahambae ko eagi kinyo nga manabat gid sa Dyos ro mga tawo sa rayang tyempo sa kamatayon it tanan nga propeta nga ginpamatay dahil sa andang pagsunod sa Dyos.

Juan 10:32

Ngani naghambae imaw kanda, “Abo nga kamaeayran ro ginpaobra kakon ku akon nga Ama ag hakita ron ninyo. Ano sa akong mga gin-obra ngato ro dahilan agod inyo ako nga eapugon it bato?”

Juan 8:40

Ro kamatuuran manlang nga habatian ko halin sa Dyos ro akong ginsinugid kinyo, pero ginaplanuhan ninyo ako nga patyon. Owa naghimo it makaruyon si Abraham.

Juan 8:41

Ro inyong mga ginaobra hay pareho man sa mga ginaobra ku inyong ama.” Nagsabat sanda, “Bukon 't-a kami it mga bastardo. Ro Dyos eang ro among matuod nga Ama.”

Mga Binuhatan 7:52

May una gid baea nga propeta nga owa paghingabuta ku atong mga kalolo-lolohan? Ginpatay man nanda ro mga mensahiro it Dyos nga nagbalita parti sa isaeang ka matarong nga ipadaea nana iya sa ulihi, ag kamo makaron ro nagtraidor ag nagpatay ku pinadaea ngato.

1 Tesalonica 2:14

Hasayran namon ra tungod nagpadayon kamo sa inyong pagtuo bisan pa ginhingabot kamo ku inyong mga kasimanwa. Mga igmanghod, pareho ro inyong haagyan ag ro haagyan man ku mga grupo it mga tumueuo sa probinsya it Judea nga may maeueot nga kaangtanan kay Kristo Jesus. Ginbatas man nanda ro mga paghingabot ku andang mga kasimanwa nga mga *Judio.

Mga Hebreo 11:4

Aton nga dumdumon si Abel. Dahil sa anang pagtuo, naghaead imaw it haead nga mas mahaega sa mata it Dyos kaysa sa haead ni Cain. Dahil man sa anang pagtuo, ginbilang imaw nga matarong ay ginbaton it Dyos ro anang haead. Ngani mahambae naton nga bisan patay eon si Abel hay nagahambae gihapon imaw katon paagi sa ehemplo ku anang pagtuo.

Mga Hebreo 12:24

Nagdangop man kita kay Jesus, nga imaw ro manogpatunga katon ag sa Dyos sa bag-o nga kasugtanan. Ag matsa ginwisikan kita it anang dugo nga nag-agay pagpatay kana, ag paagi karon hay ginpatawad eon ro atong kasae-anan. Ngani ro dugo ni Jesus hay mas pa kaysa sa dugo ni Abel nga matsa nagapangayo eang it hustisya.

1 Pedro 4:4

Makaron hay hangawa ro inyong mga kaibahan kato sa pag-obra karon, ag grabi eon ro andang pagpakaeain kinyo ay owa eon kamo nagahama-hama nga mag-intra sa andang sobrang hinaras-haras.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.

Judas 1:11

Makangingidlis gid ro matabo kanda tungod ginatuead nanda ro maeain nga batasan ni Cain kato anay. Ag nagahama-hama gid sanda sa paghimo ku saea nga ginhimo ni Balaam kato anay agod eang makakwarta. Nagarebelde man sanda sa andang mga manogdumaea pareho kay Kora kato anay nga nagrebelde kay Moises ag Aaron. Ngani sa ulihi hay pagapinahan sanda hasta sa owa it katapusan pareho kay Kora ag sa anang mga kaibahan nga nagrebelde kato.

Pahayag 17:6

Nakita ko nga hilong ro bayi ngato. Hilong ra imaw sa nag-agay nga dugo ku kaabo-abo nga mga katawhan it Dyos nga anang ginpamatay tungod sa andang pagtuo kay Jesus ag sa andang pagpamatuod parti kana. Hangawa gid ako it duro pagkakita ko sa bayi ngato