1 Juan 3:11 - Inkeanon

¹¹ Mga unga kita it Dyos ngani dapat kita hay maghigugmaanan, dahil raya ro mensahi nga inyong habatian halin pa ku pag-umpisa ninyo it pagtuo.

1 Juan 3:11 Iomraidhean Croise

Juan 13:4

Nagtindog dayon si Jesus ag gin-uba ro anang pangsanib, ag nagtapis imaw it tualya.

Juan 15:12

“Raya ro akon nga sugo kinyo: Maghigugmaanan kamo pareho ku akong paghigugma kinyo.

Mga TagaGalacia 6:2

Magbueuligan kamo sa inyong mga kalisod tungod isaea ron sa mga paagi nga matuman ninyo ro sugo ni Kristo nga dapat nga maghigugmaanan kita.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

1 Tesalonica 4:9

Pero pag-abot sa paghigugma sa inyong kaigmanghuran sa pagtuo hay owa eon it kinahangean nga sueatan ko pa kamo parti karon, ay ro Dyos mismo ro nagturo kinyo nga maghigugmaanan.

1 Timoteo 1:5

Ro katuyuan ku pagturo it mensahi it Dyos sa mga tawo hay agod magmahigugmaon sanda, dahil limpyo eon ro andang kabubut-on ag konsensya ag agod magtuo sanda it minatuod.

1 Pedro 1:22

Paagi sa inyong pagtinuman sa kamatuuran hay inyong ginalimpyuhan ro inyong maeain nga batasan, ngani may sinsiro kamo nga paghigugma sa inyong kaigmanghuran sa pagtuo. Maghigugmaanan kamo it hantop sa tagipusuon

1 Pedro 3:8

Hara ro akong mga bilin para kinyo tanan. Magkaeasugot kamo ag mag-ueunungan. Higugmaa ro inyong kaigmanghuran sa pagtuo ag mangin maeueuy-on ag mapainubuson sa kada isaea.

1 Pedro 4:8

Eabaw sa tanan, maghigugmaanan kamo it hantop sa inyong tagipusuon. Kon ginahigugma abi ninyo ro inyong isigkatawo hay mapatawad gid ninyo imaw maskin man-o it abo ro anang saea kinyo.

1 Juan 1:5

Rondaya ro mensahi nga among habatian halin kay Jesu-Kristo ag daya man ro amon nga ginasugid kinyo: ro Dyos hay pareho it kahayag ag owa gid it bisan ano nga kadueom ukon kasae-anan kana.

1 Juan 4:11

Mga pinalangga, kon makara ro paghigugma it Dyos katon hay dapat man nga maghigugmaanan kita.

1 Juan 4:21

Raya ro sugo nga gintao ni Kristo katon nga ro nagahigugma sa Dyos hay dapat nga maghigugma man sa anang igmanghod sa pagtuo.

1 Juan 4:7

Mga pinalangga, maghigugmaanan kita tungod ro Dyos ro ginahalinan it gugma. Ro nagahigugma sa anang isigkatawo hay unga it Dyos, ag maeapit sa Dyos.

2 Juan 1:5

Pero makaron, haeangdon nga bayi, ginapadumdum ko ikaw nga dapat nga maghigugmaanan kita. Bukon it bag-o nga sugo ro akon ngara nga ginasueat kimo, tungod hasayran eon naton ra umpisa pa ku pagtuo naton kay Jesus.