1 Juan 3:10 - Inkeanon

¹⁰ Ngani makilaea gid naton kon sin-o ro unga it Dyos ag kon sin-o ro unga ni Satanas paagi dikara: ro owa nagahimo it matarong ag ro owa nagahigugma sa anang igmanghod sa pagtuo hay bukon it unga it Dyos.

1 Juan 3:10 Iomraidhean Croise

Mateo 13:38

Ro kahueugan ku taeamnan hay ro mga tawo iya sa kalibutan. Ro manami nga binhi hay ro mga sinakpan it Dyos ag ro mga hilamunon hay ro mga sinakpan ni Satanas, ro ginahalinan it kaeainan.

Lucas 6:35

Ayaw kamo magtuead karon kundi higugmaa ninyo ro inyong kaaway ag himui sanda it mayad. Kon magpahueam ka, ayaw magpaabot nga bayaran ka. Kon makara ro inyong ginaobra hay mabahoe gid ro inyong premyo, ag ginapakita ninyo nga mga unga kamo it Dyos nga Eabing Mataas tungod mabuot ro Dyos bisan sa mga owa it kabaeaslan ag sa mga maeain.

Juan 1:12

Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 11:52

Ag ro anang kamatayon hay bukon eang it para sa mga Judio, kundi para man sa tanan nga unga it Dyos nga bukon it Judio nga idto sa sari-saring parti it kalibutan, agod mangin sangka pamilya eang sanda tanan.

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Juan 8:47

Ro mga unga it Dyos hay nagapamati ag nagatuman sa ginahambae it Dyos kanda. Pero owa ninyo ron ginapamatii ag ginatumana tungod bukon kamo it mga unga it Dyos.”

Mga Binuhatan 13:10

“Makay Satanas ka gid! Puro eang pagpangluko ag kaeainan ro imong ginahimo! Ginakuntra mo bisan ano nga matarong! Hay, indi ka gid magpundo sa pagbinaliskad ku kamatuuran nga halin sa Ginuong Dyos?

Mga TagaRoma 13:8

Aton nga obligasyon nga bayran ro atong utang bago maglipas ro petsa kon siin dapat naton ron nga bayran. Pero ro atong obligasyon nga higugmaon ro atong isigkatawo hay owa it katapusan. Kon ginahigugma naton ro atong isigkatawo hay aton nga ginatuman tanan ro kasuguan it Dyos.

Mga TagaEfeso 5:1

Mga palangga kamo nga mga unga it Dyos, ngani tueara ninyo ro inyong Ama.

Mga TagaColosas 3:14

Ag eabi sa tanan, maghigugmaanan kamo tungod ro gugma hay pareho it bugkos nga nagahugpong sa mga tumueuo agod may anda nga matuod nga pag-ueugyon.

1 Timoteo 1:5

Ro katuyuan ku pagturo it mensahi it Dyos sa mga tawo hay agod magmahigugmaon sanda, dahil limpyo eon ro andang kabubut-on ag konsensya ag agod magtuo sanda it minatuod.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

1 Juan 3:2

Mga pinalangga, mga unga eon kita it Dyos, pero owa pa makaron ginpahayag ro tanan kon mauno kita sa ulihi. Sayod kita nga kon magbalik si Kristo hay mangin pareho kita kana, ay hikita naton kon mauno gid imaw.

1 Juan 4:21

Raya ro sugo nga gintao ni Kristo katon nga ro nagahigugma sa Dyos hay dapat nga maghigugma man sa anang igmanghod sa pagtuo.

1 Juan 4:6

Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.

1 Juan 4:8

Pero ro owa nagahigugma sa anang isigkatawo hay bukon it maeapit sa Dyos, dahil ro pagkamahigugmaon hay ana gid nga kinaiya it Dyos.

1 Juan 5:19

Sayod man naton nga kita hay mga unga it Dyos, pero ro tanan nga owa nagatuo kay Kristo hay una sa gahom it ginahalinan it kaeainan.

1 Juan 5:2

Masayran naton nga ginahigugma naton ro mga unga it Dyos kon aton nga ginahigugma ro Dyos, ag kon ginatuman naton ro anang kasuguan.

3 Juan 1:11

Pinalangga ko nga amigo, ayaw gid pagtueara ro maeain nga ginahimo it tawo, kundi tueara ro mayad. Ro nagahimo it mayad hay unga it Dyos, pero ro gahimo it maeain hay owa nakaeubot kon ano ro kinaiya it Dyos.