1 Juan 2:6 - Inkeanon

⁶ Ro bisan sin-o nga nagahambae nga imaw hay nagapadayon sa anang maeueot nga kaangtanan sa Dyos hay dapat nga magpangabuhi it matarong, pareho kay Jesu-Kristo.

1 Juan 2:6 Iomraidhean Croise

Mateo 11:29

Magpasakop kamo sa akong pagdumaea ag magpaturo kamo kakon, tungod mapinasensyahon ako ag mapainubuson ag magatawhay ro inyong paino-ino.

Juan 13:15

Ro akong ginpakita kinyo hay sangka halimbawa kon ano ro inyong dapat himuon sa kada isaea.

1 Corinto 11:1

Tueara ninyo ako pareho sa akong pagtuead kay Kristo.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

1 Pedro 2:21

Kaibahan ron sa pagtawag kinyo it Dyos dahil si Kristo man ngani hay nakaagi it pagsakit por dahil kinyo, ag ginpakita ron nana nga halimbawa nga inyong dapat nga tuearon.

1 Juan 2:28

Ngani mga unga nakon sa pagtuo, dapat padayunon naton ro atong maeueot nga kaangtanan kay Kristo, agod may atong kaisog it buot, ag makaatubang kita kana nga owa nahuya sa anang pagbalik.

1 Juan 2:4

Ngani ro bisan sin-o nga nagahambae nga nakakilaea gid imaw sa Dyos, pero owa man nagatuman sa anang mga kasuguan hay purilon, ag ro makaruyon nga tawo hay owa gid nakatanom sa anang paino-ino ro kamatuuran nga ginpahayag it Dyos.

1 Juan 3:24

Ro tanan nga nagatuman sa kasuguan it Dyos hay may padayon nga maeueot nga kaangtanan kana, ag ro Dyos hay padayon nga maeueot kana. Makasiguro kita kara tungod gintao nana katon ro Espirito Santo.

1 Juan 3:6

Ngani ro nagapadayon sa anang maeueot nga kaangtanan kay Kristo hay owa eon nagapadayon sa pagpakasaea. Pero ro nagapakasaea gihapon hay owa pa't-a nakaeubot ku kinaiya ni Kristo, o nakakilaea man kon sin-o gid imaw.

1 Juan 4:17

Paagi sa atong maeueot nga kaangtanan sa Dyos, ro atong paghigugma sa iba hay nangin himpit. Dahil karon, sigurado kita nga indi kita pagpinahan pag-abot it adlaw it paghukom, tungod samtang iya pa kita sa kalibutan hay nagakabuhi kita nga mahigugmaon pareho kay Kristo.