1 Juan 2:4 - Inkeanon

⁴ Ngani ro bisan sin-o nga nagahambae nga nakakilaea gid imaw sa Dyos, pero owa man nagatuman sa anang mga kasuguan hay purilon, ag ro makaruyon nga tawo hay owa gid nakatanom sa anang paino-ino ro kamatuuran nga ginpahayag it Dyos.

1 Juan 2:4 Iomraidhean Croise

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Tito 1:10

Ginahambae ko ra ay abo abi nga mga tawo nga indi magpasakop sa bisan ano nga otoridad. Anda nga ginapataeang ro mga tawo sa andang ginahambae nga owa it pueos. Makaraya ro ginaobra kapin ku mga Judio nga nagtuo eon, ugaling nagahambae sanda nga dapat gid magpatuli anay ro mga tumueuo nga bukon it *Judio agod nga maeuwas sanda.

Tito 1:16

Nagaako sanda nga kilaea kuno nanda ro Dyos pero sa andang buhat hay makita nga bukon man ron it matuod. Ro makaraya nga klasi it tawo hay makangingil-ad sa mata it Dyos, mga bukon it masinueundon kana, mga owa it pueos ag owa nana ginabilanga nga mayad ro bisan ano nanda nga buhat.

1 Juan 1:10

Ngani kon maghambae kita nga owa gid-a kita nagakasaea hay ginaobra naton nga purilon ro Dyos, ag gapakilaea ron nga owa gid nakatanom sa atong paino-ino ro hambae it Dyos parti sa saea.

1 Juan 1:6

Ngani kon ginahambae naton nga may aton nga pagpakig-iba sa Dyos pero nagapakasaea pa gihapon kita hay nagapinuril kita, tungod makita sa atong buhat nga owa naton ginatumana ro matuod nga mensahi. Ag kon makaruyon hay matsa nagakabuhi man gihapon kita sa kadueom.

1 Juan 1:8

Kon maghambae kita nga owa kita it saea hay ginaluko eang naton ro atong kaugalingon, tungod owa gid nakatanom sa atong paino-ino ro kamatuuran nga ginpahayag it Dyos parti sa saea.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.

1 Juan 2:9

Ro nagahambae nga nahayagan eon imaw pero ginakaugtan nana ro anang igmanghod sa pagtuo hay nagakabuhi pa gihapon sa kadueom.

1 Juan 3:6

Ngani ro nagapadayon sa anang maeueot nga kaangtanan kay Kristo hay owa eon nagapadayon sa pagpakasaea. Pero ro nagapakasaea gihapon hay owa pa't-a nakaeubot ku kinaiya ni Kristo, o nakakilaea man kon sin-o gid imaw.

1 Juan 4:20

Pero kon may maghambae nga ginahigugma nana ro Dyos, pero ginakaugtan nana ro anang igmanghod sa pagtuo hay nagapinuril. Kon indi nana mahigugma ro anang igmanghod nga anang makita, mas kapin pa gid nga indi nana mahigugma ro Dyos nga indi nana makita.

1 Juan 4:7

Mga pinalangga, maghigugmaanan kita tungod ro Dyos ro ginahalinan it gugma. Ro nagahigugma sa anang isigkatawo hay unga it Dyos, ag maeapit sa Dyos.