1 Juan 2:26 - Inkeanon

²⁶ Ginasueatan ko kamo kara agod paandaman kamo parti sa mga tawo nga nagatinguha nga pataeangon kamo sa andang saea nga ginaturo.

1 Juan 2:26 Iomraidhean Croise

Marcos 13:22

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga milagro ag mga makangawa-ngawa nga mga bagay bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Mga TagaColosas 2:18

Ayaw kamo magpati sa mga nagakondenar kinyo nga indi kamo puyding magbaton it premyo dahil owa kamo nagatuead kanda sa pagsimba sa mga anghel, ag sa pagpakuno-kuno nga mapainubuson. Ginainsistir man ku mga tawo ngaron nga may ginpakita kuno kanda ro Dyos, pero binugae ron ag bukon it matuod ay halin eang ron sa andang paino-ino nga makasasaea.

Mga TagaColosas 2:8

Mag-andam gid kamo nga owa it bisan sambilog kinyo nga madaea ku mga nagaturo it saea inha kinyo. Ro andang mga ginaturo hay owa it pueos ag pagpataeang nga halin eang sa andang paino-ino. Raya hay mga kaugalian ag sueundanan nga gin-obra-obra man lang ku mga tawo iya sa kalibutan ag bukon it halin kay Kristo.

1 Timoteo 4:1

Ginapaathag gid it Espirito Santo nga sa ulihing mga inadlaw hay magatalikod ro iba sa matuod nga mensahi parti kay Jesus. Magapati gid sanda sa mga pinuril nga ginaturo it mga manogpataeang nga espirito, nga owa it iba kundi mga demonyo.

2 Timoteo 3:13

Ag ro mga maeain nga nagapakuno-kuno nga manogturo sanda it tama hay mas gaeain pa gid. Pataeangon pa gid nanda ro mga tawo, ag sanda mismo hay mas magataeang pa gid.

1 Juan 3:7

Akon nga mga unga sa pagtuo, ayaw kamo magpadaea-daea. Ro nagahimo it mayad hay matarong pareho kay Kristo.

2 Juan 1:7

Abo eon nga mga manogpataeang nga nagaeapnaag sa bisan siin nga parti it kalibutan, nga nagaturo nga si Jesu-Kristo hay owa nangin matuod nga tawo sa anang pag-adto iya sa kalibutan. Ro mga nagaturo it makaruyon hay may paino-ino pareho ku Manogpataeang ag Manogkuntra kay Kristo.