1 Juan 2:21 - Inkeanon

²¹ Ngani nagasueat ako kinyo, bukon it dahil nga owa kamo nakasayod ku matuod nga mensahi kundi dahil nga hasayran ron ninyo, ag tungod sayod man kamo nga owa it kapurilan nga gahalin sa matuod nga mensahi.

1 Juan 2:21 Iomraidhean Croise

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Santiago 1:19

Mga pinalangga ko nga igmanghod sa pagtuo, tandai ninyo ra. Kita tanan hay dapat magpamati gid it mayad ag indi magdaso-daso sa paghambae kundi magpaino-ino anay. Indi man dapat kita madali maakig

2 Pedro 1:12

Ngani bisan sayod eon ninyo ro akong mga ginahambae ngara, ag malig-on eon ro inyong pagtuo sa kamatuuran nga ginturo kinyo hay padumdumon ko gihapon kamo permi parti kara.

1 Juan 3:19

Paagi karon hay masayran man naton nga nagasunod kita sa matuod nga mensahi, ag malimpyo ro atong konsensya kon magpangamuyo kita sa Dyos.

Judas 1:5

Sayod eon gid ninyo ro tanan nakong ihambae parti sa pina it Dyos sa mga nagaobra it saea pero gusto ko nga padumdumon gihapon kamo. Dumduma ninyo nga kato anay hay ginhilway ni Jesus ro mga katawhan it Dyos sa andang pagkaulipon sa Egipto ag ginpaguwa dayon idto. Pero ku ulihi hay ginpinahan nana tag mga owa magtuo, ngani nagkaeamatay sanda tanan sa *disyerto.