1 Juan 2:19 - Inkeanon

¹⁹ Ro mga nagakuntra ngaron kay Kristo hay mga kaibahan anay naton kato, ugaling hay nagbueag sanda katon. Pero ro andang pagbueag hay gapakilaea nga bukon gid sanda it matuod nga kaibahan naton nga mga tumueuo ni Kristo, ay kon matuod sanda nga tumueuo ni Kristo hay indi sanda magbueag katon.

1 Juan 2:19 Iomraidhean Croise

Mateo 24:24

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga grabi nga milagro ag mga makangawa-ngawa nga mga bagay, bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Marcos 13:22

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga milagro ag mga makangawa-ngawa nga mga bagay bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Lucas 8:13

Ro natabo ma't-a sa binhi nga tumugpa sa may dalipi hay kahalimbawa ku mga nagpamati sa mensahi it Dyos ag nagbaton nga may kalipay pagkabati kato nanda. Ugaling tungod owa nakagamot it mayad ro andang habatian hay owa man rato magbuhay sa andang paino-ino ngani pag-abot it kalisod hay nagtalikod dayon sanda sa anda ngatong ginbaton.

Juan 15:2

Ana nga ginaputoe ro kada sanga nga owa gabunga. Pero ro mga sanga nga nagabunga hay ana nga ginapungoe agod magbunga pa gid it abo.

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Mga Binuhatan 15:24

Habatian namon nga may pilang bilog nga kaibahan namon nga nagpalitik ku inyong ueo ag naggulo kinyo dahil sa andang ginhambae. Owa ron namon sanda pagsugua nga mag-adto inha.

Mga Binuhatan 20:30

Maabot man ro oras nga halin mismo sa inyong grupo hay may gapataeang sa mga tumueuo, agod magtalikod sa kamatuuran ag magsunod kanda ag sa andang saea nga ginaturo.

Mga TagaRoma 9:6

Bisan abo nga Judio ro indi magpati kay Jesus hay indi gihapon naton mahambae nga owa gintumana it Dyos ro anang mga ginpromisa kanda nga mga inapo ni Israel dahil bukon man it tanan nga inapo ni Israel hay mga minatuod nga katawhan it Dyos.

1 Corinto 11:19

Indi man abi malikawan ro mga makaruyon pero may pueos ron ay dikaron masayran kon sin-o kinyo ro mga aprubado it Dyos.

2 Timoteo 2:10

Ngani ginatiis ko ro bisan ano por dahil sa mga pinili it Dyos, agod nga maeuwas man sanda paagi sa ginhimo ni Kristo Jesus, ag sa ulihi hay masamitan nanda ro grabi it nami nga kahimtangan idto sa eangit hasta sa owa it katapusan.

2 Timoteo 2:19

Pero bisan may nagaturo it makaruyon, ro malig-on nga pundasyon nga gintukod it Dyos hay malig-on gid gihapon ag may tanda ron it makaraya: “Kilaea it Ginuo ro anang mga katawhan” ag “Tanan nga nagaako nga nagatuo sanda sa Ginuo hay dapat magpaeayo sa paghimo it bukon it matarong.”

2 Timoteo 3:9

Pero hasta siin gid abi sanda ron? Mahayag gid sa tanan ro anda ngarong pagkabungog pareho man kato kanday Jannes ag Jambres.

Mga Hebreo 10:39

Pero bukon kita it mga tawo nga nagatalikod sa Dyos ag ro dangatan hay pina sa impyerno hasta sa owa it katapusan kundi kita't-a hay mga tawo nga malig-on ro pagtuo ag maeuwas.

2 Juan 1:7

Abo eon nga mga manogpataeang nga nagaeapnaag sa bisan siin nga parti it kalibutan, nga nagaturo nga si Jesu-Kristo hay owa nangin matuod nga tawo sa anang pag-adto iya sa kalibutan. Ro mga nagaturo it makaruyon hay may paino-ino pareho ku Manogpataeang ag Manogkuntra kay Kristo.

Judas 1:1

Raya nga sueat hay halin kakon nga si Judas nga igmanghod ni Santiago ag ulipon ni Jesu-Kristo. Nagasueat ako kinyo nga mga tinawag it Dyos nga Ama nga mangin anang katawhan, kamo nga anang mga ginahigugma gid ag ginahaeungan ni Jesu-Kristo.

Judas 1:19

Sanda man ro nagapaaway kinyo agod indi kamo magkaeasugot. Ro anda eang nga ginapaino-ino hay kon ano ro iya sa kalibutan nga kuntra sa Dyos ag owa kanda ro Espirito it Dyos.