1 Juan 2:18 - Inkeanon

¹⁸ Mga unga nakon sa pagtuo, makaron eon ro ulihing mga inadlaw. Ginsugid eon kinyo nga maabot anay ro Manogkuntra kay Kristo ag hara eon, nagainabo eon makaron ro nagakuntra kana, mawron nga sayod eon naton nga nag-abot eon ro ulihing mga inadlaw.

1 Juan 2:18 Iomraidhean Croise

Mateo 24:11

Abo man ro magaabot nga mga magapakuno-kuno nga mga propeta it Dyos ag abo ro andang hipataeang.

Mateo 24:24

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga grabi nga milagro ag mga makangawa-ngawa nga mga bagay, bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Mateo 24:5

ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag abo gid ro andang pataeangon.

Marcos 13:6

ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag abo gid ro andang pataeangon.

Juan 21:5

Nagsinggit imaw kanda, “Migs, owa't-a kamo it hadakpan ay?” “Owa gid ngani,” sabat nanda.

Mga TagaRoma 13:11

Maghugod pa gid kita sa paghimo kara ay sayod naton nga matag-od lang ro mga inadlaw. Ngani dapat kita nga magbugtaw ag magbangon ay ro adlaw nga mabalik ro Ginuo ag ro atong kaeuwasan hay makompleto eon gid hay mas maeapit eon makaron kaysa sa adlaw nga nagtuo kita.

Mga TagaRoma 13:12

Madali lang matapos ro gabii ag maangan-angan hay agahon eon. Ngani aton eon nga talikdan ro saea nga ginahimo it mga tawo nga una pa sa kadueom ag magkabuhi kita it matarong ay ruyon hay pareho it armas ku mga tawo nga nagakabuhi eon sa kahayag.

Mga Hebreo 1:2

Pero sa rayang ulihing mga inadlaw ro Dyos hay nagpaabot katon ku anang gustong ipasayod paagi sa ana mismo nga Unga. Ro anang Unga man ro anang ginbutang nga magasakop ku tanan-tanan. Paagi man sa ana ngara nga unga hay gintuga it Dyos ro tanan-tanan sa kalibutan ag sa kaeangitan.

1 Pedro 1:20

Bago pa't-a gintuga ro kalibutan hay ginbutang eon it Dyos si Kristo nga mangin maneueuwas it tawo suno sa anang plano. Pero ku raya eang nga ulihing mga inadlaw imaw ginpahayag ag nakapanimpueos eon kamo sa anang ginhimo.

1 Pedro 1:5

Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.

1 Pedro 4:7

Madali eon lang ro katapusan it kalibutan, ngani magpaino-ino kamo it maeawig, ag timbang-timbanga ninyo it mayad ro mga butang agod mas insakto ag epektibo ro inyong mga pangamuyo.

2 Pedro 2:1

Pero kato anay, sa mga inapo ni *Israel hay may mga nagaako nga propeta man sanda it Dyos, pero nagapakuno-kuno man lang gali. Makaruyon man inha kinyo ay may magaako man nga manogturo sanda it mensahi it Dyos pero bukon ron it matuod. Magaturo sanda it saea nga makasamad sa pagtuo it mga tawo. Ag anda pa nga ipanghiwaea ro Ginuo nga nagtubos kanda. Ngani nagasako ma't-a sanda nga pinahan sa impyerno hasta sa owa't katapusan.

2 Pedro 3:3

Eabi sa tanan, dapat ninyo masayran nga sa ulihing mga inadlaw hay may maabot nga mga paeatuya-tuya ag magapinagusto sa andang mga maeain nga handom.

1 Juan 2:22

Hay sin-o ro pinakapurilon sa tanan? Ro pinakapurilon hay ro nagahambae nga si Jesus hay bukon it ro Maneueuwas nga ginpromisa it Dyos. Ro tawo nga makaraya ro anang ginahambae hay may paino-ino pareho ku Manogkuntra kay Kristo, ag owa nagabaton sa Dyos nga Ama ag sa anang Unga.

1 Juan 4:1

Mga pinalangga, ayaw kamo magpati sa tanan nga mga nagahambae nga ro andang ginaturo hay halin sa Espirito Santo, kundi testingi kon ro andang mga ginaturo hay halin matuod sa Dyos. Abo eo't-a abi nga mga nagapakuno-kuno nga mga propeta nga nagaeapnaag bisan siin nga parti it kalibutan.

1 Juan 4:3

Pero ro tanan nga owa nagapati ku raya ngara parti kay Jesus hay gapakilaea nga ro andang ginaturo hay bukon it halin sa Espirito it Dyos, ag ro andang paino-ino hay pareho sa paino-ino it Manogkuntra kay Kristo. Ginsugid eon kinyo nga magaabot imaw iya, ag abo eon ngani iya sa kalibutan nga pareho kana it paino-ino.

2 Juan 1:7

Abo eon nga mga manogpataeang nga nagaeapnaag sa bisan siin nga parti it kalibutan, nga nagaturo nga si Jesu-Kristo hay owa nangin matuod nga tawo sa anang pag-adto iya sa kalibutan. Ro mga nagaturo it makaruyon hay may paino-ino pareho ku Manogpataeang ag Manogkuntra kay Kristo.

Judas 1:18

Ginhambae nanda kinyo nga sa ulihing mga inadlaw hay may mga tawo nga gatuya-tuya kinyo. Owa sanda it kahadlok sa Dyos ag gapinasugot eang sa andang mga maeain nga handom.