Biblia Todo Logo
Bìoball air-loidhne

- Sanasan -




1 Juan 2:17 - Inkeanon

17 Ro kalibutan ag ro tanan nga maeain nga ginakaigban it tawo iya sa kalibutan hay nagataliwan, pero ro nagatuman sa pagbuot it Dyos hay magakabuhi hasta sa owa it katapusan.

Faic an caibideil Dèan lethbhreac




1 Juan 2:17
28 Iomraidhean Croise  

Siin sa daywa ngato nga ka unga ro nagsunod sa gusto ku andang ama?” “Ro kamagueangan,” sabat nanda. Nagsabat si Jesus, “Tama. Matuod rang ginahambae kinyo nga ro mga madaya nga mga *manogsukot it buhis ag ro mga bayi nga nagabaligya ku andang kaugalingon hay nagauna pa kinyo nga mangin sinakpan it Dyos.


Maduea eang ro eangit ag kalibutan pero ro akon tanan nga ginpangturo hay owa gid it pagkaduea.”


Naghambae si Jesus, “Bukon it tanan nga nagatawag kakon it Ginuo hay ikatapoe sa mga sinakpan it Dyos kundi rondato eang nga nagatuman ku pagbuot ku akon nga Ama sa eangit.


Ro bisan sin-o nga nagatuman sa pagbuot it Dyos hay ruyon ro akon nga ginakabig nga ina ag igmanghod.”


Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”


“Ako ro minatuod nga pagkaon nga naghalin sa eangit nga bukon it pareho ku pagkaon nga ginkaon kato ku atong mga kalolo-lolohan. Bisan ginkaon nanda rato hay nagkaeamatay man gihapon sanda. Pero ro nagakaon ku raya nga minatuod nga pagkaon hay magakabuhi hasta sa owa it katapusan.”


Masayran gid ku tawo nga gustong magsunod sa pagbuot it Dyos kon ro akong ginaturo hay akon-akon eang o halin sa Dyos.


Ayaw magtuead sa batasan ag pagginawi ku mga tawo iya sa kalibutan nga owa nagatuo sa Dyos. Dapat nga mga bag-o kamo nga mga tawo paagi sa pagbag-o it Dyos sa inyong paino-ino. Kon himuon ninyo ron hay masayran ninyo ag mapamatud-an nga ro kabubut-on it Dyos, ro mga bagay nga mayad, perpekto ag makapalipay kana.


Matuod nga magamit naton ro mga bagay iya sa kalibutan nga para sa atong kamaeayran ugaling dapat nga bukon it dikaron nasentro ro atong isip dahil maabot ro oras nga ro bilog nga sistema it atong pagpangabuhi makaron iya sa kalibutan hay maduea.


Imaw ron ngani nga halin ku pagkasayod namon parti kinyo hay sige ro amon nga pagpinangamuyo para kinyo. Ginapangayo namon sa Dyos nga paagi sa anang Espirito hay taw-an nana kamo it tanan nga kaaeam, agod masayran ag maeubtan ninyo kon ano ro anang gustong ipaobra kinyo.


Ginakumusta man kamo ni Epafras nga inyong kasimanwa. Nagaserbi man ron imaw kay Kristo Jesus ag grabi gid ro anang pagpinangamuyo para kinyo, agod maglig-on kamo ag owa it ikasaway sa inyong pagtuo ag sigurado gid ku tanan nga gusto it Dyos nga ipaobra kinyo.


Ro dahilan nga may mga sugo imaw kinyo hay tungod ro pagbuot it Dyos hay mangin balaan kamo. Ngani ayaw gid kamo maghulid sa bukon ninyo it asawa.


Magpasaeamat kamo permi sa Dyos bisan ano ro inyong kahimtangan, tungod raya ro kabubut-on it Dyos nga obrahon ninyo bilang mga tumueuo ni Kristo Jesus.


Dapat nga padayon kamo sa inyong pagtuo kay Jesus agod mabaton ninyo ro ginpromisa it Dyos dahil gintuman ninyo ro anang kabubut-on.


Ugaling hay owa ngani kamo nakasayod kon ano ro inyong kabuhi hin-aga. Pareho eang kamo it ambon nga hakikita it madaling oras ag nagakaduea dayon.


Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.


Owa eon nana ginagamita ro nabilin nga inadlaw ku anang kabuhi iya sa kalibutan sa pagbusog ku anang mga kalibutanon nga kailigbon kundi sa pagtuman ku kabubut-on it Dyos.


Lean sinn:

Sanasan


Sanasan