1 Juan 2:15 - Inkeanon

¹⁵ Ngani ayaw ninyo pagpahaegahi ro kaeainan iya sa kalibutan, ukon ro mga butang iya sa kalibutan. Ro nagapahaega sa kaeainan iya sa kalibutan hay owa nagahigugma sa Dyos Ama.

1 Juan 2:15 Iomraidhean Croise

Mateo 4:8

Pagkatapos hay gindaea imaw ni Satanas sa kataas-taas nga bukid ag ginpakita kana ro tanan nga nasyon sa bilog nga kalibutan ag ro andang kadungganan.

Mateo 6:24

“Owa it sueuguon nga makaserbi it dungan sa daywang ka amo. Tungod ro matabo hay ana nga kaugtan ro sambilog ag higugmaon ro sambilog, ukon ana nga apinan ro sambilog ag baliwalaon ro sambilog. Indi ka puyding magserbi sa Dyos it husto ag paeabihon mo man ro pagmanggad.”

Lucas 16:13

Owa it ulipon nga makaserbi it dungan sa daywang ka amo. Tungod ro matabo hay ana nga kaugtan ro sambilog ag higugmaon ro isaea o ana nga apinan ro sambilog ag baliwalaon ro isaea. Indi kamo puyding magserbi sa Dyos it husto ag paeabihon man ninyo ro pagmanggad.”

Juan 15:19

Kon pareho kamo kanda nga owa nagatuo kakon hay mailaan 't-a nanda kamo ay paeareho abi kamo. Pero bukon kamo it pareho kanda ay ginpili ko kamo agod bukon eon kamo it kaibahan ku mga owa nagatuo kakon. Mawron nga ginakaugtan nanda kamo.

Mga TagaRoma 12:2

Ayaw magtuead sa batasan ag pagginawi ku mga tawo iya sa kalibutan nga owa nagatuo sa Dyos. Dapat nga mga bag-o kamo nga mga tawo paagi sa pagbag-o it Dyos sa inyong paino-ino. Kon himuon ninyo ron hay masayran ninyo ag mapamatud-an nga ro kabubut-on it Dyos, ro mga bagay nga mayad, perpekto ag makapalipay kana.

Mga TagaGalacia 1:10

Ano ro inyong eaom, nagapadayaw-dayaw ako sa mga tawo sa akong ginhambae? Owa! Ro akon eang hay gusto ko nga malipay ro Dyos kakon. Kon nagahandom gihapon ako nga dayawon it mga tawo hay bukon eon dayon ako it bagay nga bilangon nga ulipon ni Kristo.

Mga TagaEfeso 2:2

Makaruyon anay kamo kato, ay nagasunod pa kamo sa maeain nga batasan ku mga tawo iya sa kalibutan. Ro inyong pagsunod ngaron hay pagsunod man sa pinuno it tanan nga maeain nga espirito nga nagagahom sa kahanginan, ag imaw man ro espirito nga nagatueod sa mga owa nagatuman sa Dyos nga magkasaea.

1 Timoteo 6:10

Ro sobra abi nga kaila sa kwarta hay nagatueod sa tawo nga mag-obra it tanan nga klasi it saea. Ngani ro iba nga hasubrahan sa kaila sa kwarta hay nagpaeayo sa matuod nga mensahi parti kay Jesus ag nakaagi it abo nga kasubo ay hungod man nanda ron.

Santiago 1:27

Ro pagkarelihiyoso nga limpyo ag owa it ikasaway sa mata it Dyos nga Ama hay makaraya: nagabulig sa mga ilo ag sa mga baeo nga nagakalisod ag nagaandam man nga indi matapnan it mga maeain nga batasan sa kalibutan.

Santiago 4:4

Pareho kamo it bayi nga gapangawatan ay naila pa't-a kamo sa mga butang iya sa kalibutan! Owa baea kamo kasayod nga ginakuntra ninyo ro Dyos kon nailaan ninyo ro mga butang iya sa kalibutan nga kuntra nana? Ngani kon sin-o ro naila sa mga kalibutanon nga buhat nga kuntra it Dyos hay ginaobra nana mismo ro anang kaugalingon nga kaaway it Dyos.

1 Juan 3:17

Halimbawa abi nga may sangka tawo nga bugana sa tanan nga pagkabutang iya sa kalibutan ag hakita nana nga ro anang igmanghod sa pagtuo hay ginakueang, pero owa man nana ginakaeuy-i ag ginabuligi. Paalin naton mahambae nga anang ginapakita ro gugma nga halin sa Dyos?

1 Juan 4:5

Ro mga nagapakuno-kuno ngaron nga mga propeta hay nagapaino-ino ag nagabinatasan pareho gid sa mga tawo nga owa nagakilaea sa Dyos. Ngani ro andang ginaturo hay suno sa kaisipan ku mga tawo nga owa nagakilaea sa Dyos, ag naila man magpamati kanda ro mga owa nagakilaea sa Dyos.

1 Juan 5:10

Ro nagapati nga si Jesu-Kristo hay Unga it Dyos hay makasiguro sa ana mismong kaugalingon nga ro anang ginapatihan hay matuod. Pero ro owa nagapati sa pamatuod nga ginahambae it Dyos nga Ama parti sa anang Unga hay ginaobra nana nga purilon ro Dyos.