1 Juan 2:13 - Inkeanon

¹³ Nagasueat man ako kinyo, mga magueang, tungod nakakilaea gid kamo kana nga una eon bago pa gintuga ro bisan ano. Nagasueat man ako kinyo nga mga pamatan-on, tungod haperdi ninyo si Satanas, ro ginahalinan it kaeainan.

1 Juan 2:13 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 13:19

Ro natabo sa binhi nga tumugpa sa daean hay kahalimbawa ku nagpamati sa mensahi parti sa paghari it Dyos pero owa nana rato maeubti ag nag-abot dayon si Satanas, ro ginahalinan it kaeainan, ag ginbuoe sa anang isip ratong mensahi nga anang habatian.

Mateo 13:38

Ro kahueugan ku taeamnan hay ro mga tawo iya sa kalibutan. Ro manami nga binhi hay ro mga sinakpan it Dyos ag ro mga hilamunon hay ro mga sinakpan ni Satanas, ro ginahalinan it kaeainan.

Mateo 5:37

Mas mayad pa nga maghambae eang kamo it ‘Huo, himuon ko’ ukon ‘Indi ako’, ay kon dugangan pa ninyo ro inyong ihambae hay halin eon ron kay Satanas, ro ginahalinan it kaeainan.”

Lucas 10:22

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 14:7

Tungod kilaea eon ninyo ako hay makilaea man ninyo pati ro akon nga Ama, ag umpisa makaron hay hikilaea eon ninyo imaw, ay nakita eon ninyo imaw.”

Juan 14:9

Nagsabat si Jesus, “Felipe, mabuhay eon ro akong pag-iniba kinyo ag owa ka't-ing gihapon kakilaea kakon? Ro nakakita kakon hay nakakita man sa akong Ama. Ham-an it gahambae ka pa nga ipakita ko kinyo ro akong Ama?

Juan 16:3

Obrahon ron nanda kinyo dahil saea ro andang pagkakilaea sa akong Ama, ag pati man kakon.

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 8:19

Ginpangutana dayon nanda si Jesus, “Hay siin ro imong ginahambae ngaron nga Ama?” Nagsabat si Jesus, “Owa kamo kakilaea it mayad kakon ag owa man kamo kakilaea it mayad sa akon nga Ama. Kon kilaea ninyo ako it mayad hay kilaea man ninyo it mayad ro akong Ama.”

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

1 Timoteo 5:1

Kon may nagkasaea inha nga magueang nga eaki, ayaw pagpangisgi kundi hambaea eang it matawhay nga matsa imo imaw nga ama. Kon ro nagkasaea man hay eaki nga pamatan-on, sawaya eang nga matsa imo imaw nga igmanghod.

Tito 2:6

Hambaei man ro mga eaki nga mga pamatan-on nga may anda dapat nga pagpugong sa andang kaugalingon.

1 Juan 1:1

Sa raya nga sueat hay amon nga ginasugid kinyo ro parti kay Jesus nga ginatawag nga Mensahi, nga nagatao it kabuhi nga owa it katapusan. Imaw hay una eo't-a bago pa gintuga ro bisan ano. Nagpakatawo imaw ag nag-istar iya sa kalibutan. Amon imaw nga nabatian maghambae, amon imaw nga hakita mismo ku amon nga mga mata ag hapamusturahan, ag habuytan ku amon nga mga alima.

1 Juan 2:1

Mga unga nakon sa pagtuo, ginasueat ko kinyo ro mga bagay ngara agod indi kamo magkasaea. Pero kon may una gid man kinyo nga magkasaea hay may magabulig katon nga magapangabay sa Dyos nga Ama nga patawaron kita, ag ruyon hay si Jesu-Kristo, nga imaw ro matarong.

1 Juan 2:12

Mga unga nakon sa pagtuo, nagasueat ako kinyo ay ginpatawad eon kamo sa inyong mga saea tungod namatay si Kristo por dahil kinyo.

1 Juan 2:14

Akon nga umanon ro akong ginhambae. Mga palangga nakon nga mga unga sa pagtuo, nagasueat ako kinyo tungod nakakilaea gid kamo sa Dyos nga atong Ama. Mga magueang, nagasueat ako kinyo ay nakakilaea gid kamo kana nga una eon bago pa gintuga ro bisan ano. Mga pamatan-on, nagasueat man ako kinyo tungod mga malig-on kamo sa inyong pagtuo, ag ro mensahi it Dyos hay nakatanom gid sa inyong paino-ino, ag haperdi ninyo ro ginahalinan it kaeainan.

1 Juan 3:12

Indi naton pagtuearon si Cain nga nagpagahom kay Satanas, ro ginahalinan it kaeainan, tag anang ginpatay nga owa't kueukaeuoy ro anang igmanghod nga si Abel. Ham-an it ginpatay nana? Tungod ro ana mismong mga buhat hay maeain, ag ana nga ginakaugtan ro matarong nga buhat ku anang igmanghod nga si Abel.

1 Juan 4:4

Mga unga nakon sa pagtuo, kamo hay mga katawhan it Dyos ngani haperdi eon ninyo ro mga nagapakuno-kuno nga mga propeta, ay owa ninyo sanda pagpatihi. Owa ninyo sanda pagpatihi ay ro Espirito Santo nga una kinyo hay mas gamhanan kaysa kay Satanas nga nagagahom sa mga tawo iya sa kalibutan nga owa nagakilaea sa Dyos.

1 Juan 5:18

Sayod naton nga ro tanan nga gintaw-an it Dyos it bag-o nga kabuhi hay owa eon nagapadayon sa pagpakasaea, tungod ginabantayan imaw ku Unga it Dyos nga si Jesus, ag indi imaw hihalitan ni Satanas, ro ginahalinan it kaeainan.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

Pahayag 12:11

Pero ginperdi nanda imaw paagi sa dugo ku ginatawag nga Tiyo it Karnero nga ginsakripisyo para sa andang mga saea, ag paagi sa andang pagpamatuod parti kay Jesus, bisan sayod nanda nga andang ikamatay ron.

Pahayag 2:7

“ ‘Gintaw-an kamo it dueunggan ngani pamatii ninyo it mayad ro ginahambae it Espirito it Dyos sa mga grupo it mga tumueuo. Ro nagapadayon nga madinaeag-on sa andang pagsunod sa Ginuo hay sugtan nakon nga magkaon ku bunga it kahoy nga nagatao it kabuhi nga idto nagatubo sa Paraiso it Dyos.’ ”